About: http://data.cimple.eu/claim-review/f28e123a8b6b9c2fc391a357acb27ae182250664a35bc2b1a85924f4     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കലാലയങ്ങളില് വ്യത്യസ്ഥമായ സമരം നടത്തി ശ്രദ്ധനേടാന് പലപ്പോഴും വിദ്യാര്ഥി സംഘടനകള് ശ്രമിക്കാറുണ്ട്. വിദ്യാര്ഥികളുടെയുള്ളില് സാന്നിധ്യം ഉറപ്പിക്കാന് ഇത്തരം സമരങ്ങള് സംഘടനകളെ സഹായിക്കാറുമാണ്. ഇപ്പോള് ഇത്തരത്തിലൊരു വേറിട്ട സമരം സമൂഹമാധ്യമങ്ങളില് പങ്കുവയ്ക്കപ്പെടുന്നുണ്ട്. എസ്എഫ്ഐ നടത്തിയ സമരം എന്നവകാശപ്പെട്ടാണ് ഈ വീഡിയോ പ്രചരിക്കുന്നത്. 'എസ്എഫ്ഐയെ സൂക്ഷിക്കുക.. തെരുവില് അവകാശം വേണമത്രെ..... മക്കള് സ്കൂളില് പോയോ എന്നു മാത്രം നോക്കിയാല് പോര, സ്കൂളില് എസ്എഫ്ഐ ഉണ്ടോ എന്നുകൂടെ മാതാപിതാക്കള് അന്വേഷിക്കണം' എന്നു തുടങ്ങുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഇത് എസ്എഫ്ഐ പ്രവര്ത്തകരുടെ സമരമല്ല. AFWA അന്വേഷണം എസ്എഫ്ഐക്കാര് വിദ്യാലയത്തില് നടത്തിയ സമരം എന്ന രീതിയില് പ്രചരിക്കുന്ന വീഡിയോയില് കാണുന്നവര് പരസ്പരം ചുംബിക്കുന്നുണ്ട്. പശ്ചാത്തലത്തില് ആര്പ്പുവിളികളും കേള്ക്കാനാകും. വീഡിയോ ഇന്വിഡ് ടൂള് കിറ്റിന്റെ സഹായത്തോടെ കീ ഫ്രെയ്മുകളാക്കി റിവേഴ്സ് ഇമേജില് സെര്ച്ച് ചെയ്തപ്പോള് സമാനമായ വീഡിയോ കണ്ടെത്താനായി. ഇതില് നിന്ന് വീഡിയോയ്ക്ക് കോളെജ് വിദ്യാര്ഥികളുടെ സമരവുമായി ബന്ധമില്ലെന്ന് മനസിലാക്കാനായി. 2017ല് കൊച്ചിയില് നടന്ന ചുംബന സമരത്തില് നിന്നുള്ള വീഡിയോയാണിത്. Den mtn News എന്ന യുട്യൂബ് പേജില് അപ്ലോഡ് ചെയ്തിട്ടുള്ള വീഡിയോ ലഭ്യമായി. 2 മിനിട്ട് 28 സെക്കന്റ് ദൈര്ഘ്യമുള്ള വീഡിയോയാണിത്. ഇതിന്റെ 37 സെക്കന്റ് മുതലുള്ള ഭാഗമാണ് പ്രചരിക്കുന്ന ഫേസ്ബുക്ക് പോസ്റ്റിലുള്ളത്. പശ്ചാത്തലത്തിലുള്ള ശബ്ദവും ചുംബിക്കുന്ന യുവാക്കളും സമാനമാണെന്ന് വീഡിയോയില് നിന്ന് മനസിലാക്കാനാകും. കൂടാതെ പ്രചരിക്കുന്ന വീഡിയോയില് ക്യാമറ സൂരജ് കെഎസ്, എഡിറ്റിംഗ് ശ്രീരാജ് സിഎസ് എന്ന് എഴുതിയിട്ടുണ്ട്. യുട്യൂബ് വീഡിയോയിലും ഇത് കാണാനാകുന്നുണ്ട്. ദൈര്ഘ്യമേറിയ വീഡിയോ താഴെ കാണാം. 2017ല് കൊച്ചിയില് നടന്ന ചുംബന സമരം കേരളത്തില് ഏറെ ചര്ച്ചയായ വിഷയമാണ്. 2017 മാര്ച്ച് 9ന് കൊച്ചി മറൈന് ഡ്രൈവിലാണ് ചുംബന സമരം സംഘടിപ്പിച്ചത്. ഒരുമിച്ചിരുന്ന യുവതീ യുവാക്കളെ അടിച്ചോടിച്ച ശിവസേന പ്രവര്ത്തകരുടെ നടപടിക്കെതിരാണ് ഒരുകൂട്ടം യുവതീയുവാക്കള് കിസ് ഓഫ് ലവ് എന്ന സംഘടനയുടെ നേതൃത്വത്തില് സമരം നടത്തിയത്. കമിതാക്കളും സുഹൃത്തുക്കളുമായ നിരവധി യുവാക്കളോട് ശിവസേന പ്രവര്ത്തകര് സദാചാര ഗുണ്ടായിസം കാണിച്ചുവെന്നും ഇത്തരം നടപടികള് അംഗീകരിക്കാനാവില്ലെന്നും സമരക്കാര് പറഞ്ഞു. സംഭവത്തെക്കുറിച്ച് ഇന്ത്യന് എക്സ്പ്രസ് നല്കിയ റിപ്പോര്ട്ട് ഇവിടെ കാണാം. ശിവസേന പ്രവര്ത്തകര് മറൈന് ഡ്രൈവിലേക്ക് മാര്ച്ച് നടത്തിയാണ് ഒന്നിച്ചിരുന്ന യുവതീ യുവാക്കളെ അടിച്ചോടിച്ചത്. ഈ സംഭവം മാധ്യമങ്ങള് റിപ്പോര്ട്ട് ചെയ്തിരുന്നു. മനോരമ ന്യൂസ് നല്കിയ റിപ്പോര്ട്ട് താഴെ കാണാം. കിസ് ഓഫ് ലവിനെക്കുറിച്ച് തിരഞ്ഞപ്പോള് കേരളത്തില് ഇടയ്ക്കിടെ നടക്കാറുള്ള സദാചാര ആക്രമണങ്ങള്ക്കെതിരെ 2014 മുതല് ഇത്തരം സമരം നടത്തി വരുന്നുണ്ടെന്ന് മനസിലാക്കാനായി. വിവിധ സ്ഥലങ്ങളില് പ്രതിഷേധം സംഘടിപ്പിച്ചിരുന്നു. ചുംബന സമരത്തിന് രാഷ്ട്രീയ ഭേദമന്യേ എല്ഡിഎഫ്, യുഡിഎഫ് യുവജന വിദ്യാര്ഥി സംഘടനകള് അനുകൂലിക്കാറുണ്ടെന്നും ഇത് എസ്എഫ്ഐ മാത്രം നടത്തുന്ന സമരമല്ലെന്നും റിപ്പോര്ട്ടുകളില് നിന്ന് മനസിലാക്കാനായി. ലഭ്യമായ വിവരങ്ങളില് നിന്ന് 2017ലെ ചുംബന സമരത്തില് നിന്നുള്ള ദൃശ്യങ്ങളാണ് എസ്എഫ്ഐ വിദ്യാര്ഥികള് കോളെജില് നടത്തിയ പ്രതിഷേധമായി പ്രചരിക്കുന്നതെന്ന് വ്യക്തമായി. പരസ്പരം ചുംബിച്ചുകൊണ്ട് എസ്എഫ്ഐക്കാര് വിദ്യാലയത്തില് നടത്തിയ സമരം. ഇത് 2017ല് കൊച്ചി മറൈന് ഡ്രൈവില് കിസ് ഓഫ് ലവ് പ്രവര്ത്തകര് നടത്തിയ ചുംബന സമരമാണ്. ഒന്നിച്ചിരുന്ന യുവാക്കളെ അടിച്ചോടിച്ച ശിവസേനയുടെ നടപടിക്കെതിരെയായിരുന്നു സമരം. സദാചാര അക്രമണങ്ങള്ക്കെതിരെ നിലപാടെടുക്കുന്ന വിവിധ രാഷ്ട്രീയയ പാര്ട്ടികളുടെ പിന്തുണയും സമരത്തിന് ഉണ്ടായിരുന്നു.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software