About: http://data.cimple.eu/claim-review/1fe2faa1bfe0bf7c621d74b24aa107b33397deede1caf1717edb0190     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • അസമില് പൗരത്വ പട്ടികയില് നിന്ന് പുറത്തായവരെ കഴിഞ്ഞ സെപ്റ്റംബറില് സര്ക്കാര് ട്രാന്സിറ്റ് ക്യാമ്പിലേക്ക് മാറ്റിയിരുന്നു. വര്ഷങ്ങളായി രാജ്യത്ത് താമസിച്ച് വരുന്ന നിരവധിപ്പേര് പട്ടികയില് നിന്ന് പുറത്തായെന്നും ഒരു കുടുംബത്തിലെ തന്നെ ചിലര് പട്ടികയില് ഇടം നേടിയപ്പോള് ചിലര് പുറത്തായെന്നുമുള്ള റിപ്പോര്ട്ടുകളുമുണ്ട്. പൗരത്വ പട്ടികയില് നിന്ന് പുറത്തായവരെ ക്യാമ്പിലേക്ക് മാറ്റുന്ന ദൃശ്യങ്ങളും ശ്രദ്ധനേടിയിരുന്നു. അതിനിടെ 105 വയസുള്ള ഒരാള് ഇത്തരത്തില് പൗരത്വ രജിസ്റ്ററില് നിന്ന് പുറത്തായെന്ന രീതിയില് ഒരു വൃദ്ധന്റെയും കുടുംബത്തിന്റെയും ചിത്രം സോഷ്യല് മീഡിയയില് പ്രചരിക്കുന്നുണ്ട്. "പൗരത്വ പട്ടികയില് നിന്ന് പുറത്തായി തടവില് കഴിയുന്ന 105 വയസ്സുള്ള ആസാംകാരന് ചോദിക്കുന്നു: ഈ രാജ്യം ഉണ്ടാകുന്നതിനും 33 വര്ഷം മുന്പ് ഞാന് ഇവിടെ ജീവിക്കുന്നുണ്ട്. അന്ന് ഇപ്പറഞ്ഞ അയല് രാജ്യങ്ങളെല്ലാം ഇന്ത്യയിലായിരുന്നു. 72 വര്ഷങ്ങള്ക്ക് ശേഷം ഇപ്പോള് ഞാനെങ്ങിനെ നുഴഞ്ഞുകയറ്റക്കാരനായി.....? " എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. 120-ാം വയസില് വിവാഹിതനായി വേള്ഡ് റെക്കോഡില് ഇടം നേടിയ ഹാസി അബ്ദുള് നൂര് എന്നയാളാണ് ചിത്രത്തിലുള്ളത്, അദ്ദേഹം പൗരത്വ പട്ടികയില് നിന്ന് പുറത്തായതായി റിപ്പോര്ട്ടുകളില്ല. അന്വേഷണം വൈറല് ചിത്രം റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് 2011ല് നിന്നുള്ള നിരവധി മാധ്യമ വാര്ത്തകള് ലഭ്യമായി. 2011 ഒക്ടോബര് 29ന് ഇന്ത്യാ ടിവി പ്രസിദ്ധീകരിച്ച റിപ്പോര്ട്ട് പ്രകാരം ചിത്രത്തിലുള്ളത് 120-ാം വയസില് അറുപതുകാരിയെ വിവാഹം ചെയ്ത അസം സ്വദേശിയായ ഹാസി അബ്ദുള് നൂര് ആണ്. അസമിലെ കരിംഗഞ്ച് ജില്ലയിലുള്ള അബ്ദുള് നൂര് വലിയ ഒരു കുടുംബത്തിന്റെ നാഥനാണ്. സമോയ് ബീവി എന്ന വിധവയായ അറുപതുകാരിയെയാണ് നൂര് വിവാഹം ചെയ്തത്. ആദ്യ ഭാര്യ സലിമ ഖാത്തൂന് 2005ല് മരണപ്പെട്ടതോടെ ഒറ്റപ്പെട്ട് കഴിയുകയായിരുന്ന അബ്ദുള് നൂറിനെ മക്കളാണ് വിവാഹം കഴിപ്പിച്ചത്. മൂന്ന് പെണ്മക്കളും രണ്ട് ആണ്മക്കളുമാണ് സലിമ-അബ്ദുള് നൂര് ദമ്പതികള്ക്കുണ്ടായിരുന്നത്. തിരിച്ചറിയല് രേഖകളില് 116 വയസാണെങ്കിലും തനിക്ക് യഥാര്ഥത്തില് 120 വയസുണ്ടെന്ന് അബ്ദുള് നൂര് പറഞ്ഞിരുന്നു. ഇന്ത്യ സ്വാതന്ത്ര്യം നേടുന്നതിന് മുന്പ് തന്നെ കോണ്ട്രാക്ടറായി ജോലി ചെയ്തു വന്നിരുന്നയാളാണ് നൂര്. അധ്യാപകനായിരുന്ന മൂത്ത മകന് ഹാസി അസിറുദ്ധീനാണ് മാധ്യമങ്ങളോട് പിതാവിന്റെ വിവാഹ വിശേഷങ്ങള് പങ്കുവച്ചതെന്നും വാര്ത്തയിലുണ്ട്. ഹാസി അബ്ദുള് നൂറിന്റെ വിവാഹ വാര്ത്തയുള്പ്പെടുന്ന മറ്റ് റിപ്പോര്ട്ടുകളും ഞങ്ങള്ക്ക് ലഭ്യമായി. ചില വാര്ത്തകളില് അബ്ദുള് നൂറിന്റെ വിവാഹം ലോക റെക്കോഡില് ഇടം പിടിച്ചതായും പറയുന്നുണ്ട്. ഏറ്റവും പ്രായം കൂടിയ വരന് എന്ന നിലയിലാണ് നൂര് റെക്കോഡില് ഇടംനേടിയത്. ഇതേപ്പറ്റി അന്വേഷിച്ചപ്പോള് വേള്ഡ് റെക്കോഡ് അക്കാദമിയുടെ രേഖകളില് ഹാസി അബ്ദുള് നൂറിന്റെ ചിത്രം ഞങ്ങള് കണ്ടെത്തി. വൈറല് ചിത്രത്തിലുള്ള അതേ വസ്ത്രം ധരിച്ചുകൊണ്ട് കുടുംബത്തിലെ എല്ലാവരോടുമൊപ്പം നില്ക്കുന്ന അബ്ദുള് നൂറിന്റെയും ഭാര്യയുടെയും ചിത്രവും ഈ റിപ്പോര്ട്ടിലുണ്ട്. വേള്ഡ് റെക്കോഡ് അക്കാദമി വെബ്സൈറ്റിന്റെ സ്ക്രീന്ഷോട്ട് ചുവടെ കാണാം. അടുത്തതായി ഞങ്ങള് അന്വേഷിച്ചത് ഹാസി അബ്ദുള് നൂറിനെ പൗരത്വ രജിസ്റ്ററില് നിന്ന് പുറത്താക്കിയോ എന്ന വിവരമാണ്. വേള്ഡ് റെക്കോഡ് ജേതാവായ അബ്ദുള് നൂറിനെ പൗരത്വ രജിസ്റ്ററില് നിന്ന് പുറത്താക്കിയെങ്കില് ഉറപ്പായും അത് വാര്ത്തയാകേണ്ടതാണ്. എന്നാല് ഇതു സംബന്ധിച്ച റിപ്പോര്ട്ടുകളൊന്നും കണ്ടെത്താനായില്ല. അതേസയമം, 104 വയസുള്ള ചന്ദ്രധര് ദാസ് എന്ന മറ്റൊരാള് പൗരത്വ രജിസ്റ്ററില് നിന്ന് പുറത്തായതോടെ നിയമയുദ്ധം നടത്തിവന്നതായി റിപ്പോര്ട്ടുകളുണ്ട്. അസമിലെ കച്ചാര് ജില്ലയിലെ ധോലായ് പൊലീസ് സ്റ്റേഷന് പരിധിയിലെ താമസക്കാരനായിരകുന്ന ചന്ദ്രധര് ദാസ് എന്നയാളാണ് ഇന്ത്യാക്കാരനാണെന്ന് തെളിയിക്കാന് കോടതി കയറിയിറങ്ങിയത്. എന്നാല് അനുകൂല വിധി ലഭിക്കാതെ 2020 ഡിസംബറില് ചന്ദ്രധര് ദാസ് മരിച്ചു. 2018ലാണ് സില്ച്ചാറിലുള്ള ഫോറിനേഴ്സ് ട്രിബ്യൂണല് ചന്ദ്രധര് ദാസിനെ വിദേശിയായി പ്രഖ്യാപിച്ച് ഡിറ്റന്ഷന് സെന്ററിലേക്ക് അയച്ചത്. അവസാന നാളുകളില് കുടുംബത്തോടൊപ്പം താമസിക്കാന് കോടതി അദ്ദേഹത്തിന് ജാമ്യം നല്കിയിരുന്നു. ചന്ദ്രധര് ദാസിന് സമാനമായി നിരവധിപ്പേര് പൗരത്വ രജിസ്റ്ററില് നിന്ന പുറത്തായതിന്റെ പേരില് നിയമനടപടികളുമായി മുന്നോട്ടുപോയിരുന്നതായും റിപ്പോര്ട്ടുകളുണ്ട്. അസമിലെ പൗരത്വ രജിസ്ട്രേഷന് സുപ്രീംകോടതി ഇടപെടലിനെ തുടര്ന്ന് 2014ലാണ് നാഷണല് രജിസ്റ്റര് ഓഫ് സിറ്റിസണ്സ്(NRC) അസമില് കര്ശനമാക്കിയത്. ബംഗ്ലാദേശില് നിന്നുള്ള കുടിയേറ്റം രൂക്ഷമായതോടെ വര്ഷങ്ങളായി സംസ്ഥാനത്ത് പ്രശ്നങ്ങള് നിലനിന്നിരുന്നു. അനധികൃത കുടിയേറ്റക്കാരെ ഒഴിപ്പിക്കണം എന്നാവശ്യപ്പെട്ട് 1978ല് നടന്ന ഓള് അസം സ്റ്റുഡന്റ്സ് യൂണിയന്(AASU) സമരം ചരിത്രപരമായ അസം പ്രക്ഷോഭത്തിലേക്ക് നയിച്ചിരുന്നു. നിരവധി ചര്ച്ചകള്ക്കും ഇടപെടലുകള്ക്കും ശേഷമാണ് 2014ല് അസമില് സുപ്രീംകോടതിയുടെ നിരീക്ഷണത്തോടെ എന്ആര്സി കര്ശനമാക്കിയത്. തുടര്ന്ന് 2019ല് രാജ്യമൊട്ടാകെ ഇത് വ്യാപിപ്പിക്കുകയും ചെയ്തിരുന്നു. ലഭ്യമായ വിവരങ്ങളില് നിന്ന് പ്രചരിക്കുന്ന ചിത്രത്തിലുള്ളത് അസമില് പൗരത്വ രജിസ്റ്ററില് നിന്ന് പുറത്താക്കിയ 105 കാരനല്ലെന്നും 2011ല് തന്റെ 120-ാം വയസില് വിവാഹിതനായതിനെ തുടര്ന്ന് വേള്ഡ് റെക്കോഡില് ഇടംപിടിച്ച ഹാസി അബ്ദുള് നൂര് ആണെന്നും വ്യക്തമായി. അസമില് പൗരത്വ രജിസ്റ്ററില് നിന്ന് പുറത്താക്കിയ 105 കാരനും കുടുംബവും. 2011ല് തന്റെ 120-ാം വയസില് വിവാഹിതനായതിനെ തുടര്ന്ന് വേള്ഡ് റെക്കോഡില് ഇടംപിടിച്ച ഹാസി അബ്ദുള് നൂര് എന്നയാളും കുടുംബവുമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 8 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software