| schema:text
| - Fact Check: ପାକିସ୍ତାନର 2010 ମସିହାର ବନ୍ୟା ପୀଡିତଙ୍କ ପୁରୁଣା ଫଟୋଗୁଡ଼ିକୁ ଭାରତର ଦର୍ଶାଇ ସେୟାର କରାଯାଉଛି
ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ଏକ ଚିତ୍ର ଭାଇରାଲ ହେଉଛି, ଯେଉଁଥିରେ ଲୋକମାନେ ଖାଲି ବାସନ ନେଇ ଏକ ଲମ୍ବା ଲାଇନରେ ଠିଆ ହୋଇଥିବାର ଦେଖିବାକୁ ମିଳିଛି |
- By: Jyoti Kumari
- Published: Jan 9, 2025 at 12:45 PM
ନୂଆଦିଲ୍ଲୀ (ବିଶ୍ୱାସ ନ୍ୟୁଜ) ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ଏକ ଚିତ୍ର ଭାଇରାଲ ହେଉଛି, ଯେଉଁଥିରେ ଲୋକମାନେ ଖାଲି ବାସନ ନେଇ ଏକ ଲମ୍ବା ଲାଇନରେ ଠିଆ ହୋଇଥିବାର ଦେଖିବାକୁ ମିଳିଛି | ଏବେ କିଛି ୟୁଜର ଭାଇରାଲ୍ ଚିତ୍ରକୁ ବର୍ତ୍ତମାନ ସମୟର ଦର୍ଶାଇ ସେୟାର କରୁଛନ୍ତି |
ବିଶ୍ୱାସ ନ୍ୟୁଜ ଅନୁସନ୍ଧାନରୁ ଭାଇରାଲ୍ ଦାବି ଭ୍ରମାତ୍ମକ ବୋଲି ଜଣାପଡିଛି। ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଫଟୋ 2010 ମସିହାରେ ପାକିସ୍ତାନରେ ବନ୍ୟା ପରିସ୍ଥିତି ପରେ ସୁକୁରର ଏକ ଅସ୍ଥାୟୀ ଶିବିରର ଅଟେ। ସେହି ଚିତ୍ରକୁ ବର୍ତ୍ତମାନ ମିଥ୍ୟା ଦାବି ସହିତ ସେୟାର କରାଯାଇଛି |
ଭାଇରାଲ୍ ପୋଷ୍ଟରେ କ’ଣ ଅଛି?
ଫେସବୁକ ୟୁଜର Rameshwar Prasad Badoni ଭାଇରାଲ ପୋଷ୍ଟ (ଆର୍କାଇଭ ଲିଙ୍କ) ସେୟାର କରିବା ସମୟରେ ଲେଖିଛନ୍ତି, “ଯେତେବେଳେ ଲୋକମାନେ କାମଧନ୍ଦା କିଛି ନକରି କେବଳ ମାଗଣା ଜିନିଷ ଏବଂ ସବ୍ସିଡି ପାଇବାର ସୁବିଧା ପାଇବେ ସେତେବେଳେ ମାଲିକ ତାଜମହଲର ହେଉ ଅଥବା ଲାଲକିଲ୍ଲା କିମ୍ବା ୱାକଫ ବୋର୍ଡର, ପରିସ୍ଥିତି ନିଶ୍ଚିତ ଭାବରେ ଏହିପରି ହେବ | ଦେଶର ଅର୍ଥନୀତିର ବିନାଶ —- “
ସେହିଭଳି ଅନ୍ୟ ଜଣେ ଫେସବୁକ ୟୁଜର Vijay Sharma ମଧ୍ୟ ଏହି ଫଟୋ (ଆର୍କାଇଭ ଭର୍ସନ) ସେୟାର କରିଛନ୍ତି ଏବଂ ଲେଖିଛନ୍ତି, “ତାଜମହଲ ଏବଂ ଲାଲକିଲ୍ଲାର ଉତ୍ତରାଧିକାରୀମାନେ … ଆପଣ କିଛି କହିବାକୁ ଚାହାଁନ୍ତି କି … ===”
ଅନୁସନ୍ଧାନ
ଭାଇରାଲ୍ ଚିତ୍ରର ଅନୁସନ୍ଧାନ କରିବାକୁ ଯାଇ, ଆମେ ରିଭର୍ସ ଇମେଜ ସର୍ଚ୍ଚର ସାହାଯ୍ୟ ନେଇଥିଲୁ | ଆମେ ଅନେକ ସ୍ଥାନରେ ଭାଇରାଲ୍ ଚିତ୍ର ଅପଲୋଡ୍ ହୋଇଥିବାର ପାଇଲୁ | ଚିତ୍ର ସମ୍ବନ୍ଧୀୟ ଖବର philanthropy.com ୱେବସାଇଟରେ ମିଳିଥିଲା | ଏହି ରିପୋର୍ଟ 23 ଅଗଷ୍ଟ 2010 ରେ ପ୍ରକାଶିତ ହୋଇଛି। ଦିଆଯାଇଥିବା ସୂଚନା ଅନୁଯାୟୀ, ଚିତ୍ରଟି 23 ଅଗଷ୍ଟ 2010 ର ଅଟେ, ଯେତେବେଳେ ପାକିସ୍ତାନରେ ବନ୍ୟାରୁ ବଞ୍ଚିଯାଇଥିବା ଲୋକମାନେ ରିଲିଫ୍ ସାମଗ୍ରୀ ସଂଗ୍ରହ କରିବାକୁ ସୁକୁରର ଏକ ଅସ୍ଥାୟୀ ଶିବିରରେ ପହଞ୍ଚିଥିଲେ।‘’
ସନ୍ଧାନ ସମୟରେ, ଆମେ ଗେଟି ଇମେଜ୍ ୱେବସାଇଟରେ ଭାଇରାଲ୍ ଛବିସହ ମେଳ ଖାଉଥିବା ଏକ ଚିତ୍ର ପାଇଲୁ |ଫଟୋକୁ 23 ଅଗଷ୍ଟ 2010 ରେ ପାକିସ୍ତାନରେ ଆସିଥିବା ବନ୍ୟା ପରେ ସୁକୁରର ଏକ ଅସ୍ଥାୟୀ ଶିବିରରେ ଖାଦ୍ୟ ଏବଂ ଜଳକୁ ଅପେକ୍ଷା କରିଥିବା ବନ୍ୟା ପୀଡିତଙ୍କର ବୋଲି ଦର୍ଶା ଯାଇଛି।
ଭାଇରାଲ୍ ଫଟୋ ସହିତ ଜଡିତ ଅନ୍ୟ ରିପୋର୍ଟଗୁଡିକ ଏଠାରେ ଦେଖା ଯାଇ ପାରିବ|
ଏହି ଫଟୋ ସୋସିଆଲ ମିଡିଆରେ ପୂର୍ବରୁ ମଧ୍ୟ ଭାଇରାଲ ହୋଇସାରିଛି, ଯାହାକୁ ବିଶ୍ୱାସ ନ୍ୟୁଜ ଏହାର ଅନୁସନ୍ଧାନରେ ଭ୍ରମାତ୍ମକ ବୋଲି ପାଇଥିଲା। ଭାଇରାଲ ଚିତ୍ର ସମ୍ପର୍କରେ ଆମେ ପାକିସ୍ତାନର ଆଜ ଟିଭିର ସିନିୟର କଣ୍ଟେଣ୍ଟ ପ୍ରଡ୍ୟୁସର ଆଦିଲ ଅଲିଙ୍କ ସହ ଯୋଗାଯୋଗ କରିଥିଲୁ। ସେ ଆମକୁ କହିଛନ୍ତି ଯେ ଭାଇରାଲ ଚିତ୍ର ବନ୍ୟା ପରେ ଆସିଛି ଏବଂ ବର୍ତ୍ତମାନର ପରିସ୍ଥିତି ସହିତ କୌଣସି ସମ୍ପର୍କ ନାହିଁ।
ଶେଷରେ, ଆମେ ପୋଷ୍ଟ ସେୟାର କରିଥିବା ୟୁଜରଙ୍କର ପ୍ରୋଫାଇଲ୍ ସ୍କାନ୍ କଲୁ | ୟୁଜର ନିଜକୁ ଡେରାଡୁନର ବାସିନ୍ଦା ବୋଲି ବର୍ଣ୍ଣନା କରିଛନ୍ତି |
ସିଦ୍ଧାନ୍ତ: ଖାଲି ବାସନ ସହିତ ଲମ୍ବା ଧାଡିରେ ଠିଆ ହୋଇଥିବା ଲୋକଙ୍କ ଚିତ୍ର ବର୍ତ୍ତମାନ ସମୟର ଦର୍ଶାଇ ସେୟାର କରାଯାଉଛି | ଅନୁସନ୍ଧାନରେ ବିଶ୍ୱାସ ନ୍ୟୁଜ ଜାଣିବାକୁ ପାଇଛି ଯେ 2010 ରେ ପାକିସ୍ତାନରେ ବନ୍ୟା ପରିସ୍ଥିତି ପରେ ଏହି ଫଟୋ ଏକ ଅସ୍ଥାୟୀ ଶିବିରର ଅଟେ। ଲୋକମାନେ ପୁରୁଣା ଫଟୋକୁ ଭ୍ରମାତ୍ମକ ଦାବି ସହିତ ସେୟାର କରୁଛନ୍ତି |
- Claim Review : ଏହି ଭାଇରାଲ୍ ଚିତ୍ର ସାମ୍ପ୍ରତିକ ସମୟର ଅଟେ
- Claimed By : ଫେସବୁକ୍ ୟୁଜର୍-Rameshwar Prasad Badoni
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)