About: http://data.cimple.eu/claim-review/f89a060b363a02ea4bae60f62f97d94705208244a06705b4c8155bed     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പാലക്കാട് നിയമസഭാ മണ്ഡലത്തിലേക്കുള്ള ഉപതിരഞ്ഞെടുപ്പിന്റെ പ്രചാരണം വളരെ സജീവമായി മുന്നേറുകയാണ്. യുഡിഎഫിന്റെ ഷാഫി പറമ്പില് ലോക്സഭയിലേക്ക് മത്സരിച്ച് വിജയിച്ചതോടെ ഒഴിവു വന്ന സീറ്റിലേക്കുള്ള പോരാട്ടം വളരെ ശ്രദ്ധേയമാണ്. സ്ഥാനാര്ഥി നിര്ണയത്തിലെ അസ്വാരസ്യങ്ങളെത്തുടര്ന്ന് പാര്ട്ടി വിട്ട മുന് കോണ്ഗ്രസ് നേതാവ് പി സരിന് എല്ഡിഎഫ് സ്വതന്ത്രനായി ഇവിടെ മത്സരിക്കുന്നുണ്ട്. കോണ്ഗ്രസ് വിട്ട് വന്ന സരിനെ മത്സരിപ്പിച്ചതില് പ്രതിഷേധിച്ച് പാലക്കാട്ടെ സിപിഎം വിമതര് കണ്വന്ഷന് നടത്തിയെന്ന രീതിയില് ഇപ്പോള് സമൂഹമാധ്യമങ്ങളില് പ്രചാരണമുണ്ട്. "കാലു മാറി വന്നവനെ അംഗീകരിക്കില്ല എന്നതാണ് കാരണം... ഒരിടത്ത് കോണ്ഗ്രസില് ചിലര് കെട്ടിയിറക്കിയവനെ അംഗീകരിക്കില്ല ഒരിടത്ത് CPIM ല് ചിലര് വലിഞ്ഞു കയറി വന്നവനെ അംഗീകരിക്കില്ല.. വലിഞ്ഞും കെട്ടിയിറക്കിയും നിങ്ങള് പരസ്പരം അംഗീകാരിക്കാതിരിക്കുന്ന സമയത്ത് എല്ലാരും കൂടി ബിജെപി യെ അംഗീകരിച്ചു അങ്ങട്ട് ഉയര്ത്തി വിടും.. അതാണ് പ്പൊ ഉണ്ടാകുക.. മറ്റൊന്ന് സംഭവിച്ചാല് ആശ്വസിക്കാം എന്ന് മാത്രം " എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. പി സരിനെ സ്ഥാനാര്ഥിയാക്കിയതില് പ്രതിഷേധിച്ചല്ല സിപിഎം പ്രവര്ത്തകര് പാലക്കാട് വിമത കണ്വന്ഷന് നടത്തിയത്. അന്വേഷണം വൈറല് പോസ്റ്റുകളില് പറയുന്നതുപോലെ സിപിഎം പാലക്കാട് നടത്തിയ വിമത കണ്വന്ഷനെപ്പറ്റിയാണ് ഞങ്ങള് ആദ്യം അന്വേഷിച്ചത്. കീവേര്ഡ് സെര്ച്ച് നടത്തിയപ്പോള് ഇതുസംബന്ധിച്ച റിപ്പോര്ട്ടുകള് ലഭ്യമായി. "സിപിഎമ്മിനെ ഞെട്ടിച്ച് പാലക്കാട് വിമത കണ്വന്ഷന്; ജില്ലാ സെക്രട്ടറിക്കെതിരെ കലാപക്കൊടി " എന്ന തലക്കെട്ടില് 2024 ഒക്ടോബര് 30ന് ഏഷ്യാനെറ്റ് പങ്കുവച്ച റപ്പോര്ട്ട് പ്രകാരം പാലക്കാട് ജില്ലാ സെക്രട്ടറിയുടെ ഏകപക്ഷീയമായ തീരുമാനങ്ങളില് പ്രതിഷേധിച്ചുകൊണ്ടാണ് ജില്ലയിലെ സിപിഎം പ്രവര്ത്തകര് വിമത കണ്വന്ഷന് നടത്തിയത്. കൊഴിഞ്ഞാമ്പാറ പഞ്ചായത്ത് പ്രസിഡന്റ് എം സതീഷിന്റെ നേതൃത്വത്തിലാണ് വിശദീകരണ യോഗം വിളിച്ചു ചേര്ത്തത്. കൊഴിഞ്ഞാമ്പാറ ലോക്കല് കമ്മറ്റി സെക്രട്ടറിയെ തെരഞ്ഞെടുത്തതിലെ പ്രതിഷേധമാണ് സമാന്തര നീക്കത്തിലെത്തിച്ചതെന്നും കൊഴിഞ്ഞാമ്പാറയിലെ 37 അംഗ ബ്രാഞ്ച് സെക്രട്ടറിമാരില് 28 പേര് യോഗത്തില് പങ്കെടുത്തതായും റിപ്പോര്ട്ടില് വ്യക്തമാക്കുന്നു. ഒരു വര്ഷം മുമ്പ് കോണ്ഗ്രസ് വിട്ടു വന്നയാളെ ലോക്കല് കമ്മറ്റി സെക്രട്ടറിയാക്കിയ നടപടിയാണ് പ്രതിഷേധത്തിന് കാരണം. ഇതു സംബന്ധിച്ച് സംസ്ഥാന സെക്രട്ടറിക്ക് പരാതി സമര്പ്പിച്ചിട്ടുണ്ടെന്നും റിപ്പോര്ട്ടിലുണ്ട്. വാര്ത്തയുടെ സ്ക്രീന്ഷോട്ട് ചുവടെ കാണാം. സമാനമായ റിപ്പോര്ട്ട് മറ്റ് മാധ്യമങ്ങളും നല്കിയിട്ടുണ്ട്. വിമത കണ്വന്ഷന് നടത്താനുണ്ടായ സാഹചര്യത്തെക്കുറിച്ച് കൊഴിഞ്ഞാമ്പാറ പഞ്ചായത്ത് പ്രസിഡന്റ് എം സതീഷ് നല്കിയ വിശദീകരണമടങ്ങുന്ന വീഡിയോ റിപ്പോര്ട്ടും ഞങ്ങള്ക്ക് ലഭ്യമായി. കാലങ്ങളായി ഏകപക്ഷീയമായ നിലപാടുകളാണ് സിപിഎം ജില്ലാ സെക്രട്ടറിയുടെ ഭാഗത്ത് നിന്നുള്ളത്. അതിനിടെയാണ് കഴിഞ്ഞ വര്ഷം കോണ്ഗ്രസ് വിട്ട് പാര്ട്ടിയില് ചേര്ന്നയാളെ ലോക്കല് കമ്മറ്റി സെക്രട്ടറിയാക്കിയതെന്നും ഈ നടപടിയാണ് വിമത കണ്വന്ഷനിലേക്ക് നയിച്ചതെന്നും സതീഷ് വ്യക്തമാക്കുന്നുണ്ട്. ഏഷ്യാനെറ്റ് ന്യൂസ് പങ്കുവച്ച വീഡിയോ റിപ്പോര്ട്ട് ചുവടെ കാണാം. പി സരിനെ സ്ഥാനാര്ഥിയാക്കിയ നടപടി ഈ കണ്വന്ഷനില് ചര്ച്ച ചെയ്തിരുന്നോ എന്ന കാര്യവും ഞങ്ങള് പരിശോധിച്ചു. അതിനായി യോഗത്തിന് നേതൃത്വം നല്കിയ കൊഴിഞ്ഞാമ്പാറ പഞ്ചായത്ത് പ്രസിഡന്റ് എം സതീഷിനെ ഞങ്ങള് ബന്ധപ്പെട്ടു. " പി സരിനെ സ്ഥാനാര്ഥിയാക്കിയതില് ഞങ്ങള്ക്ക് യാതൊരു എതിര്പ്പുമില്ല. മാത്രമല്ല, സരിന്റെ വിജയത്തിനായി ഞങ്ങള് പ്രവര്ത്തനവും ആരംഭിച്ചു കഴിഞ്ഞു. ഇവിടുത്തെ വിഷയം ലോക്കല് കമ്മറ്റി സെക്രട്ടറിയെ തിരഞ്ഞെടുത്തതുമായി ബന്ധപ്പെട്ടതാണ്. അതേപ്പറ്റി ഞങ്ങള് ഇതിനോടകം തന്നെ മാധ്യമങ്ങളോട് വ്യക്തമാക്കിയിട്ടുണ്ട്. പാര്ട്ടിയുമായി ഞങ്ങള്ക്ക് യാതൊരു വിധത്തിലുമുള്ള പ്രശ്നങ്ങളുമില്ല, " എം സതീഷ് ഇന്ത്യാ ടുഡേയോട് പറഞ്ഞു. ലഭ്യമായ വിവരങ്ങളില് നിന്ന് പി സരിനെ സ്ഥാനാര്ഥിയാക്കിയതില് പ്രതിഷേധിച്ച് പാലക്കാട്ടെ സിപിഎം പ്രവര്ത്തകര് വിമത കണ്വന്ഷന് നടത്തിയെന്ന പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തമായി. പി സരിനെ സ്ഥാനാര്ഥിയാക്കിയതില് പ്രതിഷേധിച്ച് പാലക്കാട്ടെ സിപിഎം പ്രവര്ത്തകര് വിമത കണ്വന്ഷന് നടത്തി. 2023ല് കോണ്ഗ്രസ് വിട്ട് സിപിഎമ്മില് ചേര്ന്നയാളെ കൊഴിഞ്ഞാമ്പാറ ലോക്കല് കമ്മറ്റി സെക്രട്ടറിയാക്കിയതില് പ്രതിഷേധിച്ചാണ് വിമത കണ്വന്ഷന് സംഘടിപ്പിച്ചത്. പാലക്കാട് ഉപതിരഞ്ഞെടുപ്പുമായി ഇതിന് യാതൊരു ബന്ധവുമില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software