| schema:text
| - Video që rrejshëm pretendon se tregon aksidentin në të cilin vdiq Presidenti i Iranit
Deklarata
Ja si u rrezua helikopteri ku vdiq kryeshejtani i shiave
Vlerësimi
Rrenë
Pretendimi se videoja tregon se “si u rrezua helikopteri ku vdiq kryeshejtani i shiave” është i rremë. Mediat ndërkombëtare nuk kanë publikuar momentin e aksidentit të helikopterit në të cilin vdiq Presidenti i Iranit, Ebrahim Raisi. Këto pamje për herë të parë janë publikuar në vitin 2022 dhe tregojnë momentin e rrëzimit të një helikopterit në Gjeorgji, aksident në të cilin kishin vdekur 8 persona.
Artikulli
Më 20.05.2024, një profil në Facebook ka shpërndarë një video (arkiva) me mbishkrimin “Ja si u rrezua helikopteri ku vdiq kryeshejtani i shiave”.
Në këtë video shihet një helikopter duke u rrëzuar në një lokacion për të cilin në Facebook pretendohet se është në Iran dhe se pamjet tregojnë aksidentin në të cilin vdiq Presidenti i Iranit, Ebrahim Raisi.
Krypometër ka verifikuar videon e shpërndarë në “Facebook” me mbishkrimin “Ja si u rrezua helikopteri ku vdiq kryeshejtani i shiave”.
Përmes kërkimeve në “Google Lens”, Krypometër ka gjetur se pamjet e publikuara nga kjo faqe nuk janë xhiruar në Iran.
Këto pamje për herë të parë janë në vitin 2022 dhe tregojnë momentin e rrëzimit të një helikopterit në Gjeorgji, që sipas Televizioni turk “A News” kishte raportuar se 8 persona vdiqën si pasojë e këtij aksidenti.
Pamjet e njëjta nga aksidenti i helikopterit më 29.09.2022 në Gjeorgji janë të publikuar edhe në platformën ‘X’ si dhe në DailyMail.
Vdekja e Presidentit të Iranit
Rrjeti televiziv amerikan, CNN raportoi, më 20.05.2024, për vdekjen e presidentit të Iranit, Ebrahim Raisi, ministrit të jashtëm dhe gjashtë personave të tjerë pasi helikopteri i tyre ishte përplasur në veriperëndimin të Iranit më 19.05.2024.
Rrjeti Televiziv CNN nuk e ka publikuar videon e incidentit, mirëpo ka publikuar fotografi të helikopterit të aksidentuar që tregojnë se nuk është i njëjti lokacion dhe helikopter me atë që është shpërndarë në Facebook.
CNN kishte konfirmuar vendndodhjen e vendit të përplasjes në rajonin malor në Varzeghan, pranë fshatit Uzi, në provincën e Azerbajxhanit Lindor të Iranit.
Operacioni i kërkim- shpëtimit kishte hasur në shumë vështirësi pasi në ditën e aksidentit dhe ditët pasuese kishte mjegull.
Rrjeti britanik i transmetimit, BBC po ashtu kishte raportuar për rrëzimin e helikopterit, por nuk kishin publikuar asnjë video që tregonte momentin e aksidentit.
Sipas BBC “shkaku i rrëzimit mbetet i paqartë, por shefi i Shtabit të Forcave të Armatosura të Iranit, gjeneral major Mohammad Hossein Bagheri ka nisur një hetim, sipas medias shtetërore”.
E njëjta video është vlerësuar si e rreme edhe nga verifikuesi i fakteve NewsMobile, të cilët poashtu kanë thënë se e njëjta nuk tregon momentin e aksidentit të helikopterit në të cilin ishte Presidenti i Iranit, Ebrahim Raisi.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)