About: http://data.cimple.eu/claim-review/f32fc2d74526417b8286a415b02a5712be264a2b1e363961913d0f14     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • വയനാട് ദുരന്തത്തിന് പിന്നാലെ കേരളത്തിലെ രാഷ്ട്രീയ സംഘടനകൾ ഒത്തൊരുമിച്ചാണ് രക്ഷാപ്രവർത്തനത്തിൽ പങ്കാളികളായത്. ഇതിനിടെ ദുരന്ത മേഖലയിലെ ഭക്ഷണ വിതരണവുമായി ബന്ധപ്പെട്ട് ചില വിവാദങ്ങൾ ഉണ്ടായിരുന്നു. ഇപ്പോഴിതാ വൈറ്റ് ഗാർഡ് തയ്യാറാക്കിയ ഭക്ഷണപ്പൊതികൾ ഡിവൈഎഫ്ഐയുടെ നോട്ടിസോടെ വിതരണം ചെയ്യുന്നു എന്ന രീതിയിൽ ഒരു ചിത്രം സമൂഹമാധ്യമങ്ങളിൽ പ്രചരിക്കുന്നുണ്ട്. "വയനാട് ദുരന്ത ഭൂമിയില് ദുരിതാശ്വാസ ക്യാമ്പിൽ വിതരണം ചെയ്ത വൈറ്റ് ഗാർഡിന്റെ ഭക്ഷണപ്പൊതി വാങ്ങി DYFI യുടെ നോട്ടീസ് വെച്ച് വിതരണം ചെയ്ത സഖാക്കളാണ് ഉരുള് പൊട്ടലിനേക്കാള് ഏറ്റവും വലീയ ദുരന്തം . സഖാക്കളെ നിങ്ങൾക്ക് ഇതിലും ഭേദം ❓" എന്ന തലകെട്ടോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള പോസ്റ്റുകൾ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. 'ഡിവൈഎഫ്ഐയുടെ ഹൃദയസ്പർശം' പദ്ധതിയുടെ ഭാഗമായി 2017ൽ കൊല്ലം ജില്ലാ ആശുപത്രിയിൽ വിതരണം ചെയ്ത ഭക്ഷണപ്പൊതികളുടെ ചിത്രമാണിത്. ഫേസ്ബുക്ക് പോസ്റ്റിന്റെ ആർക്കൈവ് ചെയ്ത ലിങ്ക്. അന്വേഷണം വൈറൽ ചിത്രം റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിച്ചപ്പോൾ ഒരു എക്സ് അക്കൌണ്ടിൽ സമാനമായ ചിത്രം 2021 മെയ് 12ന് പോസ്റ്റ് ചെയ്തിരിക്കുന്നതായി കണ്ടെത്തി. ഡിവൈഎഫ്ഐയെ വിമർശിച്ചുകൊണ്ടുള്ള എക്സ് പോസ്റ്റാണ് ഇത്. ഈ പോസ്റ്റിനറെ സ്ക്രീൻഷോട്ട് ചുവടെ കാണാം. ഡിവൈഎഫ്ഐ നടത്തുന്ന പൊതിച്ചോർ വിതരണം ഹൃദയപൂർവ്വം എന്ന പേരിലാണ് അറിയപ്പെടുന്നത്. പ്രചാരത്തിലുള്ള ചിത്രത്തിലെ നോട്ടീസിൽ ഹൃദയസ്പർശം എന്നാണുള്ളത്. അതുകൊണ്ട് തന്നെ കൂടുതൽ വ്യക്തതയ്ക്കായി ഞങ്ങൾ കീവേഡ് സെർച്ച് ചെയ്തു. ഡ്രൂയിഡ് എന്ന എക്സ് പോസ്റ്റിൽ 2017 മാർച്ച് 17ന് പങ്കുവച്ച മാതൃഭൂമിയുടെ വാട്ടർമാർക്കോട് കൂടിയ ചിത്രത്തിൽ അടിക്കുറിപ്പായി "ഡി വൈ എഫ് ഐ കൊല്ലം ജില്ലാ ആശുപത്രിയിലെ രോഗികൾക്കും കുട്ടിരിപ്പുകാർക്കുമായി നടപ്പിലാക്കിയ ഭക്ഷണ വിതരണ പദ്ധതി ഹൃദയസ്പർശം സി.പി.എം ജില്ലാ സെക്രട്ടറി കെ എൻ ബാലഗോപാൽ ഉദ്ഘാടനം ചെയ്യുന്നു" എന്നെഴുതിയിട്ടുണ്ട്. ഇതിൽ നിന്നും കൊല്ലം ജില്ലയിലെ ഭക്ഷണവിതരണ പരിപാടിയാണ് ഹൃദയസ്പർശം എന്ന സൂചന ലഭിച്ചു. എക്സ് പോസ്റ്റ് ഇവിടെ കാണാം. കൂടുതൽ വ്യക്തതയ്ക്കായി ഞങ്ങൾ ഡിവൈഎഫ്ഐ കൊല്ലം ജില്ലാ കമ്മറ്റി ട്രഷററും സംസ്ഥാന കമ്മിറ്റിയംഗവുമായ അഡ്വ. എസ് ഷബീറുമായി ഫോണിൽ ബന്ധപ്പെട്ടു. "2017 ജനുവരി 15 മുതൽ കൊല്ലം ജില്ലാ ആശുപത്രിയിൽ ഡിവൈഎഫ്ഐ ആരംഭിച്ച പൊതിച്ചോർ വിതരണ പരിപാടിയാണ് ഹൃദയസ്പർശം. തിരുവനന്തപുരം ജില്ലാ കമ്മറ്റി മെഡിക്കൽ കോളേജിൽ നടത്തിയിരുന്ന ഹൃദയപൂർവ്വം പദ്ധതി സംസ്ഥാനത്ത് മറ്റിടങ്ങളിലേക്ക് വ്യാപിക്കുന്നതിന് മുമ്പ് ആദ്യഘട്ടത്തിൽ കൊല്ലം ജില്ലയിൽ ആരംഭിച്ചപ്പോൾ ഹൃദയസ്പർശം എന്ന പേരാണ് നൽകിയത്. വിശപ്പിന് ഭക്ഷണം, ജീവന് രക്തം എന്ന മുദ്രാവാക്യവുമായിട്ടാണ് ഈ പദ്ധതി നടപ്പിലാക്കിയത്. ഇതിന്റെ ഭാഗമായി 2017 മാർച്ച് മാസത്തിൽ പത്തനാപുരം തലവൂർ മേഖലയിലെ ഡിവൈഎഫ്ഐ പ്രവർത്തകർ വിതരണത്തിന് കൊണ്ടുവന്ന പൊതിച്ചോറിന്റെ ചിത്രമാണ് ഇപ്പോൾ പ്രചരിക്കുന്നത്. ആ പ്രദേശത്ത് പൊതിച്ചോർ ശേഖരിക്കുന്നതിന്റെ ഭാഗമായി തയ്യാറാക്കിയ നോട്ടീസ് തന്നെയാണ് പൊതിച്ചോറിനൊപ്പം വച്ചിരിക്കുന്നത്" എസ് ഷബീർ ഇന്ത്യാ ടുഡേയോട് പറഞ്ഞു. ലഭ്യമായ വിവരങ്ങളിൽ നിന്നും വയനാട്ടിൽ വൈറ്റ് ഗാർഡ് തയ്യാറാക്കിയ ഭക്ഷണപ്പൊതികൾ ഡിവൈഎഫ്ഐയുടെ നോട്ടീസ് ചേർത്ത് വിതരണം ചെയ്തുവെന്ന രീതിയിലുള്ള പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തമായി. വയനാട്ടിൽ വൈറ്റ് ഗാർഡ് തയ്യാറാക്കിയ ഭക്ഷണപൊതികൾ ഡിവൈഎഫ്ഐ നോട്ടീസ് പതിച്ച് വിതരണം ചെയ്തു. പ്രചാരത്തിലുള്ള ചിത്രം വയനാട്ടിൽ നിന്നുള്ളതല്ല. 2017 മാർച്ച് മാസത്തിൽ കൊല്ലം ജില്ലാ ആശുപത്രിയിൽ ഡിവൈഎഫ്ഐ ഹൃദയസ്പർശം പദ്ധതിയുടെ ഭാഗമായി വിതരണം ചെയ്ത പൊതിച്ചോറുകളുടെ ചിത്രമാണിത്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software