About: http://data.cimple.eu/claim-review/fa7635618d723a84a340b3d24376b6db0f60ca42b522eadd30444f7e     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കേരളത്തിലും ഏറെ ആരാധകരുള്ള നേതാവാണ് തമിഴ്നാട് മുഖ്യമന്ത്രി എം.കെ സ്റ്റാലിന്. അടുത്തിടെയാണ് സ്റ്റാലിന് കുടുംബത്തിന് അനധികൃത സ്വത്തുണ്ടെന്ന് ആരോപിച്ച് തമിഴ്നാട് ബിജെപി അധ്യക്ഷന് കെ.അണ്ണാമലൈ രംഗത്തെത്തിയത്. ഇതിനു തൊട്ടുപിന്നാലെ സ്റ്റാലിന്റെ മകള് സെന്താമരയുടെ വീട്ടില് ഇന്കം ടാക്സ് റെയ്ഡ് നടന്നുവെന്നും അനധികൃത സ്വത്ത് പിടിച്ചെടുത്തുവെന്നും സമൂഹമാധ്യമങ്ങളില് പ്രചാരണമുണ്ട്. 'ഹലോ ഒരു കാര്യം അറിഞ്ഞോ ? അല്ല... അറിഞ്ഞു കാണാന് വഴിയില്ല. DMK നേതാവ് സ്റ്റാലിന്റെ ( ഓ ... Late ശ്രീ കരു ണാനിധി തലെവരുടെ മകന്) മകള് സെന്താമരയുടെ വീട്ടില് റെയ്ഡ് കണ്ടെത്തിയത് 700കോടി ക്യാഷ്, 250 KG സ്വര്ണ്ണം പിന്നെ മുപ്പതിനായിരം കോടി രൂപയുടെ അനധിക്യത സ്വത്തി ന്റെ രേഖകള്. ' എന്നു തുടങ്ങുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. സെന്താമരയുടെ വീട്ടില് നിന്ന് അനധികൃത സ്വത്ത് കണ്ടുകെട്ടിയിട്ടില്ല. AFWA അന്വേഷണം പ്രചാരത്തിലുള്ള പോസ്റ്റില് പറയുന്നത് സ്റ്റാലിന്റെ മകള് സെന്താമരയുടെ വീട്ടില് നിന്ന് 700 കോടി രൂപ, 250 കിലോഗ്രാം സ്വര്ണ്ണം, 30,000 കോടി രൂപയുടെ അനധികൃത സ്വത്തിന്റെ രേഖകള് എന്നിവ ഇന്കം ടാക്സ് പിടിച്ചെടുത്തുവെന്നാണ്. ഇതേപ്പറ്റി തിരഞ്ഞപ്പോള് സമീപകാലത്ത് ഇത്തരത്തിലൊരു റെയ്ഡ് നടന്നതായി റിപ്പോര്ട്ടുകളൊന്നും ലഭിച്ചില്ല. അതേസമയം 2021ല് തമിഴ്നാട് നിയമസഭാ ഇലക്ഷന് മുന്നോടിയായി സെന്താമരയുടെ വീട്ടില് റെയ്ഡ് നടന്നതായി വാര്ത്തകളുണ്ട്. 2021 ഏപ്രില് രണ്ടിന് പ്രസിദ്ധീകരിച്ച വാര്ത്തകള് പ്രകാരം ഇലക്ഷന് മുന്നോടിയായി നിരവധി ഡിഎംകെ നേതാക്കളുടെ വീടുകള് ആദായനികുതി വകുപ്പ് റെയ്ഡ് ചെയ്തുവെന്നാണ്. ഇക്കൂട്ടത്തില് സ്റ്റാലിന്റെ മകള് സെന്താരമയുടെ വീട്ടിലും മറ്റ് പ്രോപ്പര്ട്ടികളിലും പരിശോധന നടന്നു. എന്നാല് അസ്വാഭാവികമായി ഒന്നും തന്നെ കണ്ടെത്തിയില്ലെന്നാണ് ഉദ്യോഗസ്ഥര് മാധ്യമങ്ങളോട് വെളിപ്പെടുത്തിയത്. ഇലക്ഷനു മുന്നോടിയായി അനധികൃത പണം ഒഴുക്ക് നടക്കുന്നുവെന്ന റിപ്പോര്ട്ട് ലഭിച്ചതിനാലാണ് റെയ്ഡ് നടത്തിയതെന്ന് ഉദ്യോഗസ്ഥര് പറഞ്ഞെങ്കിലും ഒന്നര ലക്ഷം രൂപ മാത്രമാണ് സെന്താമരയുടെ വീട്ടില് നിന്ന് കണ്ടെടുത്തത്. ഈ തുക കൈവശം വച്ചത് വീട്ടാവശ്യത്തിനാണെന്ന് വ്യക്തമാക്കിയതോടെ തിരികെ നല്കിയതായും റിപ്പോര്ട്ടുണ്ട്. അതായത് 2021ല് നടന്ന റെയ്ഡില് അനധികൃത സ്വത്തുക്കളൊന്നും തന്നെ സ്റ്റാലിന്റെയോ അദ്ദേഹത്തിന്റെ ബന്ധുക്കളുടെയോ വീടുകളില് നിന്ന് കണ്ടെടുത്തിട്ടില്ല. അതേസമയം, അടുത്തിടെ ഇത്തരത്തിലൊരു റെയ്ഡ് നടത്തിയിരുന്നോ എന്ന വിവരവും ഞങ്ങള് അന്വേഷിച്ചു. തമിഴ്നാട്ടിലെ ചില വന്കിട സ്ഥാപനങ്ങളില് റെയ്ഡ് നടത്തിയ വാര്ത്തകള് ലഭ്യമായി. തുടര്ന്ന് ഞങ്ങള് ചെന്നൈയിലെ ചില മാധ്യമ പ്രവര്ത്തകരെ ബന്ധപ്പെട്ടെങ്കിലും സ്റ്റാലിന്റെ മകളുടെ വീട്ടില് ഇത്തരരമൊരു റെയ്ഡ് നടന്നിട്ടില്ലെന്ന് എല്ലാവരും സ്ഥിരീകരിച്ചു. ഇന്ത്യാ ടുഡേ റിപ്പോര്ട്ടര് പ്രമോദ് മാധവന് നല്കിയ വിവരം അനുസരിച്ച് 2021ലാണ് സെന്താമരയുടെ വീട്ടില് റെയ്ഡ് നടന്നത്. "ഇലക്ഷനുമായി ബന്ധപ്പെട്ട് നടന്ന ഈ പരിശോധനയില് അനധികൃത സ്വത്തുക്കളൊന്നും കണ്ടുകെട്ടിയിരുന്നില്ല. മാത്രമല്ല, 2021ന് ശേഷം ഇത്തരമൊരു റെയ്ഡ് നടന്നിട്ടുമില്ല" പ്രമോദ് സ്ഥിരീകരിച്ചു. 2021ല് റെയ്ഡ് നടന്നപ്പോള് തന്നെ ഇത്തരത്തില് സെന്താമരയുടെ വീട്ടില് നിന്ന് അനധികൃത സ്വത്ത് കണ്ടുകെട്ടിയെന്ന് പ്രചാരണം നടന്നിരുന്നു. അന്ന് പഴയ ചിത്രങ്ങള് ഉപയോഗിച്ച് നടത്തിയ പ്രചാരണം തെറ്റിദ്ധരിപ്പിക്കുന്നതാണെന്നും പരിശോധനയില് അനധികൃത സ്വത്തുക്കളൊന്നും ലഭ്യമായിരുന്നില്ലെന്നും റിപ്പോര്ട്ടുകളുണ്ടായിരുന്നു. ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റുകളില് പറയുന്നതുപോലെ തമിഴ്നാട് മുഖ്യമന്ത്രി എം.കെ സ്റ്റാലിന്റെ മകളുടെ വീട്ടില് റെയ്ഡ് നടത്തി കോടിക്കണക്കിന് രൂപയുടെ അനധികൃത സ്വത്തുക്കള് കണ്ടുകെട്ടി എന്നത് തെറ്റിദ്ധരിപ്പിക്കുന്ന വിവരമാണെന്ന് വ്യക്തം. ഈ വാര്ത്ത പ്രസിദ്ധീകരിക്കുന്നതുവരെ എം.കെ സ്റ്റാലിന്റെയോ അദ്ദേഹത്തിന്റെ ബന്ധുക്കളുടെയോ അനധികൃത സ്വത്ത് കണ്ടുകെട്ടിയതായി സ്ഥിരീകരിക്കാവുന്ന യാതൊരു റിപ്പോട്ടുകളുമില്ല. എം.കെ സ്റ്റാലിന്റെ മകള് സെന്താമരയുടെ വീട്ടില് നിന്ന് കോടിക്കണക്കിന് രൂപയുടെ അനധികൃത സ്വത്ത് ഇന്കംടാക്സ് കണ്ടുകെട്ടി. സെന്താമരയുടെ വീട്ടില് അടുത്തിടെ റെയ്ഡുകള് ഒന്നും നടന്നിട്ടില്ല. 2021ലെ തമിഴ്നാട് നിയമസഭാ തിരഞ്ഞെടുപ്പുമായി ബന്ധപ്പെട്ട് ഇന്കംടാക്സിന്റെ പരിശോധന നടന്നിരുന്നു. എന്നാല് ഇതില് അനധികൃത സ്വത്തുക്കളോ രേഖകളോ കണ്ടെടുത്തിരുന്നില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software