About: http://data.cimple.eu/claim-review/f9d5f1bd1c00b2dd807ed2133e4802a3063af27ba6610f3a7a6eb5ba     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പലസ്തീന് സ്വദേശികളെയെല്ലാം കൊന്നൊടുക്കണമെന്ന് പറയുന്ന അമേരിക്കയിലെ ഒരു മന്ത്രിയെ സ്റ്റേജില് കയറി പലസ്തീനി യുവാവ് മര്ദ്ദിക്കുന്ന ദൃശ്യം എന്ന രീതിയില് ഒരു വീഡിയോ ഇപ്പോള് സമൂഹമാധ്യമങ്ങളില് പ്രചാരത്തിലുണ്ട്. ഡയസില് ഇരിക്കുന്ന ഒരു വനിതയെ പെട്ടെന്ന് ഒരാള് ചാടിക്കയറി അക്രമിക്കുന്നതാണ് ദൃശ്യത്തിലുള്ളത്. വനിതയുടെ പിന്നിലായി യുഎസ് ഫ്ളാഗ് കാണാനാകുന്നുണ്ട്. "ഒരു വേദിയില് അമേരിക്കയുടെ ഒരു മന്ത്രി പറയുകയാണ് എല്ലാ ഫലസ്തീനികളെയും കൊന്നൊടുക്കുകതന്നെ വേണം സദസ്സില് കേള്വിക്കാരനായി നിന്നിരുന്ന ഒരു ഫലസ്തീന്കാരന് സിംഹം ചാടി വീണപോലെ അവരെ ആക്രമിച്ചു.." എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ഇത് അമേരിക്കയിലെ ഒരു കോടതിയില് നിന്നുള്ള ദൃശ്യമാണ്. വിചാരണയ്ക്കിടെ പ്രതി ജഡ്ജിയെ ആക്രമിക്കുകയായിരുന്നു. അന്വേഷണം വൈറല് വീഡിയോയുടെ കീ ഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് സമാനമായ ചിത്രം ഇന്ത്യാ ടുഡേ ഉള്പ്പെടെയുള്ള നിരവധി ന്യൂസ് വെബ്സൈറ്റുകളില് പങ്കുവച്ചിട്ടുള്ളതായി കണ്ടെത്തി. 2024 ജനുവരി മൂന്നിന് 'എന്ബിസി ലൊസ്ഏഞ്ചലസ്' എന്ന മാധ്യമം നല്കിയ വാര്ത്ത പ്രകാരം യുഎസിലെ നെവാഡ സംസ്ഥാനത്തെ ഒരു കോടതി മുറിയില് നടന്ന സംഭവമാണിത്. ഒരാളെ ക്രൂരമായി മര്ദ്ദിച്ച കേസില് അറസ്റ്റിലായ പ്രതി ദിയോബ്ര ഡെലോണ് റെഡ്ഡന് (Deobra Delone Redden) ആണ് വിചാരണയ്ക്കിടെ അപ്രതീക്ഷിതമായി ജഡ്ജിയെ ആക്രമിച്ചത്. ക്ലാര്ക്ക് കൗണ്ടി (Clark County) ജില്ലാ ജഡ്ജിയായ മേരി കെയ് ഹോള്ത്തസ് (Mary Kay Holthus) ആണ് ആക്രമണത്തിന് ഇരയായത്. ഡിഫന്സ് ടേബിളിന്റെ മുകളിലൂടെ ചാടിക്കടന്ന റെഡ്ഡന്റെ ആക്രമണത്തില് നിന്ന് ജഡ്ജിയെ രക്ഷിക്കാനെത്തിയ കോര്ട്ട് റൂം മാര്ഷലിനും പരിക്കേറ്റു. ജഡ്ജിയെ ആക്രമിച്ചതിനുള്പ്പെടെയുള്ള വകുപ്പുകള് ചുമത്തി 30 കാരനായ പ്രതിയെ പിന്നീട് ജയിലിലടച്ചതായും റിപ്പോര്ട്ടില് പറയുന്നു. വാര്ത്തയുടെ സ്ക്രീന്ഷോട്ട് താഴെ കാണാം. ഇതു സംബന്ധിച്ച് അസോസിയേറ്റഡ് പ്രസ്(AP) 2024 ജനുവരി ഒന്പതിന് നല്കിയ ഫോളോ അപ് വാര്ത്തയില് പറയുന്നത് നെവാഡ ജഡ്ജിയെ ആക്രമച്ച പ്രതിയെ ജനുവരി എട്ടിന് അതേ ജഡ്ജിയുടെ മുമ്പാകെ വീണ്ടും ഹാജരാക്കിയെന്നാണ്. നാല് വര്ഷം വരെ തടവിന് ശിക്ഷിച്ചുകൊണ്ടാണ് ജഡ്ജി മേരി കേയ് ഹോള്ത്തസ് വിധി പറഞ്ഞത്. തന്നെ ആക്രമിക്കുന്നതിനു മുന്പ് പ്രതിയ്ക്ക് വിധിച്ച ശിക്ഷയില് മാറ്റം വരുത്തുന്നില്ലെന്ന് വ്യക്തമാക്കിക്കൊണ്ടാണ് ജഡ്ജി വിധി പ്രസ്ഥാവിച്ചത്. അക്രമ കേസില് നവംബറില് പ്രതി കുറ്റം സമ്മതിച്ചിരുന്നു. ശിക്ഷ നാല് വര്ഷം വരെ നീണ്ടുനില്ക്കുമെങ്കിലും, ജയിലിലെ പെരുമാറ്റവും പരോള് ബോര്ഡ് എടുക്കുന്ന തീരുമാനങ്ങളും അനുസരിച്ച് റെഡ്ഡന് 19 മാസത്തിനുള്ളില് പരോളില് പോകാമെന്നുമാണ് വ്യവസ്ഥ. പ്രതി ദിയോബ്ര ഡെലോണ് റെഡ്ഡന് പലസ്തീനി ആണെന്ന വൈറല് പോസ്റ്റിലെ വാദവും തെറ്റാണ്. യുഎസിലെ ലാസ് വേഗാസ് സ്വദേശിയാണ് ഇയാളെന്ന് റിപ്പോര്ട്ടുകളിലുണ്ട്. ലഭ്യമായ വിവരങ്ങളില് നിന്ന് പലസ്തീന്കാരെ കൊല്ലണമെന്ന് അമേരിക്കയിലെ മന്ത്രി ആഹ്വാനം നടത്തിയതായി പ്രചരിക്കുന്ന വീഡിയോ യുഎസിലെ ഒരു കോടതി മുറിയില് നടന്ന ആക്രമണത്തിന്റേതാണെന്ന് വ്യക്തമായി. പലസ്തീന്കാരെ കൊല്ലണമെന്ന് ആഹ്വാനം ചെയ്ത അമേരിക്കയിലെ മന്ത്രിയെ പലസ്തീനി യുവാവ് ആക്രമിക്കുന്നു. ഒരു വിചാരണയ്ക്കിടെ യുഎസിലെ നെവാഡ ജഡ്ജി മേരി കെയ് ഹോള്ത്തസിനെ അമേരിക്കക്കാരന് തന്നെയായ പ്രതി ആക്രമിക്കുന്നതാണ് വൈറല് വീഡിയോ. സംഭവത്തിന് പലസ്തീനുമായി യാതൊരു ബന്ധവുമില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software