| schema:text
| - Fact Check: इस्रायलवरील क्षेपणास्त्र हल्ल्याचा जुना व्हिडिओ मुंबईवरील हल्ल्याच्या रूपात केला गेला व्हायरल
विश्वास न्यूजने व्हायरल पोस्टची चौकशी केली. आमच्या तपासणीत, आम्हाला हा दावा खोटा असल्याचे आढळले. व्हायरल व्हिडिओचा मुंबईशी काहीही संबंध नाही. हा व्हिडिओ, इराणने इस्रायलवर क्षेपणास्त्राने हल्ला केला तेव्हाचा आहे.
By: Ashish Maharishi
-
Published: May 14, 2025 at 06:35 PM
-
नवी दिल्ली (Vishvas News). पहलगाममधील दहशतवादी हल्ल्यानंतर भारत आणि पाकिस्तानमध्ये अजूनही तणाव कायम आहे. सध्या दोन्ही देशांमध्ये युद्धबंदी चालू आहे. दरम्यान, पाकिस्तानने मुंबईवर हल्ला केल्याचा दावा करणारा एक व्हिडिओ सोशल मीडियावर शेअर केला जात आहे. या व्हिडिओमध्ये एका शहरावर क्षेपणास्त्र हल्ला होताना दिसून येत आहे.
विश्वास न्यूजने व्हायरल पोस्टची चौकशी केली. आमच्या तपासणीत, आम्हाला हा दावा खोटा असल्याचे आढळले. व्हायरल व्हिडिओचा मुंबईशी काहीही संबंध नाही. हा व्हिडिओ, इराणने इस्रायलवर क्षेपणास्त्राने हल्ला केला तेव्हाचा आहे.
काय होत आहे व्हायरल?
skbindas353 नावाच्या एका थ्रेड वापरकर्त्याने 10 मे रोजी एक व्हिडिओ पोस्ट केला आणि दावा केला की, मुंबईवर नुकताच हल्ला झाला आहे.
व्हिडिओवर 10 मे लिहिले होते.
व्हायरल पोस्टमधील मजकूर येथे जसाच्या तसा लिहिला आहे. अनेक वापरकर्ते तो खरा आहे असे गृहीत धरून त्याला शेअर करत आहेत. पोस्टची संग्रहित आवृत्ती येथे पहा.
तपास
व्हायरल व्हिडिओची सत्यता जाणून घेण्यासाठी, विश्वास न्यूजने प्रथम गुगल लेन्स टूलचा वापर केला आणि मुंबईच्या नावाने व्हायरल व्हिडिओच्या अनेक प्रमुख फ्रेम्स काढल्या. नंतर गुगल लेन्स टूलद्वारे त्यांचा शोध घेतला.
आम्हाला ऑल इंडिया रेडिओ न्यूजच्या फेसबुक पेजवर मूळ व्हिडिओ सापडला. 2 ऑक्टोबर 2024 रोजी ही पोस्ट करताना, इराणने इस्रायलवर एकामागून एक अनेक क्षेपणास्त्र हल्ले करण्यात आल्याचे सांगण्यात आले होते.
आम्हाला न्यू यॉर्क पोस्टच्या यूट्यूब चॅनलवरही हाच व्हिडिओ सापडला. 2 ऑक्टोबर 2024 रोजी पोस्ट करताना लिहिण्यात आले होते की, इराणी बॅलिस्टिक क्षेपणास्त्रांच्या हल्ल्यामुळे इस्रायलची सुरक्षा नष्ट झाली. तेल अवीव आणि इतर गजबजलेल्या केंद्रांवर डझनभर हल्ले झाल्याचे पाहिले गेले.
आतापर्यंतच्या तपासात असे स्पष्ट झाले आहे की, परदेशातील एक जुना व्हिडिओ, मुंबईतील हल्ल्याचा खोटा दावा करून व्हायरल करण्यात आला आहे.
विश्वास न्यूजने तपास पुढे नेला आणि मुंबईतील पत्रकार सर्वेश पाठक यांच्याशी संपर्क साधला. त्याच्यासोबत व्हायरल पोस्ट शेअर केली. माहिती देताना त्यांनी सांगितले की, व्हायरल व्हिडिओ बनावट आहे. मुंबईत अशी कोणतीही घटना घडलेली नाही.
तपासाच्या शेवटी, आम्ही बनावट पोस्टला पोस्ट करणाऱ्या वापरकर्त्याची पडताळणी केली. याबद्दल कोणतीही विशिष्ट माहिती मिळू शकली नाही.
निष्कर्ष: विश्वास न्यूजच्या तपासात व्हायरल पोस्ट खोटी असल्याचे आढळले. इराणने इस्रायलवर हल्ला करणाऱ्या क्षेपणास्त्राचा व्हिडिओ, मुंबईवरील हल्ला असल्याचा दावा करत व्हायरल केला जात आहे.
Claim Review : मुंबईतील हल्ला
-
Claimed By : Threads user skbindas353
-
Fact Check : False
-
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)