About: http://data.cimple.eu/claim-review/082a753e8708b0e5fe651fc8f74cac57dd607970477ec087c3712a64     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ട്രാൻസ്ജെന്റർ വ്യക്തികൾ ഒരു ചെറിയ ആൾക്കൂട്ടവുമായി തർക്കിക്കുന്ന ഒരു വീഡിയോ ഇപ്പോൾ സമൂഹമാധ്യമങ്ങളിൽ വൈറലാണ്. വഞ്ചിയൂരിൽ ട്രാൻസ്ജെന്റർ വ്യക്തിയെ കയറിപ്പിടിച്ച സംഘപരിവാറുകാരനെ മർദ്ദിക്കുന്ന ദൃശ്യം എന്ന രീതിയിലാണ് ഈ വീഡിയോ പ്രചരിക്കുന്നത്. വീഡിയോയുടെ തുടക്കത്തിൽ ട്രാൻസ്ജെന്റർ വ്യക്തി ഒരാളുടെ മുഖത്തടിക്കുന്നതായും കാണാം. "മക്കളെ നിങ്ങൾ അറിഞ്ഞോ. Tvm വഞ്ചിയൂരിൽ സുന്ദരി ആണെന്ന് ധരിച്ചു ട്രാൻസ് വുമനെ സങ്കി കയറി പിടിച്ചത്. അവന്റെ കവിളിൽ കൈപ്പത്തി ചിഹ്നം പതിച്ചു കൊടുത്തിട്ടുണ്ട്." എന്ന തലകെട്ടോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചരിക്കുന്ന വീഡിയോയിലെ സംഘർഷം ലൈംഗിക അതിക്രമവുമായി ബന്ധപ്പെട്ടതല്ലെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. വഞ്ചിയൂരിൽ ട്രാൻസ്ജെന്റർമാർ കള്ളവോട്ട് ചെയ്തുവെന്ന് ബിജെപി പ്രവർത്തകർ ആരോപിച്ചതിന് പിന്നാലെ നടന്ന സംഘർഷമാണിത്. ഫേസ്ബുക്ക് പോസ്റ്റിന്റെ ആർക്കൈവ്. അന്വേഷണം വൈറൽ പോസ്റ്റുകളിൽ ഉപയോഗിച്ചിരിക്കുന്നത് ഏഷ്യാനെറ്റ് ന്യൂസിന്റെ വീഡിയോയാണ്. ഇതിന്റെ അടിസ്ഥാനത്തിൽ നടത്തിയ അന്വേഷണത്തിൽ സമാനമായ വീഡിയോ ഏഷ്യാനെറ്റ് ന്യൂസിന്റെ യൂട്യൂബ് ചാനലിൽ 2025 ഡിസംബർ 9ന് പങ്കുവച്ചിട്ടുള്ളതായി കണ്ടെത്തി. 'തിരുവനന്തപുരം വഞ്ചിയൂരില് ട്രാന്സ്ജെന്ഡര്മാരും ബിജെപി പ്രവര്ത്തകരും തമ്മില് സംഘര്ഷം' എന്ന തലകെട്ടോടെയാണ് വീഡിയോ പങ്കുവച്ചിരിക്കുന്നത്. സമാനമായ വീഡിയോ ഉൾപ്പെടുത്തിയ റിപ്പോർട്ട് 'വഞ്ചിയൂരില് ട്രാന്സ്ജെന്ഡര്മാര് കള്ളവോട്ട് ചെയ്തെന്ന് ആരോപിച്ച് BJP-CPM സംഘര്ഷം' എന്ന തലകെട്ടോടെയും യൂട്യൂബ് ചാനലിൽ പങ്കുവച്ചിട്ടുണ്ട്. ഈ വീഡിയോ ചുവടെ കാണാം. തുടർന്ന് നടത്തിയ കീവേഡ് സെർച്ചിലൂടെ വഞ്ചിയൂരിൽ നടന്ന സംഘർഷവുമായി ബന്ധപ്പെട്ട റിപ്പോർട്ടുകൾ ലഭ്യമായി. തദ്ദേശ തെരഞ്ഞെടുപ്പ് പോളിങ് നടക്കുന്നതിനിടെ കള്ളവോട്ട് ചെയ്തെന്ന് ചൂണ്ടിക്കാട്ടിയ ബിജെപി പ്രവർത്തകരെ സിപിഎം ട്രാന്സ്ജെന്ഡര് പ്രവര്ത്തകര് മർദിച്ചെന്ന് ആരോപണം എന്ന തലകെട്ടോടെ സംഘർഷത്തിന്റെ വീഡിയോ വൺഇന്ത്യ മലയാളം യൂട്യൂബ് ചാനലിൽ പങ്കുവച്ചിട്ടുണ്ട്. ഈ വീഡിയോ ചുവടെ കാണാം. വഞ്ചിയൂരിൽ ട്രാൻസ്ജെന്റേഴ്സും ബിജെപി പ്രവർത്തകരും തമ്മിൽ നടത്ത സംഘർഷത്തിൽ മൂന്ന് കേസുകൾ രജിസ്റ്റർ ചെയ്തതായി ഏഷ്യാനെറ്റ് ന്യൂസ് റിപ്പോർട്ട് ചെയ്തിട്ടുണ്ട്. ബിജെപിയുടെ പരാതിയിൽ രണ്ട് കേസുകളും ട്രാൻസ്ജെന്റേഴ്സ് നൽകിയ പരാതിയിൽ ബിജെപി പ്രവർത്തകർക്കെതിരെ ഒരു കേസുമാണ് എടുത്തിരിക്കുന്നത്. വഞ്ചിയൂരിലെ പോളിങ് ബൂത്തിന് മുന്നിൽ കള്ളവോട്ട് ആരോപിച്ചാണ് ബിജെപി പ്രവർത്തകരും ട്രാൻസ്ജെന്റേഴ്സും തമ്മിൽ സംഘർഷമുണ്ടായതെന്ന് റിപ്പോർട്ടിൽ പറയുന്നു. വോട്ട് ചെയ്യാനെത്തിയ ട്രാൻസ്ജെന്റേഴ്സ് വോട്ടർ പട്ടികയിൽ ഇല്ലാത്തവരാണെന്ന് ബിജെപി ആരോപിച്ചതിന് പിന്നാലെ നടന്ന സംഘർഷമാണ് ഇതെന്ന് റിപ്പോർട്ടിൽ വ്യക്തമാക്കുന്നു. ബിജെപി പ്രവർത്തകരെ ട്രാൻസ്ജെന്റേഴ്സ് അക്രമിച്ചെന്ന് ബിജെപിയും ട്രാൻസ് വിഭാഗത്തെ ബിജെപി പ്രവർത്തകർ അപമാനിച്ചെന്ന് സിപിഎമ്മും ആരോപിച്ചതായി റിപ്പോർട്ടിൽ വ്യക്തമാക്കുന്നു. ഈ റിപ്പോർട്ട് ഇവിടെ വായിക്കാം. തുടർന്ന് നടത്തിയ അന്വേഷണത്തിൽ വൈറൽ വീഡിയോയിലുള്ള ട്രാൻസ്ജെന്റർ വ്യക്തികൾ മാധ്യമങ്ങളോട് സംസാരിച്ചതിന്റെ വീഡിയോ മനോരമ ന്യൂസ് പങ്കുവച്ചിട്ടുള്ളതായി കണ്ടെത്തി. കള്ളവോട്ട് ആരോപിച്ചതിന്റെ പേരിലാണ് വൈറൽ വീഡിയോയിൽ കാണുന്ന വ്യക്തിയെ അടിക്കേണ്ടി വന്നതെന്ന് ഇവർ വ്യക്തമാക്കുന്നുണ്ട്. വോട്ട് ചെയ്യാൻ പോയപ്പോൾ ആറ് സ്ത്രീകൾ വന്ന് തടഞ്ഞുവെന്നും കള്ളവോട്ട് ചെയ്യാനാണ് തങ്ങൾ വന്നതെന്ന് ആരോപിച്ചെന്നും ഇവർ വ്യക്തമാക്കുന്നു. കുറേ നേരം ശല്യം ചെയ്ത ആളുകളിൽ മൊബൈൽ എടുത്ത് എടാ പോടാ എന്ന് വിളിച്ച് സംസാരിച്ച് അപമാനിച്ച ആളെയാണ് മർദ്ദിച്ചതെന്നും വീഡിയോയിൽ പറയുന്നുണ്ട്. ഈ വീഡിയോ ചുവടെ കാണാം. ലഭ്യമായ വിവരങ്ങളിൽ നിന്നും വൈറൽ വീഡിയോയിലുള്ള സംഘർഷം ലൈംഗികാതിക്രമവുമായി ബന്ധപ്പെട്ടതല്ലെന്നും ട്രാൻസ്ജെന്റർമാർ കള്ളവോട്ട് ചെയ്തുവെന്ന് ബിജെപി ആരോപിച്ചതിന് പിന്നാലെ നടന്നതാണെന്നും വ്യക്തമായി. ലൈംഗികാതിക്രമം നടത്തിയ സംഘപരിവാറുകാരനെ ട്രാൻസ്ജെന്റർ മർദ്ദിക്കുന്നു. വൈറൽ വീഡിയോയിലെ സംഘർഷത്തിന് കാരണം ലൈംഗികാതിക്രമമല്ല. വഞ്ചിയൂരിൽ ട്രാൻസ്ജെന്റർ വ്യക്തികൾ കള്ളവോട്ട് ചെയ്യാനെത്തിയതാണ് എന്ന ബിജെപി പ്രവർത്തകരുടെ ആരോപണത്തിന് പിന്നാലെ നടന്ന സംഘർഷമാണിത്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 8 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software