| schema:text
| - Fotografia e fabrikuar e Kurtit me Vuçiqin
Deklarata
Fotografia në të cilën shihet kryeministri i Kosovës, Albin Kurti dhe presidenti i Serbisë, Aleksandër Vuçiq
Vlerësimi
Rrenë
Fotografia në të cilën shihet kryeministri i Kosovës, Albin Kurti dhe presidenti i Serbisë, Aleksandër Vuçiq e publikuar nga faqja ‘Komente Politike’ (arkiva) është e fabrikuar. Krypometër, përmes maqinës së kërkimit të imazheve “TinEye”, ka gjetur se në fotografinë origjinale është kryeministri Albin Kurti me ministrin e Jashtëm të Greqisë, Nikos Dendias. Fotografia origjinale ishte publikuar nga ministri i jashtëm i Greqisë, Denidias, në platformën X më 09.04.2022, por edhe nga Zyra e Kryeministrit të Kosovës.
Artikulli
Më 10.02.2024 faqja e Facebook-ut, Komente Politike (arkiva) ka publikuar një fotografi në të cilën pretendohet se janë kryeministri i Kosovës, Albin Kurti dhe presidenti i Serbisë, Aleksadar Vuçiq.
Fotografia në të cilën shihet kryeministri Kurti duke u përshëndetur me presidentin Vuçiq është e fabrikuar.
Pas analizimit të fotografisë, Krypometër ka vërejtur se ka devijime tek koka e Vuçiq, që dëshmon se e njëjta është e fabrikuar.
Krypometër, përmes maqinës së kërkimit të imazheve “TinEye”, ka gjetur se fotografia e publikuar nga faqja Komente Politike është e fabrikuar, pasi në fotografinë origjinale është kryeministri Albin Kurti me ministrin e Jashtëm të Greqisë, Nikos Dendias. Fotografia origjinale ishte publikuar nga ministri i jashtëm i Greqisë, Denidias në platformën X, më 09.04.2022.
Pamjet e takimit me ministrin Denidias ishin publikuar edhe nga Zyra e Kryeministrit të Kosovës.
Në takim, Kurti kishte thënë se njohja e pavarësisë së Kosovës [nga Greqia] do t’i kontribuonte paqes dhe sigurisë në Ballkanin Perëndimor dhe në Evropë.
Në lidhje me vërtetësinë e fotografisë, Krypometër ka kontaktuar edhe me zëdhënësin e Lëvizjes Vetëvendosje, Arlind Manxhuka, sipas të cilit fotografia në fjalë është e fabrikuar.
“Fotografia është montazhë, nuk është e vërtetë”- ka thënë Manxhuka për Krypometrin më 13.02.2024.
Publikimi i kësaj fotografie të fabrikuar është bërë në kohën kur në Kosovë është diskutuar për përballjen e kryeministrit të Kosovës, Albin Kurtit me Presidentin e Serbisë, Aleksandër Vuçiq, në Këshillin e Sigurimit, më 08.02.2024.
Kurti dhe Vuçiq ishin ballafaquar me njëri tjetrin në mbledhjen e Këshillit të Sigurimit për çështjen e rregullores së Bankës Qendrore të Kosovës, e cila vendosë rregulla për importin e parave dhe e cila në bazë të mandatit të saj ligjor ka përcaktuar se Euro është valuta e vetme që mund të përdoret për pagesa.
Në mbledhjen e Këshillit të Sigurimit, Kurti mbrojti vendimin e BQK-së, por presidenti Vuçiq e cilësoi këtë vendim si “sulm ndaj popullatës serbe në Kosovë”.
“Me vendimin për ndalimin e transaksioneve të pagesës me dinarë, regjimi i Prishtinës drejtpërdrejt pamundëson çdo funksionim të të gjitha institucioneve mjekësore, arsimore, sociale, kulturore dhe të institucioneve tjera që u mundësojnë serbëve për t’i siguruar vetes dhe familjeve të tyre dispozitat themelore për të pasur arsim, për të marrë trajtim mjekësor, për të blerë medikamente”- tha Vuçiq.
Kurse në kundërpërgjigje ndaj Vuçiq, Kurti sqaroi se Rregullorja e BQK-së nuk bën asgjë për të ndaluar apo parandaluar Qeverinë e Serbisë nga mbështetja financiare për serbët e Kosovës.
Ai tha se Rregullorja thjesht synon të sigurojë transparencën dhe ligjshmërinë e parave të gatshme të importuara në Kosovë.
“Më lejoni të jem i qartë, Rregullorja e BQK-së nuk bën asgjë për të ndaluar apo parandaluar Qeverinë e Serbisë nga sigurimi financiar për serbët e Kosovës. Çdo sugjerim nuk është asgjë tjetër pos propagandë e rreme që ka për synim të nxisë tensione etnike. Rregullorja synon thjesht të sigurojë transparencën dhe ligjshmërinë e parave të gatshme të importuara në Kosovë në përputhje me Kushtetutën tonë dhe politikën monetare të Bashkimit Europian”- deklaroi Kurti.
Kosova dhe Serbia janë në proces të dialogut të ndërmjetësuar nga BE-ja, për normalizim të raporteve, prej vitit 2011. Që nga viti 2021, procesi i dialogut nga Kosova udhëhiqet nga kryeministri i Kosovës, Albin Kurti.
Kurti e Vuçiq janë takuar disa herë në bisedime të drejtëpërdrejta apo nëpër takime shumëpalëshe.
Palët kanë nënshkruar një sërë marrëveshjesh që atëherë, por jo të gjitha janë zbatuar.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)