About: http://data.cimple.eu/claim-review/f7ea9767d5946d3d731745ab0cf3c49e626eced765056440bc235642     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ശാസ്ത്ര രംഗത്തെ വളര്ച്ച നമ്മുടെ മുന്നോട്ടുള്ള ജീവിതം കൂടുതല് ലളിതമാക്കും. കൃത്രിമ ഉപഗ്രഹ വിക്ഷേപണവും ചന്ദ്രനിലെയും ചൊവ്വയിലെയും കണ്ടുപിടിത്തങ്ങളുമെല്ലാം ഇക്കാര്യം തെളിയിച്ചിട്ടുള്ളതാണ്. ഇത്തരത്തില് വളരെ ആകാംഷയോടെ എല്ലാവരും ഉറ്റുനോക്കുന്ന ഒരു വാര്ത്തയാണ് കൃത്രിമ സൂര്യനെ നിര്മിക്കുവാനുള്ള തയാറെടുപ്പുകള് ശാസ്ത്രലോകം നടത്തുന്നുവെന്നത്. നിരവധി രാജ്യങ്ങള് ഇതിനായി ശ്രമിക്കുന്നുണ്ടെങ്കിലും ഇതുവരെ അന്തിമഘട്ടത്തിലെത്തിയിട്ടില്ല. അതിനിടെ ചൈന കൃത്രിമ സൂര്യനെ വിക്ഷേപിച്ചു എന്ന പേരില് ഒരു വീഡിയോ സമൂഹമാധ്യമങ്ങളില് വൈറലാണ്. 'കൃത്രിമ സൂര്യന് ഉണ്ടാക്കി ചൈന' എന്ന കുറിപ്പോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെക്കാണാം. എന്നാല്, പ്രചരിക്കുന്നവാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക്ന്യൂസ് വാര്റൂം(AFWA) കണ്ടെത്തി. ഇത് കൃത്രിമ സൂര്യനെ വിക്ഷേപിക്കുന്ന ദൃശ്യങ്ങളല്ല. AFWA അന്വേഷണം പ്രചരിക്കുന്ന വീഡിയോയില് കാണാനാകുന്നത് കത്തിജ്വലിക്കുന്ന ഒരു ഗോളം ആകാശത്തേയ്ക്ക് ഉയരുന്ന ദൃശ്യങ്ങളാണ്. തുടക്കത്തില് പുകച്ചുരുളുകള്ക്കിടയില് നിന്നാണ് ഇത് ഉയര്ന്നുവരുന്നത്. നല്ല പ്രകാശത്തോടെ ഉയരുന്ന ഗോളമാണ് ദൃശ്യമാകുന്നത്. സാധാരണ ഉപഗ്രഹ വിക്ഷേപണം പോലെ കടലിന് നടുവില് നിന്നാണ് ഈ ദൃശ്യങ്ങള് ലഭ്യമാകുന്നത്. വളരെ ദൂരത്തായി കാണപ്പെടുന്ന ഈ ദൃശ്യങ്ങള് ഒരു ബീച്ചില് നിന്ന് മൊബൈലില് പകര്ത്താന് ശ്രമിക്കുന്ന ജനക്കൂട്ടമാണ് വീഡിയോയിലുള്ളത്. കാഴ്ചയുടെ ആകാംഷയില് പലരും കൂക്കിവിളിക്കുകയും എന്തോ പറയുകയും ചെയ്യുന്നുണ്ട്. വീഡിയോയ്ക്ക് പിന്നിലെന്ത്? പ്രചരിക്കുന്ന വീഡിയോയുടെ കീഫ്രെയ്മുകള് ഇന്വിഡ് ടൂള്കിറ്റിന്റെ സഹായത്തോടെ റിവേഴ്സ് ഇമേജില് സെര്ച്ച് ചെയ്തപ്പോള് സമാനമായ വീഡിയോ നിരവധിപ്പേര് സോഷ്യല് മീഡിയയില് പങ്കിട്ടിരിക്കുന്നതായി കണ്ടെത്താനായി. ഇവയില് ചിലതില് ഇത് ഫേക്ക് വീഡിയോ ആണെന്നും റോക്കറ്റ് ലോഞ്ച് ആണെന്നും പറഞ്ഞിരിക്കുന്നത് കണ്ടെത്താനായി. ചിലര് യുട്യൂബിലും ഇതു പങ്കുവച്ചിട്ടുണ്ട്. എന്നാല് സെര്ച്ചില് നിന്ന് ഇത് ഫേക്ക് വീഡിയോ ആണെന്ന സൂചന നല്കുന്ന ഒരു റിപ്പോര്ട്ട് കണ്ടെത്താനായി. ഫീഡ്ലി.കോം എന്ന വെബ്സൈറ്റിലാണ് ലേഖനം കണ്ടെത്തിയത്. ന്യൂസ് വീക്ക് എന്ന മാധ്യമത്തില് വന്ന റിപ്പോര്ട്ടിന്റെ അടിസ്ഥാനത്തിലാണ് ഈ വീഡിയോ ഒരു റോക്കറ്റ് ലോഞ്ചിന്റേതാണെന്ന് ഫീഡ്ലി പറയുന്നത്. ന്യൂസ് വീക്കിന്റെ റിപ്പോര്ട്ട് പരിശോധിച്ചപ്പോള് ഇക്കഴിഞ്ഞ ഡിസംബര് 23ന് ചൈന വിക്ഷേപിച്ച റോക്കറ്റ് ലോഞ്ചിന്റെ ദൃശ്യങ്ങള് ഉള്പ്പെടുത്തിയിട്ടുണ്ട്. ഇതില് നിന്നുള്ള ചില ഭാഗങ്ങള് പ്രചരിക്കുന്ന വീഡിയോയിലെ ദൃശ്യങ്ങളുമായി സമാനമാണെന്ന് മനസിലാക്കാനായി. റോക്കറ്റ് ലോഞ്ചിന്റെ 0.44 സെക്കന്റുമുതല് 0.55 സെക്കന്റുവരെയുള്ള ഭാഗത്ത് പ്രകാശ ഗോളം ഉയരുന്നത് സമാനമാണ്. ഇതേ മിഷന് ദൃശ്യങ്ങള് മറ്റൊരു പശ്ചാത്തലത്തില് പകര്ത്തിയതാകുമെന്ന നിഗമനമാണ് റിപ്പോര്ട്ട് പങ്കുവയ്ക്കുന്നത്. പ്രചരിക്കുന്ന ഫേസ്ബുക്ക് വീഡിയോയും ചൈനയുടെ റോക്കറ്റ് ലോഞ്ച് വീഡിയോയും തമ്മിലുള്ള താരതമ്യം താഴെ കാണാം. ചൈന അടുത്തിടെ നടത്തിയ ഉപഗ്രഹ വിക്ഷേപണത്തിന്റെ മറ്റു വാര്ത്തകളും ഞങ്ങള് പരിശോധിച്ചു. 2021 ഡിസംബര് 23ന് സ്പേസ് ന്യൂസ് നല്കിയ വാര്ത്ത പ്രകാരം The China Aerospace Science and Technology Corp. (CASC) ഷിയാന്-12 എന്ന ഉപഗ്രഹം വിജയകരമായി വിക്ഷേപിച്ചതായാണ് പറയുന്നത്. 2020ല് പരാജയപ്പെട്ട ദൗത്യമാണിതെന്നും വ്യക്തമാക്കുന്നുണ്ട്. വാര്ത്തയില് ഇതില് നിന്നുള്ള ദൃശ്യങ്ങള് കാണാനാകുന്നുണ്ട്. ചൈന കൃത്രിമ സൂര്യനെ നിര്മിച്ചോ? ചൈന കൃത്രിമ സൂര്യനെ നിര്മിക്കുന്നതുമായി ബന്ധപ്പെട്ട വിവരവും ഞങ്ങള് പരിശോധിച്ചു. ഇതുസംബന്ധിച്ച് സ്പേസ്.കോം നല്കിയ ലേഖനം ലഭ്യമായി. 'ചൈനയുടെ 1 ട്രില്യണ് ഡോളറിന്റെ കൃത്രിമ സൂര്യന്' ഫ്യൂഷന് റിയാക്ടറിന് സൂര്യനേക്കാള് അഞ്ചിരട്ടി ചൂട് ലഭിച്ചു ' എന്ന തലക്കെട്ടോടെ നല്കിയിരിക്കുന്ന വാര്ത്തയില് പറയുന്നത്. The EAST (Experimental Advanced Superconducting Tokamak) എന്ന ന്യൂക്ലിയര് ഫ്യൂഷന് റിയാക്ടര് 1,056 സെക്കന്ഡ് നേരത്തേക്ക് 158 ദശലക്ഷം ഡിഗ്രി ഫാരന്ഹീറ്റ് (70 ദശലക്ഷം ഡിഗ്രി സെല്ഷ്യസ്) താപനില നിലനിര്ത്തിയതായി പറയുന്നു. സിന്ഹുവ വാര്ത്താ ഏജന്സിയെ ഉദ്ധരിച്ചുകൊണ്ടുള്ള ലേഖനത്തില് നിന്ന് വ്യക്തമാകുന്നത് പരീക്ഷണത്തിന്റെ ഘട്ടങ്ങള് വിജയിച്ചുവെന്നാണ്. ന്യൂക്ലിയര് പവര് വികസിപ്പിക്കുന്ന പ്രവര്ത്തനങ്ങള് 2030 ഓടെ ചൈന പൂര്ത്തിയാക്കുമെന്നും ലേഖനം പറയുന്നുണ്ട്. ലഭ്യമായ വിവരങ്ങളില് നിന്ന് പ്രചരിക്കുന്ന ദൃശ്യങ്ങള് ചൈനയുടെ കൃത്രിമ സൂര്യന് വിക്ഷേപണത്തിന്റേതല്ലെന്നും റോക്കറ്റ് വിക്ഷേപണ ദൃശ്യമാണെന്നും വ്യക്തമാണ്. ചൈന കൃത്രിമ സൂര്യന് വിക്ഷേപിക്കുന്ന ദൃശ്യങ്ങള്. ഇത് കൃത്രിമ സൂര്യന് പരീക്ഷിക്കുന്ന ദൃശ്യമല്ല. ഷിയാന് 12 എന്ന ഉപഗ്രഹം വിക്ഷേപിക്കുന്ന ദൃശ്യങ്ങളാണ്. ചൈന കൃത്രിമ സൂര്യന് നിര്മിക്കുന്നതിനുള്ള പരീക്ഷണങ്ങള് ആരംഭിച്ചിട്ടുണ്ടെങ്കിലും ഇത് പൂര്ത്തിയായിട്ടില്ല, ഘട്ടം ഘട്ടമായി പുരോഗമിച്ചു വരികയാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 3 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software