| schema:text
| - Fact Check: ସଲମାନ ଖାନ ଏବଂ ଅନନ୍ତ ଅମ୍ବାନୀଙ୍କ ଏହି ଭିଡିଓ ମହାକୁମ୍ଭ ସହିତ ଜଡିତ ନୁହେଁ
ବିଶ୍ୱାସ ନ୍ୟୁଜ୍ ଏହାର ଅନୁସନ୍ଧାନରେ ଜାଣିପାରିଲା ଯେ ଭାଇରାଲ୍ ଦାବିଟି ମିଥ୍ୟା ଅଟେ। ଭାଇରାଲ ଭିଡିଓଟି ମହାକୁମ୍ଭର ନୁହେଁ ବରଂ ଜାମନଗରର, ଯେତେବେଳେ ଅମ୍ବାନୀ ପରିବାର ସେଠାରେ ସଲମାନ ଖାନଙ୍କ ଜନ୍ମଦିନ ପାଳନ କରିଥିଲେ।
By: Pallavi Mishra
-
Published: Feb 7, 2025 at 05:36 PM
-
ନୂଆଦିଲ୍ଲୀ (ବିଶ୍ୱାସ ନ୍ୟୁଜ୍)। ସଲମାନ ଖାନ, ଅନନ୍ତ ଅମ୍ବାନୀ ଏବଂ ରାଧିକା ଅମ୍ବାନୀଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି, ଯେଉଁଥିରେ ସେମାନେ ଏକାଠି ଚାଲିବାର ଦେଖିବାକୁ ମିଳୁଛି। ଭିଡିଓଟି ସେୟାର କରି ଦାବି କରାଯାଉଛି ଯେ ଏହି ତିନିଜଣ ମହାକୁମ୍ଭରେ ପହଞ୍ଚିଛନ୍ତି ଏବଂ ଭିଡିଓଟି ସେଠାରୁ ଆସିଛି।
ବିଶ୍ୱାସ ନ୍ୟୁଜ୍ ଏହାର ଅନୁସନ୍ଧାନରେ ଜାଣିପାରିଲା ଯେ ଭାଇରାଲ୍ ଦାବିଟି ମିଥ୍ୟା ଅଟେ। ଭାଇରାଲ ଭିଡିଓଟି ମହାକୁମ୍ଭର ନୁହେଁ ବରଂ ଜାମନଗରର, ଯେତେବେଳେ ଅମ୍ବାନୀ ପରିବାର ସେଠାରେ ସଲମାନ ଖାନଙ୍କ ଜନ୍ମଦିନ ପାଳନ କରିଥିଲେ।
ଭାଇରାଲ କ’ଣ ହେଉଛି?
ଜାନୁଆରୀ 30, 2025 ରେ ଫେସବୁକ୍ ୟୁଜର ‘baba_jay_yogi3490_hindu’ ଦ୍ୱାରା ଭିଡ଼ିଓଟିକୁ ସେୟାର କରାଯାଇଛି। ଭିଡିଓର କ୍ୟାପସନରେ ଲେଖାଯାଇଛି, “ମହାକୁମ୍ଭରେ ଅନନ୍ତ ଅମ୍ବାନୀ ଏବଂ ସଲମାନ ଖାନ।”
ପୋଷ୍ଟର ଆର୍କାଇଭ୍ ଲିଙ୍କ୍ ଏଠାରେ ଦେଖନ୍ତୁ।
ଅନୁସନ୍ଧାନ
ଭାଇରାଲ୍ ଦାବିର ସତ୍ୟତା ଜାଣିବା ପାଇଁ, ଆମେ ସମ୍ବନ୍ଧିତ କୀୱାର୍ଡ ବ୍ୟବହାର କରି ଗୁଗୁଲରେ ସନ୍ଧାନ କରିଥିଲୁ। ସଲମାନ ଖାନ ଏବଂ ଅନନ୍ତ ଅମ୍ବାନୀ ମହାକୁମ୍ଭକୁ ଯିବା ବିଷୟରେ ଆମେ କୌଣସି ଖବର ପାଇଲୁ ନାହିଁ।
ଏହା ପରେ ଆମେ ଗୁଗୁଲ୍ ରିଭର୍ସ ଇମେଜରେ ଭାଇରାଲ୍ ଭିଡିଓର ମୁଖ୍ୟ ଫ୍ରେମଗୁଡ଼ିକୁ ଖୋଜିଲୁ। ଆମେ ଡିସେମ୍ବର 2024 ରେ ଅନେକ ସୋସିଆଲ ମିଡିଆ ଆକାଉଣ୍ଟରେ ଏହି ଭିଡିଓଟି ଅପଲୋଡ୍ ହୋଇଥିବା ପାଇଲୁ। akramvarkati_srk__1763 ନାମକ ଜଣେ ଇନଷ୍ଟାଗ୍ରାମ ୟୁଜର ଡିସେମ୍ବର 30, 2024 ରେ ଏହି ଭିଡିଓଟି ପୋଷ୍ଟ କରିଥିଲେ ଏବଂ ” Salman Khan in Reliance Greens in Jamnagar ” ବୋଲି ଲେଖିଥିଲେ।
ଏଠାରୁ ସୂଚନା ନେଇ, ଆମେ କୀୱାର୍ଡ ଖୋଜିଲୁ। ଖବର ଅନୁସାରେ, ଜାମନଗରରେ ଅମ୍ବାନୀ ପରିବାର ଡିସେମ୍ବର 27 ତାରିଖରେ ସୁପରଷ୍ଟାର ସଲମାନ ଖାନଙ୍କ 59ତମ ଜନ୍ମଦିନ ଅବସରରେ ଏକ ଭବ୍ୟ ପାର୍ଟିର ଆୟୋଜନ କରିଥିଲେ।
ଆମେ ଏହି ବିଷୟରେ ଦୈନିକ ଜାଗରଣର ବରିଷ୍ଠ ସାମ୍ବାଦିକା ସ୍ମିତା ଶ୍ରୀବାସ୍ତବଙ୍କ ସହ ମଧ୍ୟ କଥା ହୋଇଥିଲୁ, ଯିଏ ମୁମ୍ବାଇରେ ବଲିଉଡ୍ ସମ୍ବନ୍ଧିତ ଖବରକୁ କଭର କରନ୍ତି। ସେ କହିଛନ୍ତି, “ଏହି ଭିଡିଓଟି ଡିସେମ୍ବର 2024ର, ଯେତେବେଳେ ଅମ୍ବାନୀ ପରିବାର ଜାମନଗରରେ ସଲମାନ ଖାନଙ୍କ ଜନ୍ମଦିନ ପାଳନ ପାଇଁ ଏକ ପାର୍ଟିର ଆୟୋଜନ କରିଥିଲେ। ଏହି ସମୟରେ ସଲମାନ ଖାନ, ଅନନ୍ତ ଅମ୍ବାନୀ ଏବଂ ରାଧିକା ଅମ୍ବାନୀ ମଧ୍ୟ ମଲକୁ ଯାଇଥିଲେ, ଯେଉଁଠାରେ ସଲମାନ ଖାନଙ୍କ ଫିଲ୍ମ ‘ସିକନ୍ଦର’ର ଟିଜର ମଧ୍ୟ ରିଲିଜ୍ ହୋଇଥିଲା।“
ଶେଷରେ, ଆମେ ଭ୍ରମାତ୍ମକ ଦାବି ସହିତ ଭିଡିଓଟି ସେୟାର କରିଥିବା baba_jay_yogi3490_hindu ୟୁଜରଙ୍କ ଆକାଉଣ୍ଟକୁ ସ୍କାନ କରିଥିଲୁ । ଆମେ ଜାଣିଲୁ ଯେ ୟୁଜରଙ୍କର ପ୍ରାୟ 300 ଅନୁସରଣକାରୀ ଅଛନ୍ତି।
ନିଷ୍କର୍ଷ: ସୋସିଆଲ ମିଡିଆରେ ଭାଇରାଲ ହୋଇଥିବା ଏକ ଭିଡିଓରେ ସଲମାନ ଖାନ, ଅନନ୍ତ ଅମ୍ବାନୀ ଏବଂ ରାଧିକା ଅମ୍ବାନୀ ଏକାଠି ଦେଖାଯାଇଛନ୍ତି, ଯେଉଁଥିରେ ଦାବି କରାଯାଉଛି ଯେ ଏହି ଭିଡିଓଟି ମହାକୁମ୍ଭର। ବିଶ୍ୱାସ ନ୍ୟୁଜର ଅନୁସନ୍ଧାନରୁ ଜଣାପଡିଛି ଯେ ଏହାର ମହାକୁମ୍ଭ ସହିତ କୌଣସି ସମ୍ପର୍କ ନାହିଁ। ଏହି ଭିଡିଓଟି ଜାମନଗରର, ଯେତେବେଳେ ଅମ୍ବାନୀ ପରିବାର ସଲମାନ ଖାନଙ୍କ ଜନ୍ମଦିନରେ ଏକ ପାର୍ଟିର ଆୟୋଜନ କରିଥିଲେ।
Claim Review : ମହାକୁମ୍ଭରେ ଅନନ୍ତ ଅମ୍ବାନୀ ଏବଂ ସଲମାନ ଖାନ
-
Claimed By : Facebook User baba_jay_yogi3490_hindu
-
Fact Check : False
-
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)