About: http://data.cimple.eu/claim-review/ffe9f6f7fe46f68556224c9b227c49d792e65ce66139447642bd7d06     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പൂക്കൾ വിൽക്കുന്ന ഒരു കുട്ടിയുടെ വീഡിയോ ഇപ്പോൾ സമൂഹമാധ്യമങ്ങളിൽ വൈറലാണ്. പൂക്കളിൽ വെള്ളം തളിക്കുന്നതിന് പകരം വായിലാക്കി തുപ്പുന്ന ഒരു ആൺകുട്ടിയുടെ വീഡിയോയാണിത്. ക്ഷേത്ര പരിസരങ്ങളിൽ പൂക്കൾ വിൽപ്പന നടത്തുന്ന മുസ്ലിം എന്ന രീതിയിലാണ് ഈ വീഡിയോ പ്രചരിക്കുന്നത്. "അമ്പലത്തിനു സമീപമുള്ള മുസ്ലിം കടകളിൽ നിന്ന് പൂക്കൾ വാങ്ങുബോൾ ശ്രദ്ധിക്കുക.....🙏🙏🙏" എന്ന തലകെട്ടോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണരൂപം ചുവടെ കാണാം. എന്നാൽ, പ്രചാരത്തിലുള്ള പോസ്റ്റുകൾ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. പാകിസ്ഥാനിൽ നിന്നുള്ള ഈ വീഡിയോയിലുള്ളത് ക്ഷേത്ര പരിസരത്ത് പൂക്കൾ വിൽപ്പന നടത്തുന്നയാളല്ല. അന്വേഷണം വൈറൽ വീഡിയോയുടെ കീഫ്രെയിമുകൾ റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിച്ചപ്പോൾ സമാന വീഡിയോ പാകിസ്ഥാനിൽ നിന്നുള്ള നിരവധി യൂട്യൂബ് ചാനലുകളിൽ അപ്ലോഡ് ചെയ്തിരിക്കുന്നതായി കണ്ടെത്തി. 2024 ആഗസ്റ്റ് മുതൽ തന്നെ ഈ വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്. 'ഈ ടെക്നോളജി പാകിസ്ഥാന്റെ പുറത്തേക്ക് പോകാൻ പാടില്ല' എന്ന തമാശ രൂപത്തിലുള്ള തലകെട്ടോടെ അതീഖ്1 എന്ന യൂട്യൂബ് ചാനലിൽ 2024 സെപ്റ്റംബർ 1ന് വീഡിയോ പങ്കുവച്ചിട്ടുണ്ട്. യൂട്യൂബ് വീഡിയോ ഇവിടെ കാണാം. വീഡിയോ സൂക്ഷ്മമായി പരിശോധിച്ചപ്പോൾ പൂക്കൾ വിൽപ്പന നടത്തുന്ന കുട്ടിയുടെ വസ്ത്രം പാകിസ്ഥാനിൽ സാധാരണ കാണാറുള്ള നീളമുള്ള കുർത്തയാണെന്ന് വ്യക്തമായി. വീഡിയോയിൽ കുട്ടിയുടെ പിറകിലായി ഒരു കാറിന്റെ നമ്പർപ്ലേറ്റും കാണാം. AQV 503 എന്നാണ് പഴകിയ ഈ മഞ്ഞ നിറത്തിലുള്ള നമ്പർപ്ലേറ്റിൽ കാണുന്നത്. കാലപ്പഴക്കം കൊണ്ട് മാഞ്ഞുപോയെങ്കിലും പ്രധാന നമ്പറിന് താഴെ 'NDH' എന്നീ മൂന്ന് അക്ഷരങ്ങൾ അവ്യക്തമായി കാണാം. ഈ സ്ക്രീൻഷോട്ട് ചുവടെ കാണാം. വൈറൽ വീഡിയോയിൽ കാണുന്ന നമ്പർ പ്ലൈറ്റിൽ നിന്നും ലഭിച്ച സൂചന ഉപയോഗിച്ച് പരിശോധിച്ചപ്പോൾ ഇത് പാകിസ്ഥാനിലെ നമ്പർ പ്ലേറ്റാണെന്ന് വ്യക്തമായി. വിശദമായ പരിശോധനയിൽ ഇത് സിന്ധ് പ്രവിശ്യയിൽ നിന്നുള്ളതാണെന്ന് മനസിലാക്കാനായി. കറാച്ചി ഉൾപ്പെടുന്ന പ്രവിശ്യയാണ് സിന്ധ്. 'അഞ്ചുംആർട്ട്' എന്ന യൂട്യൂബ് ചാനലിൽ സിന്ധിലെ നമ്പർപ്ലേറ്റ് ഉണ്ടാക്കുന്ന വീഡിയോ പങ്കുവച്ചിട്ടുണ്ട്. മൂന്ന് ഇംഗ്ലീഷ് അക്ഷരങ്ങളും അക്കങ്ങളും വരുന്ന മഞ്ഞ നിറത്തിലുള്ള നമ്പർ പ്ലേറ്റിൽ താഴെയായി 'SINDH' എന്ന് എഴുതും. മുകളിൽ സിന്ധ് സർക്കാരിന്റെ ലോഗോയും പതിക്കും. നമ്പർ പ്ലേറ്റ് നിർമ്മാണത്തിന്റെ വീഡിയോ ചുവടെ കാണാം. 2023ലാണ് സിന്ധ് പ്രവിശ്യയിലെ നമ്പർ പ്ലേറ്റുകളുടെ രീതി മാറ്റിയത്. മഞ്ഞ നിറത്തിലുള്ള നിറം ഒഴിവാക്കിയതിനൊപ്പം സുരക്ഷാ ഫീച്ചറുകളും നമ്പർപ്ലേറ്റുകളിൽ ഉറപ്പാക്കി. ഇത് സംബന്ധിച്ച റിപ്പോർട്ട് ഇവിടെ വായിക്കാം. പിന്നീട് ഞങ്ങൾ പരിശോധിച്ചത് കുട്ടിയുടെ കൈയ്യിലുള്ള പൂക്കളെപ്പറ്റിയാണ്. ഈ പൂക്കൾ ക്ഷേത്രത്തിൽ പൂജയ്ക്ക് നൽകുന്ന തരത്തിലുള്ളവയല്ല. മുല്ലപ്പൂക്കൾ കൊണ്ട് നിർമ്മിച്ച തലയിൽ ചൂടാനും കൈയ്യിൽ കെട്ടാനും സാധിക്കുന്ന വിധത്തിലുള്ള വൃത്താകൃതിയിലുള്ള രൂപമാണ് കുട്ടിയുടെ കൈയ്യിലുള്ളത്. ഗജറ എന്ന പേരിൽ അറിയപ്പെടുന്ന ഇവ പാകിസ്ഥാനിലും ഉത്തരേന്ത്യയിലുമെല്ലാം വാങ്ങാൻ കിട്ടുന്നവയാണ്. മുല്ലപ്പൂവിനൊപ്പം റോസാപ്പൂവ് അടക്കമുള്ള പൂക്കളും ഇതിൽ ഉപയോഗിക്കുന്നു. പലരും ഈ വീഡിയോ പങ്കുവയ്ക്കുമ്പോൾ പൂക്കൾ എന്നതിന് പകരം ഗജറ എന്ന വാക്ക് തന്നെ ഉപയോഗിച്ചിട്ടുമുണ്ട്. ഇതിലൂടെ പൂജയ്ക്കായി വിൽപ്പന നടത്തുന്ന പൂക്കളല്ല കുട്ടിയുടെ കൈയ്യിലുള്ളതെന്ന് ഉറപ്പിക്കാനായി. ലഭ്യമായ വിവരങ്ങളിൽ നിന്നും ക്ഷേത്ര പരിസരത്ത് പൂക്കൾ കച്ചവടം ചെയ്യുന്ന മുസ്ലിം പൂക്കളിൽ വെള്ളം തുപ്പുന്നു എന്ന രീതിയിൽ പ്രചരിക്കുന്ന വീഡിയോയിലുള്ളത് പാകിസ്ഥാനിലെ സിന്ധ് പ്രവിശ്യയിൽ പൂക്കൾ കച്ചവടം നടത്തുന്ന ബാലനാണെന്ന് വ്യക്തമായി. ക്ഷേത്ര പരിസരത്ത് പൂക്കൾ വിൽക്കുന്ന മുസ്ലിം പൂക്കളിലേക്ക് വെള്ളം തുപ്പുന്ന വീഡിയോ. വൈറൽ വീഡിയോ പാകിസ്ഥാനിലെ സിന്ധ് പ്രവിശ്യയിൽ നിന്നുള്ളതാണ്. അലങ്കാരത്തിനായി ഉപയോഗിക്കുന്ന പൂക്കൾക്കൊണ്ടുള്ള ഗജറ വിൽപ്പന നടത്തുന്ന ബാലനാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software