About: http://data.cimple.eu/claim-review/f3e843a2c12b4469519864972e980b16a5ec7a2617a8a79a2210f710     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • വിമര്ശനങ്ങള്ക്കിടയിലും വയനാടിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭവന നല്കുന്നവരുടെ പട്ടിക നീളുന്നുണ്ട്. പ്രളയം പോലെ തന്നെ ഒറ്റക്കെട്ടായി ഈ ദുരന്തവും നമ്മള് അതിജീവിക്കുമെന്ന് മുഖ്യമന്ത്രി പിണറായി വിജയന് പറഞ്ഞിരുന്നു. അതിനിടെ മുഖ്യമന്ത്രിയുടെ ഈ വാക്കുകള് വെറുതെയാണെന്നും 2018ലെ പ്രളയത്തില് തകര്ന്ന വീട് പുനര്നിര്മിക്കാന് പോലും സര്ക്കാര് സഹായം ചെയ്തില്ലെന്നുമുള്ള രിതിയില് ഒരു ചിത്രമിപ്പോള് സമൂഹമാധ്യമങ്ങളില് വൈറലാണ്. നദിയിലേക്ക് മറിഞ്ഞു വീണ ഒരു വീടിന്റെ ചിത്രമാണിത്. കോട്ടയം ജില്ലയിലെ മുണ്ടക്കയത്തുള്ള ഈ വീടിന്റെ ഉടമസ്ഥര് ഇപ്പോഴും വാടക വീട്ടിലാണെന്നും അവര്ക്ക് വീട് പുനര്മിക്കാന് യാതൊരു സഹായവും സര്ക്കാര് ചെയ്തില്ലെന്നുമാണ് പ്രചാരണം. "ഈ വീട് നിങ്ങള് ഓര്ക്കുന്നുണ്ടാകും. 2018 ലെ ഒരു ചിത്രം ആണ്.. ഇവര് ഇപ്പോളും വാടക വീട്ടില് ആണ്.. അതിജീവിക്കും എന്നൊക്കെ പറയാന് എളുപ്പം ആണ്.. " എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. 2021ലെ കനത്തമഴയില് തകര്ന്ന ഈ വീട് പുനര്നിര്മിക്കാന് സര്ക്കാര് സഹായം ലഭിച്ചതായി വീട്ടുടമസ്ഥര് സ്ഥിരീകരിച്ചു. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം പ്രചരിക്കുന്ന ചിത്രത്തിലെ തകര്ന്ന വീടിനെപ്പറ്റിയുള്ള വിശദാംശങ്ങള്ക്കായി ഞങ്ങള് ഈ ചിത്രം റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചു. ദേശീയ, അന്താരാഷ്ട്ര മാധ്യമങ്ങളടക്കം വീടു തകര്ന്ന വാര്ത്ത പങ്കുവച്ചിരുന്നു. ദി ന്യൂസ് മിനിട്ട് നല്കിയ റിപ്പോര്ട്ട് പ്രകാരം കോട്ടയം ജില്ലയിലെ മുണ്ടക്കയത്ത് 2021 ഒക്ടോബര് 17നായിരുന്നു ഈ വീട് തകര്ന്ന് വീണത്. മണിമലയാറിന്റെ തീരത്തുണ്ടായിരുന്ന ഇരുനില വീടാണ് കനത്ത മലവെള്ളപ്പാച്ചിലില് തകര്ന്നു വീണതെന്നും വാര്ത്തയില് പറയുന്നു. വീട് തകര്ന്നു വീഴുന്ന ദൃശ്യങ്ങളും ന്യൂസ് മിനിട്ട് പങ്കുവച്ചിരുന്നു. ഇത് ചുവടെ കാണാം. വീട് തകര്ന്നു വീഴുന്ന മറ്റൊരു ആംഗിളില് നിന്നുള്ള ദൃശ്യം ഏഷ്യാനെറ്റ് ന്യൂസും പങ്കുവച്ചിട്ടുണ്ട്. 2021 ഒക്ടോബര് 16ന് കൂട്ടിക്കലില് ഉണ്ടായ ഉരുള്പൊട്ടലിനെത്തുടര്ന്നാണ് നദിയില് മലവെള്ളപ്പാച്ചിലുണ്ടായത്. ഈ വിവരങ്ങളില് നിന്ന് മുണ്ടക്കയത്തെ വീട് തകര്ന്നു വീണത് 2018ലെ പ്രളയത്തില് അല്ലെന്നും 2021ല് കൂട്ടിക്കലിലുണ്ടായ ഉരുള്പൊട്ടലിനെ തുടര്ന്നാണെന്നും വ്യക്തമായി. അടുത്തായി ഞങ്ങള് പരിശോധിച്ചത് ഈ വീട്ടുകാര്ക്ക് സര്ക്കാര് സഹായം ഒന്നും തന്നെ ലഭിച്ചിട്ടില്ലേ എന്ന വിവരമാണ്. ഇതേപ്പറ്റി തിരഞ്ഞപ്പോള് 2022ല് മാതൃഭൂമി ന്യൂസ് നല്കിയ വീഡിയോ റിപ്പോര്ട്ട് ലഭ്യമായി. ദുരന്തം നടന്ന് ഒരു വര്ഷം പിന്നിട്ടപ്പോഴാണ് മാതൃഭൂമി ഈ വാര്ത്ത നല്കിയത്. വീട്ടുടമ ജെബിയുടെ പ്രതികരണവും ഇതില് ഉള്പ്പെടുത്തിയിട്ടുണ്ട്. സ്ഥലം വാങ്ങാനായി സര്ക്കാര് ആനുവദിച്ച ആറ് ലക്ഷം രൂപ ഉപയോഗിച്ച് അഞ്ച് സെന്റ് സ്ഥലം വാങ്ങിയിട്ടുണ്ടെന്ന് അദ്ദേഹം വ്യക്തമാക്കുന്നുണ്ട്. വീട് നിര്മിക്കാന് നാല് ലക്ഷം രൂപ കൂടി നല്കുമെന്നാണ് അധികൃതര് അറിയിച്ചിട്ടുള്ളതെന്നും നിലവില് വാടക വീട്ടിലാണ് തമാസമെന്നും ജെബി പറയുന്നുണ്ട്. ജെബിയുടെയും കുടംബത്തിന്റെ ഇപ്പോഴത്തെ സ്ഥിതി അറിയുന്നതിനായി ഞങ്ങള് അദ്ദേഹത്തിന്റെ വീട് ഉള്പ്പെടുന്ന മുണ്ടക്കയം പഞ്ചായത്തിന്റെ പ്രസിഡന്റ് കെ.എം രേഖാ ദാസിനെ ബന്ധപ്പെട്ടു. " സോഷ്യല് മീഡിയ പ്രചാരണം തെറ്റിദ്ധരിപ്പിക്കുന്നതാണ്. ജെബിയ്ക്കും കുടുംബത്തിനും സര്ക്കാര് വീട് അനുവദിച്ചിട്ടുണ്ട്. അവരിപ്പോള് പുതിയ വീട്ടിലാണ് താമസം. " പഞ്ചായത്ത് പ്രസിഡന്റ് ഇന്ത്യാ ടുഡേയോട് പറഞ്ഞു. ജെബിയുടെ പുതിയ വീടിന്റെ ചിത്രവും രേഖാ ദാസ് ഇന്ത്യാ ടുഡേയ്ക്ക് കൈമാറി. ഇത് ചുവടെ കാണാം. പഞ്ചായത്ത് പ്രസിഡന്റ് വഴി ജെബിയുടെ ഭാര്യ പുഷ്പയുമായും ഞങ്ങള് സംസാരിച്ചു. " ഞങ്ങള്ക്ക് 10 ലക്ഷം രൂപ സര്ക്കാര് ധനസഹായമായി ലഭിച്ചിട്ടുണ്ട്. ആറ് ലക്ഷം രൂപ സ്ഥലം വാങ്ങാനും നാല് ലക്ഷം രൂപ വീട് വയ്ക്കാനുമാണ് ലഭിച്ചത്. ഇക്കഴിഞ്ഞ മെയ് മൂന്നിന് പുതിയ വീട്ടില് ഞങ്ങള് താമസം തുടങ്ങി. പഴയമുണ്ടക്കയം, പുത്തന്ചന്തയിലാണ് ഇപ്പോഴത്തെ വീട്. ഞങ്ങള്ക്ക് മാത്രമല്ല, അന്ന് വീട് നഷ്ടപ്പെട്ട മറ്റുള്ളവര്ക്കും സര്ക്കാര് വീട് വച്ച് നല്കിയിട്ടുണ്ട്. " പുഷ്പ ഇന്ത്യാ ടുഡേയോട് പറഞ്ഞു. സോഷ്യല് മീഡിയ പ്രചാരണങ്ങള് തെറ്റാണെന്നും സര്ക്കാര് സഹായം ലഭിച്ചിട്ടുണ്ടെന്നുമുള്ള പുഷ്പയുടെ പ്രതികരണം ചുവടെ കാണാം. ലഭ്യമായ വിവരങ്ങളില് നിന്ന് 2021ലുണ്ടായ കനത്തമഴയില് തകര്ന്ന മുണ്ടക്കയത്തെ വീടിന്റെ പുനര്നിര്മാണം സര്ക്കാര് സഹായത്തോടെ പൂര്ത്തിയാക്കിയെന്നും ആ കുടുംബം ഇപ്പോള് പുതിയ വീട്ടിലാണ് താമസിക്കുന്നതെന്നും വ്യക്തമായി. 2018ലെ പ്രളയത്തില് തകര്ന്ന ഈ വീടിന്റെ ഉടമസ്ഥര്ക്ക് സര്ക്കാര് സഹായം ലഭിച്ചിട്ടില്ല. ഇത് 2018ലെ പ്രളയത്തില് തകര്ന്ന വീടല്ല. 2021 ഒക്ടോബറില് കൂട്ടിക്കലിലുണ്ടായ ഉരുള്പൊട്ടലിനെ തുടര്ന്ന് മുണ്ടക്കയത്ത് തകര്ന്ന വീടിന്റെ ചിത്രമാണ്. ഈ വീട്ടുകാര് പുത്തന്ചന്തയില് സര്ക്കാര് ധനസഹായത്തോടെ പുതിയ വീട് നിര്മിച്ച് താമസം തുടങ്ങി.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software