About: http://data.cimple.eu/claim-review/e1bc92ab522509a6b03239ee29c336ed77f5c86f3b038ccda847cb57     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • അയോധ്യ രാമക്ഷേത്രത്തിനുള്ളിലെ മനോഹരമായ ദൃശ്യം എന്ന് അവകാശപ്പെട്ട് ഒരു വീഡിയോ സമൂഹമാധ്യമങ്ങളില് പ്രചരിക്കുന്നുണ്ട്. സ്വര്ണ്ണ കൊത്തുപണികളുള്ള ചുവരുകള്, ഹിന്ദു ദേവീദേവന്മാരുടെ ചിത്രങ്ങള്, നിലവിളക്കുകള് എന്നിവയുള്ള വിശാലമായ ഒരു അകത്തളമാണിത്. "ശ്രീരാമക്ഷേത്രത്തിന്റെ അകത്തെ കാഴ്ച; അയോദ്ധ്യ- അവസാനഘട്ട പൂര്ത്തീകരണ ജോലികള് പുരോഗമിക്കുന്നു.???? ജാതി മത ഭേദമെന്യേ ആര്ക്കും പ്രവേശനം" എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ളത് തെറ്റിദ്ധരിപ്പിക്കുന്ന വിവരമാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്താനായി. ഇത് അയോധ്യയിലെ രാമക്ഷേത്രത്തിനകത്തെ ദൃശ്യമല്ല. അന്വേഷണം വൈറല് വീഡിയോ സൂക്ഷ്മമായി നിരീക്ഷിക്കുമ്പോള് 'നാഗ്പൂര് എക്സ്പീരിയന്സ്' എന്ന വാട്ടര്മാര്ക്ക് കാണാനാകുന്നുണ്ട്. കീവേര്ഡ് സെര്ച്ച് നടത്തിയപ്പോള് ഇതേ പേരിലുള്ള യുട്യൂബ് ചാനല് കണ്ടെത്തി. പ്രചാരത്തിലുള്ള വീഡിയോ 2023 ജൂലൈ 8ന് ഈ ചാനലില് അപ്ലോഡ് ചെയ്തിട്ടുണ്ട്. മഹാരാഷ്ട്രയിലെ നാഗ്പൂരിലുള്ള കൊരാടി ക്ഷേത്രത്തില് നിന്നുള്ള ദൃശ്യമെന്നാണ് വീഡിയോയുടെ കുറിപ്പില് പറയുന്നത്. കൊരാടി ക്ഷേത്രത്തിന്റെ മറ്റ് വീഡിയോകളും ഈ ചാനലില് ലഭ്യമാണ്. യുട്യൂബ് പേജില് പങ്കുവച്ചിട്ടുള്ള വീഡിയോ താഴെ കാണാം. റിപ്പോര്ട്ടുകള് പ്രകാരം, ഈ ക്ഷേത്രം മഹാലക്ഷ്മി ജഗദംബയുടേതാണ്. ക്ഷേത്രത്തോടനുബന്ധിച്ചുള്ള ഭാരതീയ വിദ്യാഭവന്റെ സാംസ്കാരിക കേന്ദ്രം ജൂലൈ 5 ന് രാഷ്ട്രപതി ദ്രൗപതി മുര്മു ഉദ്ഘാടനം ചെയ്തിരുന്നു. പ്രസിഡന്റ് മുര്മുവിന്റെ ട്വിറ്റര് അക്കൗണ്ടില് നിന്ന് ഇതുമായി ബന്ധപ്പെട്ട ഒരു ട്വീറ്റും കണ്ടെത്താനായി. ഇതില് വൈറലായ വീഡിയോയ്ക്ക് സമാനമായ ദൃശ്യമുണ്ട്. കള്ച്ചറല് സെന്ററിന്റെ ഭിത്തിയില് ചിത്രങ്ങളിലൂടെ രാമായണകഥ വിവരിച്ചിട്ടുണ്ടെന്ന് ഭാരതീയ വിദ്യാഭവന്റെ വെബ്സൈറ്റില് വ്യക്തമാക്കുന്നുണ്ട്. കൂടാതെ സ്വാതന്ത്ര്യസമര സേനാനികളുടെയും പരം വീര്ചക്ര ലഭിച്ച സൈനീകരുടെയും വിവരങ്ങള് ഇവിടെ ഉള്പ്പെടുത്തിയിട്ടുണ്ട്. അതേസമം, അയോധ്യയില് രാമക്ഷേത്രത്തിന്റെ നിര്മ്മാണ പ്രവര്ത്തനങ്ങള് പുരോഗമിക്കുകയാണ്. കുറച്ച് ദിവസങ്ങള്ക്ക് മുമ്പ് ശ്രീരാമ ജന്മഭൂമി തീര്ഥ് ക്ഷേത്ര ജനറല് സെക്രട്ടറി ചമ്പത് റായ് നിര്മാണത്തിന്റെ വീഡിയോ പങ്കുവച്ചിരുന്നു. ഇത് താഴെ കാണാം. റിപ്പോര്ട്ടുകള് പ്രകാരം അടുത്ത ജനുവരിയോടെ ക്ഷേത്രം ഭക്തര്ക്കായി തുറന്നുകൊടുക്കാനാകും. ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോ അയോധ്യയിലെ ശ്രീരാമക്ഷേത്രത്തിന്റേതല്ലെന്ന് വ്യക്തമായി. ഇന്പുട്ട്: അര്ജുന് ഡിയോഡിയ, ന്യൂ ഡല്ഹി അയോധ്യയിലെ രാമക്ഷേത്രത്തിനുള്ളില് നിന്നുള്ള ദൃശ്യം. പ്രചരിക്കുന്ന വീഡിയോ അയോധ്യാ രാമക്ഷേത്രത്തിലേതല്ല, നാഗ്പുരിലെ ഭാരതീയ വിദ്യാഭവനിലെ സംസ്കൃതി കേന്ദ്രത്തില് നിന്നുള്ളതാണ്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software