Përshkrim i rremë për fjalimin e deputetes Ganimete Musliu në Kuvend
Deklarata
Kush pom del fer
Vlerësimi
Rrenë
Video në të cilën shihet deputetja e Kuvendit të Kosovës nga radhët e PDK-së, Ganimete Musliu me mbishkrimin ‘Kush pom del fer’ është e rreme. Video është e manipuluar ndërsa citati i mveshur deputetës Musliu është i rremë. Ganimete Musliu nuk ka deklaruar një gjë të tillë në seacën e Kuvendit të Kosovës të mbajtur më datë 02/03/2023.
Artikulli
Më 6 mars 2023 Gazeta Mergata (arkive) ka shpërndarë një fjalim të deputetes së Kuvendit të Kosovës nga radhët e PDK-së, Ganimete Musliu me përshkrimin ‘Kush pom del fer’.
Krypometër përmes kërkimit në Google Lens ka gjetur se videoja e përdorur në këtë fotografi është marrë nga një fjalim që Musliu kishte mbajtur në seancën plenare, më 2 mars 2023. I njëjti fjalim ishte shpërndarë edhe nga faqja zyrtare e Partisë Demokraktike të Kosovës.
Deputetja Musliu para deputetëve të Kuvendit të Kosovës kishte folur se si kryeministrit Kurti nuk i kishte mbajtur premtimet e dhëna.
“Nuk po di cilit Albin t’i flasë, a t’i bëjë pyetje atij Albinit, shokut të Astrit Deharit… apo këtij me xhipa të zi, me kollare, me 30 truproja… A po të vjen marre kur e dëgjon veten, a të kujtohet kur vije këtu me krah si shqiponjë që thoje po mbani senaca natën, po ikni prej popullit”- kishte thënë Musliu.
I njëjti fjalim është pjesë e transkriptit të seancës plenare të Kuvendit të Kosovës, të mbajtur më datë 02/03/2023.
Krypometri ka kontaktuar me deputeten Ganimete Musliu për të parë nëse në ndonjë seancë plenare ajo ka deklaruar “Kush pom del fer”. Ajo e ka mohuar një gjë të tillë.
“Deklarata a po me del fer” është e pavertetë! Deklaratën time zyrtare mund ta shihni në faqen e Kuvendit të transkriptuar”- është shprehur ajo.
Deputetja Ganimete Musliu është një nga më të zëshmet në kritikat ndaj qeverisjes aktuale të Lëvizjes Vetëvendosje në krye me Albin Kurtin.