About: http://data.cimple.eu/claim-review/f9691a6ae80f55d0fe21394f615bab54b8db7acf8d3b38e407c2ba01     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • രാഷ്ട്രീയ പ്രതിസന്ധി ഉടലെടുത്തപ്പോള് മുതല് ബംഗ്ലാദേശികള് നിന്ന് അഭയാര്ഥികള് അനധികൃതമായി ഇന്ത്യയിലേക്ക് കടക്കാന് ശ്രമിക്കുന്നതായി റിപ്പോര്ട്ടുകളുണ്ട്. അതിനിടെ ഇന്ത്യാ-ബംഗ്ലാദേശ് അതിര്ത്തിയില് നിന്നുള്ളതാണെന്ന രീതിയില് ഒരു ചിത്രം സോഷ്യല് മീഡിയയില് വൈറലാണ്. അതിര്ത്തി വേലികള്ക്ക് ഇരുപുറവുമായി നൂറുകണക്കിനാളുകള് നില്ക്കുന്നതായി ചിത്രത്തില് കാണാം. "ഇന്ത്യാ ബംഗളാ അതിര്ത്തിയിലെ കാഴ്ച്ച യാണിത്. നമുക്ക് അഭയം തരൂ അല്ലങ്കി ല് ഞങ്ങ ളെ വെടിവച്ച് കൊല്ലൂ... നമ്മുടെ സ്ത്രീ കളേയും കുട്ടികളേയും ക്രൂരമായി ബലാ ല്സംഗം ചെയ്തത് കൊല്ലുന്നു... രക്ഷിക്കൂ.. രക്ഷിക്കൂ... ഇന്ത്യയില് നിന്നും മൂവായിരം കിലോമീ റ്റര് അകലെയുള്ളവര്ക്ക് വേണ്ടി സേവ് റാഫ പോസ്റ്റുകള് ഇട്ട ദുല്ഖര് സല്മാന് ആസിഫ് അലി,ഷൈന് നിഗം സുടാപ്പി, പ്രിത്വിരാജ്, മമ്മൂട്ടി, മോഹന്ലാല് അടക്കമുള്ള താരങ്ങള് ഇവരെ കുറിച്ച് മിണ്ടാത്തത് എന്തുകൊണ്ടാണ്? " എന്നു തുടങ്ങുന്ന ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. 2018 മുതല് ഇന്റര്നെറ്റില് പ്രചാരത്തിലുള്ള ഈ ചിത്രം നിലവിലെ ബംഗ്ലാദേശ് വിഷയങ്ങളുമായി ബന്ധപ്പെട്ടതല്ല. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം ചിത്രം റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് സമാനമായ ദൃശ്യമുള്ള ഒരു വീഡിയോ ലഭ്യമായി. ഇന്ത്യ- ബംഗ്ലാദേശ് അതിര്ത്തിയില് നടക്കുന്ന മിലാന് മേളയില് നിന്നുള്ള ദൃശ്യമെന്നാണ് 2018 ഏപ്രില് 15ന് പോസ്റ്റ് ചെയ്തിട്ടുള്ള ഈ വീഡിയോയുടെ വിവരണം. ഈ വീഡിയോയില് നിന്നുള്ള ഒരു സ്ക്രീന്ഷോട്ടാണ് വൈറല് ചിത്രമെന്ന് വ്യക്തമാണ്. മിലാന് മേളയുടെ നിരവധി വീഡിയോകള് ഈ ചാനലില് അപ്ലോഡ് ചെയ്തിട്ടുണ്ട്. മിലന് മേളയുമായി ബന്ധപ്പെട്ട് കീ വേര്ഡ് സെര്ച്ച് നടത്തിയപ്പോള് വൈറല് ചിത്രത്തിനു സമാനമായി അതിര്ത്തിയിലെ ഇരുമ്പുവേലികള്ക്ക് ഇരുവശങ്ങളിലുമായി നിരവധിപ്പേര് നില്ക്കുന്ന വീഡിയോകള് ലഭ്യമായി. ഇത്തരമൊരു വീഡിയോ ചുവടെ കാണാം. ഈ മേളയെക്കുറിച്ചുള്ള ചില വാര്ത്തകളും ഞങ്ങള് ഇന്റര്നെറ്റില് കണ്ടെത്തി. അമര് ഉജാലയുടെ റിപ്പോര്ട്ട് അനുസരിച്ച്, എല്ലാ വര്ഷവും ബംഗാളി ഉത്സവമായ ബോയ്ഷാഖിന്റെ ദിവസത്തിലാണ് ഈ മേള സംഘടിപ്പിക്കുന്നത്. ബിഎസ്എഫിന്റെ കനത്ത മേല്നോട്ടത്തിലാണ് മേള നടക്കുന്നത്. മിലാന് ദിനത്തില് ആളുകള് അതിര്ത്തിക്കപ്പുറമുള്ള തങ്ങളുടെ ബന്ധുക്കള്ക്ക് ഭക്ഷണസാധനങ്ങള് കൊണ്ടുവന്ന് മറുകരയിലേക്ക് എറിയുന്നു. നൂറുകണക്കിന് ആളുകളാണ് ഈ മേളയില് പങ്കെടുക്കുന്നത്. 2023ല് ETV ഭാരത് നല്കിയ ഒരു വാര്ത്തയില്, കൊവിഡും തിരഞ്ഞെടുപ്പും കാരണം, കഴിഞ്ഞ നാല് വര്ഷമായി മിലാന് മേള സംഘടിപ്പിക്കുന്നില്ലെന്ന് വ്യക്തമാക്കുന്നുണ്ട്. ലഭ്യമായ വിവരങ്ങളില് നിന്ന് ആറ് വര്ഷത്തിലേറെ പഴക്കമുള്ള മിലാന് മേളയുടെ ദൃശ്യമാണ് ഇന്ത്യ- ബംഗ്ലാദേശ് അതിര്ത്തിയില് അഭയാര്ഥികള് തടിച്ചുകൂടിയെന്ന രീതിയില് പ്രചരിപ്പിക്കുന്നതെന്ന് വ്യക്തമായി. ഇന്പുട്ട് : അര്ജുന് ഡിയോഡിയ ഇന്ത്യ- ബംഗ്ലാദേശ് അതിര്ത്തിയില് അഭയാര്ഥികള് തടിച്ചുകൂടിയിരിക്കുന്ന ദൃശ്യം. ഇത് അതിര്ത്തി കടക്കാന് എത്തിയവരല്ല. ബംഗാളി ഉത്സവമായ ബോയ്ഷാഖിന്റെ ഭാഗമായി ഇന്ത്യ-ബംഗ്ലാദേശ് അതിര്ത്തിയില് സംഘടിപ്പിക്കാറുള്ള മിലാന് മേളയില് നിന്നുള്ള ചിത്രമാണിത്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software