| schema:text
| - Pretendime të pabazuara për kryeministrin Kurti
Deklarata
Jam budalla, jam budalla me fakultet
Vlerësimi
Rrenë
Është e manipuluar videoja në të cilën shihet Albin Kurti duke duartrokitur dhe në sfond dëgjohet kënga “Jam budalla, jam budalla me fakultet”. Videoja është xhiruar në Gjakovë gjatë tubimit elektoral të Lëvizjes Vetëvendosje. Në videon reale në sfond dëgjohet kënga “Yjet e Gjakovës”, e kënduar nga Ilir Shaqiri. Kjo video është publikuar në kohë të fushatës elektorale për Zgjedhjet e mbajtura më 09.02.2025.
Artikulli
Faqja në Facebook NjeLajm.com (arkiva & arkiva) ka publikuar një video të kryeministrit Albin Kurti, në të cilën shihet afër gruas së tij duke vallëzuar dhe duartrokitur.
“Sa shume eshte gezu qe i ka ardhe #gruja mas 4vite ne #Kosove”- është mbishkrimi i kësaj videoje dhe në sfond dëgjohet kënga “Jam budalla, jam budalla me fakultet”.
Krypometër, për ta verifikuar këtë pretendim, ka gjetur tubimin elektoral të fushatës zgjedhore të Lëvizjes Vetëvendosje, të mbajtur në Gjakovë më 12.01.2025.
Para fillimit të fjalimeve, kryeministri Kurti shihet pranë gruas së tij duke duartrokitur nën tingujt e këngës së Ilir Shaqirit “Yjet e Gjakovës”. Pra, në tubimin elektoral të Lëvizjes Vetëvendosje nuk është lëshuar kënga “Jam budalla, jam budalla me fakultet”.
Gruaja e Albin Kurtit, Rita Augestad Kudsen është nga Norvegjia. Ajo e ka shoqëruar Kurtin disa herë gjatë fushatës elektorale dhe në ditën e votimit më 09.02.2025.
Qytetarët e Republikës së Kosovës më 09.02.2025 u janë drejtuar kutive të votimit për të zgjedhur ligjvënësit dhe Qeverinë e re.
Në bazë të rezultateve të fundit preliminare të përditësuara në orën 09:46, më 20.02.2025, në uebfaqen e KQZ, Lëvizja Vetëvendosje (LVV) është e para me 40.80%, apo 342,281 vota.
Partia e dytë me më së shumti vota është Partia Demokratike e Kosovës (PDK) me 22.03%, apo 184,811 vota.
E treta është renditur Lidhja Demokratike e Kosovës (LDK) me 17.63%, apo 147,888 vota.
Koalicioni i Aleancës për Ardhmërinë e Kosovës (AAK) me Nismën, Demokratët, Intelektualët dhe Listën Ideal kanë marrë 7.46%, apo 62,588 vota.
Albin Kurti ishte kandidat për Kryeministër nga radhët e Lëvizjes Vetëvendosje në Zgjedhjet që u mbajtën më 09.02.2025. Kandidatë të tjerë për Kryeministër nga subjektet politike në vend janë: Bedri Hamza nga Partia Demokratike e Kosovës, Lumir Abdixhiku nga Lidhja Demokratike e Kosovës dhe Ramush Harandinaj nga Aleanca për Ardhmërinë e Kosovës.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)