About: http://data.cimple.eu/claim-review/187b623d32a2924c27717c04c6ee3b802269b103d12df4951f103806     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ബംഗ്ലാദേശിൽ ഹിന്ദു സന്യാസി ചിന്മയ് കൃഷ്ണദാസിനെ അറസ്റ്റ് ചെയ്തതുമായി ബന്ധപ്പെട്ട പ്രശ്നങ്ങൾ തുടരുകയാണ്. ഇതിനിടെ നാലുപേർ ചേർന്ന് ഒരു കാളയെ മർദ്ദിക്കുന്ന വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്. ബംഗ്ലാദേശിലെ ഇസ്കോൺ ഫാമിൽ നിന്നുള്ള ദൃശ്യങ്ങളാണ് ഇത് എന്ന രീതിയിലാണ് വീഡിയോ പ്രചരിക്കുന്നത്. "Isckon ഫാം ബംഗ്ലാദേശ് 😢" എന്ന തലകെട്ടോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള വീഡിയോ ബംഗ്ലാദേശിൽ നിന്നുള്ളതല്ലെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. പഞ്ചാബിലെ ജലന്ധറിലുള്ള ഒരു ഫാമിൽ നിന്നും പകർത്തിയ ദൃശ്യമാണ് ഇത്. ഫേസ്ബുക്ക് പോസ്റ്റിന്റെ ആർക്കൈവ് ചെയ്ത ലിങ്ക്. അന്വേഷണം വൈറൽ വീഡിയോയുടെ കീഫ്രെയിമുകൾ റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിച്ചപ്പോൾ സമാനമായ വീഡിയോ 'ജേണലിസ്റ്റ് ഫൈസൽ' എന്ന എക്സ് അക്കൌണ്ടിൽ 2024 നവംബർ 19ന് പങ്കുവച്ചിരിക്കുന്നതായി കണ്ടെത്തി. ഈ പോസ്റ്റിൽ എവിടെയാണ് സംഭവം നടന്നതെന്ന് വ്യക്തമാക്കുന്നില്ല. എന്നാൽ ഈ പോസ്റ്റിന് താഴെ 'PETA India' എന്ന മൃഗസംരക്ഷണ സംഘടനയുടെ ഔദ്യോഗിക അക്കൌണ്ട് കമന്റ് ചെയ്തിട്ടുണ്ട്. ഈ സംഭവത്തിൽ സദർ പോലീസ് സ്റ്റേഷനിൽ ഇതിനകം നിരവധി വകുപ്പുകൾ ചേർത്ത് എഫ്ഐആർ രജിസ്റ്റർ ചെയ്തിട്ടുണ്ടെന്നാണ് കമന്റിൽ പറയുന്നത്. എക്സ് പോസ്റ്റിന്റെയും കമന്റിന്റെയും സ്ക്രീൻഷോട്ട് ചുവടെ കാണാം. തുടർന്ന് നടത്തിയ കീവേഡ് സെർച്ചിലൂടെ "Outrage in Jalandhar as cow flogged to death, video viral" എന്ന തലകെട്ടോടെ ദി ട്രൈബ്യൂൺ 2024 നവംബർ 20ന് പ്രസിദ്ധീകരിച്ച റിപ്പോർട്ട് ലഭ്യമായി. വൈറൽ വീഡിയോയിൽ കാണുന്ന സംഭവത്തിൽ നടപടിയെടുക്കണമെന്ന് ആവശ്യപ്പെട്ട് ആനിമൽ പ്രൊട്ടക്ഷൻ ഫൌണ്ടേഷൻ എന്ന സംഘടനയുടെ നേതാവായ സൃഷ്ട് ഭക്ഷി പരാതി നൽകിയെന്നും പ്രതിഷേധം നടത്തിയെന്നും ഈ റിപ്പോർട്ടിൽ പറയുന്നു. ഈ വാർത്ത ഇവിടെ വായിക്കാം. പിന്നീട് ഞങ്ങൾ അന്വേഷിച്ചത് ആനിമൽ പ്രൊട്ടക്ഷൻ ഫൌണ്ടേഷൻ എന്ന സംഘടനയെ കുറിച്ചാണ്. സംഘടനയുടെ ഫേസ്ബുക്ക് പേജിൽ നിന്നും പഞ്ചാബിലെ ജലന്ധർ കേന്ദ്രീകരിച്ച് പ്രവർത്തിക്കുന്ന മൃഗസംരക്ഷണ സംഘടനയാണ് ഇതെന്ന് വ്യക്തമായി. ഈ പേജിൽ 2024 നവംബർ 13ന് വൈറൽ വീഡിയോ പങ്കുവച്ചിട്ടുണ്ട്. സംഭവവുമായി ബന്ധപ്പെട്ട് സംഘടനയിലെ അംഗങ്ങൾ ഡിഎസ്പിയെ കണ്ടതായി മറ്റൊരു ഫേസ്ബുക്ക് പോസ്റ്റിൽ വ്യക്തമാക്കിയിട്ടുണ്ട്. സംഭവത്തെ കുറിച്ച് ഡിഎസ്പി സംസാരിക്കുന്ന വീഡിയോയും ഈ പേജിൽ കാണാം. പൊലീസിന് നൽകിയ പരാതി, രജിസ്റ്റർ ചെയ്ത എഫ്ഐആറിന്റെ കോപ്പി എന്നിവയും പേജിൽ പോസ്റ്റ് ചെയ്തിട്ടുണ്ട്. തുടർന്ന് ഞങ്ങൾ ആനിമൽ പ്രൊട്ടക്ഷൻ ഫൌണ്ടേഷൻ എന്ന സംഘടനയുടെ സ്ഥാപകനായ യുവി സിങ് എന്നറിയപ്പെടുന്ന സൃഷ്ട് ഭക്ഷിയെ ഫോണിൽ ബന്ധപ്പെട്ടു. "പഞ്ചാബിലെ ജലന്ധറിലുള്ള ജംഷേർ ഡയറി കോംപ്ലക്സ് എന്ന ഫാമിൽ നടന്ന സംഭവത്തിന്റെ വീഡിയോയാണ് ഇത്. നാല് പേർ ചേർന്നാണ് കാളയെ മർദ്ദിച്ച് കൊന്നത്. അന്വേഷണത്തിന്റെ ഭാഗമായി ഞാൻ ആ സ്ഥലം സന്ദർശിച്ചിരുന്നു. ഞങ്ങളുടെ പരാതിയുടെ അടിസ്ഥാനത്തിൽ പൊലീസ് എഫ്ഐആർ രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്" യുവി സിങ് ഇന്ത്യാ ടുഡേയോട് പറഞ്ഞു. തുടർന്ന് പഞ്ചാബി ഭാഷയിലുള്ള കീവേഡുകൾ ഉപയോഗിച്ച് നടത്തിയ സെർച്ചിലൂടെ കബ്രിസ്ഥാൻ പഞ്ചാബി എന്ന വെബ്സൈറ്റിൽ 2024 നവംബർ 27ന് പ്രസിദ്ധീകരിച്ച റിപ്പോർട്ട് ലഭ്യമായി. വൈറൽ വീഡിയോയുടെ സ്ക്രീൻഷോട്ട് ഉൾപ്പെടെയുള്ള ഈ റിപ്പോർട്ടിൽ ഇരുമ്പ് ദണ്ഡ് ഉപയോഗിച്ച് കൊന്നത് കാളയെയാണെന്നും ജംഷേർ ഡയറി എന്ന ഫാമിലാണ് ഈ സംഭവം നടന്നതെന്നും വ്യക്തമാക്കുന്നുണ്ട്. വീഡിയോയിൽ കാണുന്ന യുവാക്കളെ പൊലീസ് കസ്റ്റഡിയിൽ എടുത്ത് വിട്ടയയ്ക്കുകയായിരുന്നുവെന്നും ഡയറി ഉടമയ്ക്കെതിരെ പൊലീസ് നടപടിയെടുത്തില്ലെന്നും ഈ റിപ്പോർട്ടിൽ പറയുന്നുണ്ട്. ഇംഗ്ലീഷിൽ പരിഭാഷപ്പെടുത്തിയ കബ്രിസ്ഥാൻ പഞ്ചാബി റിപ്പോർട്ടിന്റെ സ്ക്രീൻഷോട്ട് ചുവടെ കാണാം. ലഭ്യമായ വിവരങ്ങളിൽ നിന്നും ബംഗ്ലാദേശിലെ ഇസ്കോൺ ഫാമിൽ പശുവിനെ അടിച്ച് കൊല്ലുന്ന വീഡിയോ എന്ന രീതിയിൽ പ്രചരിക്കുന്നത് പഞ്ചാബിലെ ജലന്ധറിൽ നിന്നുള്ള ദൃശ്യമാണെന്ന് വ്യക്തമായി. ബംഗ്ലാദേശിലെ ഇസ്കോൺ ഫാമിൽ കാളയെ തല്ലികൊല്ലുന്ന വീഡിയോ. വീഡിയോ ബംഗ്ലാദേശിൽ നിന്നുള്ളതല്ല. പഞ്ചാബിലെ ജലന്ധറിലുള്ള ജംഷേർ ഡയറി കോംപ്ലക്സിൽ നടന്ന സംഭവത്തിന്റെ ദൃശ്യമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software