About: http://data.cimple.eu/claim-review/0bcefa441a317978895f34cfe087648cde33e525366fa203bc052cc6     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ദക്ഷിണേന്ത്യക്കാര് പൊതുവെ മാതൃഭാഷയെയും നാടിനെയും ഏറെ സ്നേഹിക്കുന്നവരാണ്. അതുകൊണ്ടാണ് പലപ്പോഴും ഹിന്ദി നിര്ബന്ധമാക്കാനുള്ള ശ്രമങ്ങള്ക്കെതിരെ ശക്തമായ എതിര്പ്പുണ്ടാകുന്നത്. കര്ണ്ണാടകയും തമിഴ്നാടുമൊക്കെ മാതൃഭാഷയും സംസാക്കാരവും ഏറ്റവും ബഹുമാനത്തോടെ കാണുന്നവരാണ്. കര്ണ്ണാടകയ്ക്ക് സ്വന്തമായി ഗാനവും പതാകയുമൊക്കെയുണ്ട്. സംസ്ഥാന ദിനാചരണമായ നവംബര് ഒന്നിന് ഇവയെല്ലാം ഉള്പ്പെടുത്തിയുള്ള ആഘോഷ പരിപാടികളാണ് കന്നഡിഗര് നടത്തുക. അതിനിടെ കര്ണ്ണാടകയ്ക്ക് ഇനിമുതല് സ്വന്തം പതാക ഉപയോഗിക്കാം എന്ന രീതിയില് ഒരു പ്രചാരണം സമൂഹമാധ്യമങ്ങളില് വൈറലാണ്. 'കര്ണാടകയ്ക്ക് ഔദ്യോഗികമായി പ്രത്യേക പതാകയുണ്ട്' എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഇത്തരമൊരു ആലോചന മുന്നോട്ടു വച്ചിരുന്നെങ്കിലും ഇതുവരെ ഔദ്യോഗിക തീരുമാനം വന്നിട്ടില്ല. AFWA അന്വേഷണം പ്രചാരത്തിലുള്ള പോസ്റ്റില് കാര്ണ്ണാടകയുടെ ഔദ്യോഗിക പതാക അനാശ്ചാദനം ചെയ്യുന്നത് മുന് മുഖ്യമന്ത്രിയായിരുന്ന സിദ്ധരാമയ്യ ആണ്. 2018 മാര്ച്ചിലായിരുന്നു ഇതെന്ന് വാര്ത്തകളില് നിന്ന് മനസിലാക്കാനായി. മാത്രമല്ല, ഈ വിഷയം വളരെ ഗൗരവമായി കര്ണ്ണാടകയില് ചര്ച്ച ചെയ്യപ്പെടുന്നതുമാണ്. ഇതേപ്പറ്റി ഞങ്ങള് വിശദമായി പരിശോധിച്ചു. പ്രജാവാണി എന്ന കന്നഡ മാധ്യമം 2017 ജൂലൈ 19ന് ഇതുസംബന്ധിച്ച് റിപ്പോര്ട്ട് നല്കിയിട്ടുണ്ട്. ഇതുപ്രകാരം സിദ്ധരാമയ്യ നേതൃത്വം നല്കിയ കോണ്ഗ്രസ് ഭരണകാലത്താണ് കര്ണ്ണാടകയ്ക്ക് സ്വന്തമായി ഔദ്യോഗിക പതാക എന്ന ആശയം മുന്നോട്ട് വച്ചത്. അതുവരെ ചുവപ്പ്-മഞ്ഞ നിറങ്ങളിലായിരുന്ന പതാകയെ പരിഷ്ക്കരിച്ച് മധ്യഭാഗത്ത് വെളുത്ത നിറം ചേര്ത്ത് കര്ണ്ണാടകയുടെ ഔദ്യോഗിക ചിഹ്നം പതിച്ച്, ദേശീയ പതാകയുടെ മാതൃകയില് തയാറാക്കിയതാണിത്. ഒമ്പതംഗ കമ്മറ്റിയെ നിയോഗിച്ചാണ് പുതിയ പതാക രൂപീകരിച്ചത്. 1965ല് എം.രാമമൂര്ത്തി രൂപീകരിച്ച 'കന്നഡ പാര്ട്ടി'യുടെ ഔദ്യോഗിക പതാകയായിരുന്നു ചുവപ്പ്-മഞ്ഞ നിറങ്ങളിലുള്ള ഈ പതാക. 'കന്നഡ രാജ്യോത്സവ്'(സംസ്ഥാന രൂപീകരണദിനം), കലാസാംസ്ക്കാരിക പരിപാടികള് എന്നിവയ്ക്കെല്ലാം പിന്നീട് ഇത് ഉയര്ത്തുക പതിവായതോടെയാണ് ഈ പതാക കന്നിഡഗരുടെ സ്വന്തമായി മാറിയത്. കന്നഡ ഡെവലപ്മെന്റ് അതോറിറ്റി ഇത് ഔദ്യോഗിക പതാകയാക്കണമെന്ന് ആവശ്യപ്പെട്ടിരുന്നെങ്കിലും ഇക്കാര്യത്തില് തീരുമാനമായിരുന്നില്ല. പിന്നീട് തദ്ദേശീയര്ക്കിടയില് സ്വന്തം പതാക എന്ന ആവശ്യം ഉയര്ന്നു. സിദ്ധരാമയ്യ സര്ക്കാര് 2018 മാര്ച്ച് എട്ടിന് പുതിയ പതാക പുറത്തിറക്കിയെങ്കിലും കേന്ദ്രസര്ക്കാര് ഇത് ഔദ്യോഗികമാക്കാന് അനുമതി നല്കിയിരുന്നില്ല. 'One Nation One Flag' എന്ന ആശയത്തിലൂന്നിയാണ് കര്ണ്ണാടകയുടെ ആവശ്യം കേന്ദ്രം നിഷേധിച്ചത്. എന്നാല് ഭരണഘടനയില് ഇത്തരമൊരു നിയന്ത്രണവും ഇല്ലെന്നും ജമ്മു കാശ്മീരിന് ആകാമെങ്കില് കര്ണ്ണാടകയ്ക്കും ഇത്തരമൊരു തീരുമാനം കൈക്കൊള്ളാന് നിയമതടസമില്ലെന്ന് ഉന്നയിക്കപ്പെട്ടെങ്കിലും ഇക്കാര്യത്തില് തീരുമാനമായിരുന്നില്ല. 2019ല് ബി.എസ് യെദ്യൂരപ്പ സര്ക്കാര് പുതിയ ഔദ്യോഗിക പതാക എന്ന തീരുമാനം വേണ്ടെന്നു വച്ചാതയും റിപ്പോര്ട്ടുകളില് വ്യക്തമാക്കുന്നുണ്ട്. അന്നത്തെ സാംസ്ക്കാരിക വകുപ്പ് മന്ത്രി സി.ടി.രവിയെ ഉദ്ധരിച്ചാണ് മാധ്യമങ്ങള് ഈ വാര്ത്ത നല്കിയിട്ടുള്ളത്. പുതിയ പതാക കര്ണ്ണാടക ഉപയോഗിക്കുന്നുണ്ടോ എന്നു ഞങ്ങള് പരിശോധിച്ചു. എന്നാല് ഇക്കഴിഞ്ഞ രാജ്യോത്സവത്തില്(സംസ്ഥാന രൂപീകരണദിനം) ഇരു നിറത്തിലുള്ള പതാക ഉപയോഗിച്ചാണ് ഔദ്യോഗിക ചടങ്ങളുകളെല്ലാം നടന്നതെന്ന് വ്യക്തമായി. 2022 നവംബര് ഒന്നിലെ രാജ്യോത്സവത്തിന്റെ വീഡിയോ ചുവടെ കാണാം. 2019ന് ശേഷം പതാകയുമായി ബന്ധപ്പെട്ട് കര്ണ്ണാടകയില് പ്രത്യേക തീരുമാനങ്ങളൊന്നും എടുത്തതായി കാണാനുമായില്ല. അതായത്, സംസ്ഥാനത്തിന്റെ സ്വന്തം പതാക എന്ന ആശയം ഇപ്പോഴും കര്ണ്ണാടകയില് ഉന്നയിക്കപ്പെടുന്നുണ്ടെങ്കിലും ഇക്കാര്യത്തില് ഇതുവരെ ഔദ്യോഗിക തീരുമാനമൊന്നുമായിട്ടില്ലെന്ന് വ്യക്തം. കര്ണ്ണാടകയ്ക്ക് ഇനി മുതല് സ്വന്തമായി ത്രിവര്ണ്ണ നിറങ്ങളില് ഔദ്യോഗിക പതാക. സിദ്ധരാമയ്യയുടെ നേതൃത്വത്തിലുള്ള കോണ്ഗ്രസ് ഭരണകാലത്ത് ഇത്തരമൊരു തീരുമാനമെടുത്തിരുന്നു. എന്നാല് കേന്ദ്ര സര്ക്കാര് ഇത് തള്ളി. മാത്രമല്ല, പിന്നീട് വന്ന ബിജെപി സര്ക്കാര് ഔദ്യോഗിക പതാകയുമായി ബന്ധപ്പെട്ട തീരുമാനം പിന്വലിച്ചിരുന്നു.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 8 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software