| schema:text
| - Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact checks doneFOLLOW US
Fact Check
(हे आर्टिकल न्यूजचेकर हिंदीसाठी सर्वप्रथम सौरभ पांडे यांनी केले आहे.)
सोशल मीडियावर एक व्हिडिओ शेअर करून एबीपी न्यूजच्या ओपिनियन पोलमध्ये हिमाचल प्रदेशमध्ये काँग्रेसला बहुमत मिळेल असा दावा केला जात आहे.
निवडणूक आयोगाच्या वेबसाइटवर उपलब्ध माहितीनुसार,हिमाचल प्रदेश मध्ये 12 नोव्हेंबर 2022 रोजी विधानसभा निवडणुका होणार आहेत.8 डिसेंबर 2022 रोजी निवडणुकीचे निकाल जाहीर होतील,त्यानंतर राज्यात कोणाचे सरकार बनणार हे स्पष्ट होईल.गेली 5 वर्षे सत्तेत राहिल्यानंतर भाजप सत्तेत राहण्याचा प्रयत्न करत असताना काँग्रेस पुन्हा सत्तेत येण्यासाठी जोरदार प्रयत्न करत आहे.
याच क्रमाने सोशल मीडिया यूजर्स एक व्हिडिओ शेअर करत दावा करत आहेत की,एबीपी न्यूजच्या ओपिनियन पोलमध्ये हिमाचल प्रदेशमध्ये काँग्रेसला बहुमत मिळणार आहे.
एबीपी न्यूजच्या ओपिनियन पोलमध्ये हिमाचल प्रदेशमध्ये काँग्रेसला बहुमत मिळाल्याच्या नावाखाली शेअर करण्यात येत असलेला हा व्हिडिओ तपासण्यासाठी आम्ही व्हिडिओमध्ये असलेल्या माहितीच्या आधारे ‘एबीपी न्यूज हिमाचल प्रदेश कुणाला किती जागा’ हा कीवर्ड शोधला.या प्रक्रियेत,आम्हाला कळले की व्हायरल व्हिडिओ केवळ जुना नाही तर संपादित देखील आहे.
30 ऑक्टोबर 2017 रोजी एबीपी न्यूजने प्रकाशित केलेल्या या ओपिनियन पोलनुसार,संस्थेने भाजपला 39-45 जागा आणि काँग्रेसला 22-28 जागा मिळण्याचा अंदाज वर्तवला होता. व्हिडिओच्या या भागाचे व्हिज्युअल आणि ऑडिओ संपादित करून 2022 च्या हिमाचल प्रदेश विधानसभा निवडणुकीत काँग्रेसच्या विजयाचा दावा केला जात आहे.
व्हायरल व्हिडिओ मूळ व्हिडिओशी जुळविल्यावर आम्हाला आढळले की एबीपी न्यूजने भाजप आणि काँग्रेसला दिलेल्या जागांची अदलाबदल झाली आहे.उदाहरणार्थ,एबीपी न्यूजने 2017 मध्ये भाजपला 39-45 जागा आणि काँग्रेसला 22-28 जागा मिळतील,असे भाकीत केले होते,तर व्हायरल व्हिडिओमध्ये काँग्रेसला 39-45 आणि भाजपला 22-28 जागा मिळतील असे भाकीत लागू करण्यात आले आहे.
सध्याच्या विधानसभा निवडणुकीबद्दल बोलायचे झाले तर,एबीपी न्यूजने हिमाचल प्रदेश संदर्भात नुकत्याच जाहीर केलेल्या जनमत चाचण्यानुसार,भाजपला 31-39 जागा आणि काँग्रेसला 29-37 जागा मिळण्याची शक्यता आहे.
त्यामुळे आमच्या तपासात हे स्पष्ट झाले आहे की,एबीपी न्यूजच्या ओपिनियन पोलमध्ये हिमाचल प्रदेशमध्ये काँग्रेसला बहुमत मिळवून देण्याच्या नावाखाली केला जात असलेला हा दावा दिशाभूल करणारा आहे.2017 मध्ये झालेल्या विधानसभा निवडणुकीसाठी एबीपी न्यूजने हा ओपिनियन पोल प्रसिद्ध केला होता,या व्हिडिओचा काही भाग संभ्रम निर्माण करण्यासाठी संपादित केला जात आहे.
Our Sources
YouTube video published by ABP News on 30 October, 2017
YouTube video published by ABP News on 9 November, 2022
Newschecker analysis
कोणत्याही संशयास्पद बातम्या तपासण्यासाठी,दुरुस्तीसाठी किंवा इतर सूचनांसाठी,आम्हाला व्हाट्सएप करा:9999499044 किंवा ई-मेल करा:checkthis@newschecker.in
Ishwarachandra B G
February 8, 2025
Komal Singh
January 6, 2025
Vasudha Beri
January 3, 2025
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)