| schema:text
| - Video e manipuluar e kryeministrit Kurti rreth marrëveshjes së Rambujesë
Deklarata
Millosheviq dhe Albin Kurti, Kundër Rambujesë
Vlerësimi
Rrenë
Video me mbishkrimin “Millosheviq dhe Albin Kurti, Kundër Rambujesë!” është e manipuluar. Kjo video është manipuluar për t’ia shtrembëruar qëndrimin që dikur kishte thënë Albin Kurti, gjatë kohës sa ishte deputet i Kuvendit të Kosovës. Krypometër ka gjetur se në fjalimin e plotë të tij, Kurti e kishte thënë të kundërtën e asaj që është publikuar në grupin “Diaspora me PDK”. Kurti në atë kohë kishte thënë se “suksesi i Kosovës nuk ka qenë Konferenca e Rambujesë, por dështimi i saj. Nuk ka pasë njeri që i është gëzuar intervenimit të NATO-s, bombave të para në orën 20:00 të mbrëmjes me 24 mars të vitit 1999, se sa unë vet. Sepse e kam ditur që kur bijnë bombat e para, atëherë bie dokumenti i Rambujesë.”
Artikulli
Më 9 janar 2024, në grupin në Facebook me emrin ‘Diaspora me PDK’, (arkiva) është publikuar një video, në të cilën është ish-presidenti i Jugosllavisë Sllobodan Millosheviç dhe kryeministri i Kosovës, Albin Kurti, atë kohë deputet i LVV-së, duke folur për marrëveshjen e Rambujesë.
Në video është mbishkrimi: “Millosheviq dhe Albin Kurti, Kundër Rambujesë!”.
Video është 12 sekonda, në të cilën dëgjohet kryeministri Kurti duke thënë që “Nuk ka pasur njëri që ju ka gëzu intervenimit të NATO-s, bombave të para në ora 20:00… Pra suksesi nuk ka qenë dokumenti i Rambujesë që keni nënshkruar”.
Për të verfikuar këtë deklarim të Kurtit, Krypometër ka shfletuar arkivën e Kuvendit të Kosovës si dhe fjalimet që janë mbajtur në seancat plenare.
Krypometër ka gjetur se pjesët e fjalimit që janë publikuar në grupin “Diaspora me PDK” janë shkëputur nga një fjalim i Albin Kurtit të bërë më 26 qershor të vitit 2015 në seancën e Kuvendit gjatë kohës sa replikonte lidhur me Gjykatën Speciale me ish-kryeministrin e asaj kohe, Hashim Thaçi.
Në fjalimin e plotë, rezulton që Kurti e ka thënë të kundërtën e asaj që është publikuar në grupin “Diaspora me PDK”.
Kurti aty thotë që i është gëzuar sulmeve të NATO-së.
“Suksesi i Kosovës nuk ka qenë Konferenca e Rambujesë, por dështimi i saj. Nuk ka pasë njeri që i është gëzuar intervenimit të NATO-s, bombave të para në orën 20:00 të mbrëmjes me 24 mars të vitit 1999, se sa unë vet. Sepse e kam ditur që kur bijnë bombat e para, atëherë bie dokumenti i Rambujesë. Jam gëzuar shumë kur ka intervenuar NATO, sepse ra dokumenti i Rambujesë”- kishte deklaruar kryeministri Kurti.
Në këtë fjalim, Kurti e kishte kritikuar Thaçin për vendimin e tij për të çarmatosur UÇK-në dhe formimin e Trupave të Mbrojtjes së Kosovës.
“Kur i përmendët të gjitha kontributet e juaja, gjatë luftës e paraluftës për UÇK-në, është dashur ta vini theksin te ajo që është më e rëndësishmja në fakt, çarmatosja. Nuk ka asnjë ushtri në botë, e cila ka pasur aq shumë humbje, vuajtje duke bartur armatimin, të cilin ju e keni nënshkruar të dorëzohet në fund. Dhe kjo është jo vetëm papërgjegjësi, por është edhe krim historik që e keni bërë. Në përgjithësi, ju jeni ngrit në karrierë me tri lëshime për: tu e çarmatosë UÇK-në, tu iu kthy privatizimit neoliberal dhe tu e braktisë bashkimin kombëtar”- kishte thënë Kurti.
Krypometër ka kontaktuar edhe me zëdhënësin e Lëvizjes Vetëvendosje, Arlind Manxhuka, i cili ka thënë se është video e manipuluar.
“Kjo video është tërësisht e manipuluar dhe e nxjerrë nga konteksti. Kësisoj, tërësisht e pavërtetë dhe e paqëndrueshme”- ka deklaruar Manxhuka për Krypometër.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)