| schema:text
| - Pretendimi i rremë për deklarimet e Edi Ramës për tubimin në Athinë
Deklarata
Rama duke i tregu Vuçiq se si shkoj ekstra në Graqi me i prishë punë Kosoës duke ba thirrje nacionaliste
Vlerësimi
Me kos
Përshkrimi i videos “Rama duke i tregu Vuçiq se si shkoj ekstra në Graqi me i prishë punë Kosoës duke ba thirrje nacionaliste”- është i rremë. Në postim nuk është paraqitur asnjë fakt që e dëshmon se Rama i ka thënë Vuçiqit se ka shkuar në Greqi “me i prishë punë Kosovës duke ba thirrje nacionaliste”. Në videon e publikuar, Edi Rama nuk dëgjohet se çfarë është duke folur me Presidentin e Serbisë, Aleksandër Vuçiq. Zyrën për media në Qeverinë e Shqipërisë ka thënë se Rama nuk ka dhënë diçka të tillë gjatë takimit në Kotor. Krypometër ka kontrolluar dy paraqitjet e Ramës para mediave në Kotor, dhe aty nuk thotë se “ka shkuar ekstra në Greqi për t’i prishur punë Kosovës”.
Artikulli
Më 17.05.2024, në një profil (Arkiva) në Facebook është publikuar një video me mbishkrimin “Rama duke i tregu Vuçiq se si shkoj ekstra në Graqi me i prishë punë Kosoës duke ba thirrje nacionaliste”.
Në video shihet Kryeministri i Shqipërisë Edi Rama dhe Presidenti i Serbisë Aleksandër Vuçiq, duke biseduar gjatë takimit të liderëve të Ballkanit Përendimor, që është mbajtur në Kotor të Malit të Zi.
Por, në videon e shpërndarë nuk dëgjohet Kryeministri Rama duke thënë “si shkoj ekstra në Graqi me i prishë punë Kosoës duke ba thirrje nacionaliste”.
Më pas, Krypometër përmes kërkimeve në Facebook ka gjetur videon origjinale të publikuar nga Radio Televizioni Shqiptar, në të cilën poashtu nuk dëgjohet se çfarë janë duke biseduar Rama dhe Vuçiq.
Krypometër më 28.05.2024 ka kontaktuar zyrën për media në Qeverinë e Shqipërisë për të marrë një prononcim rreth pretendimeve se Rama “ka shkuar ekstra në Greqi për t’i prishur punë Kosovës”.
“Nuk është e vërtetë përshkrimi i kësaj videoje. Ju lutemi që për të gjitha deklarimet zyrtare të Kryeministrit Rama t’i referoheni kanaleve zyrtare te kryeminsitrisë”– thuhet në përgjigjen e zyrës për media të qeverisë shqiptare.
Kryeministri i Shqipërisë, Edi Rama, ka publikuar në profilin e tij në Facebook, dy fjalime që ka mbajtur në Kotor, gjatë takimi të liderëve të Ballkanit Perëndimor.
Fjalimi i parë ishte nga i njëjti takim nga ku edhe është marrë videoja e përdorur në postimin në fjalë dhe aty Edi Rama asnjëherë nuk thot se ka shkuar në tubimin në Athinë për t’i prishur punë Kosovës.
Paraqitjen tjetër, Rama e kishte para gazetarëve, në të cilin nuk flet atë që pretendohet në videon e publikuar më 17.05.2024.
Kryeministri i Shqipërisë Edi Rama, ka mbajtur një tubim me diasporës në Athinë, më 12.05.2024. Ky ishte takimi i parë i fushatës së paralajmëruar nga Rama synon mbledhjen e mbështetjes për Partinë e tij Socialiste edhe në mesin e diasporës shqiptare.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)