| schema:text
| - Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
Claim: இந்துக்கள் அசைவ உணவு உண்பதையே மத்திய அரசு தடை செய்யவேண்டும் – ஹெச். ராஜா கோரிக்கை
Fact: வைரலாகும் நியூஸ்கார்ட் போலியாக எடிட் செய்யப்பட்டு பரவுகிறது.
இந்துக்கள் அசைவம் உண்பதை மத்திய அரசு தடை செய்யவேண்டும் என்று பாஜகவின் ஹெச்.ராஜா கூறியதாக நியூஸ்கார்ட் ஒன்று சமூக வலைத்தளங்களில் பரவி வருகிறது.
”இந்துக்கள் அசைவம் உண்ணக்கூடாது. இந்துக்கள் அசைவ உணவு உண்பதால்தான் திருப்பரங்குறத்தில் ஆடு பலியிடுவதை எந்த தாக்கமும் இல்லாமல் கடந்துபோகிறோம். இனி இந்துக்கள் அசைவ உணவு உண்பதையே மத்திய அரசு தடை செய்யவேண்டும் ஹெச். ராஜா கோரிக்கை” என்று இந்த நியூஸ்கார்ட் பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: கலைஞரை கூட விமர்சியுங்கள்; பெரியாரை விமர்சிக்க வேண்டாம் என்றாரா முதலமைச்சர் மு.க.ஸ்டாலின்?
Fact Check/Verification
இந்துக்கள் அசைவம் உண்பதை மத்திய அரசு தடை செய்யவேண்டும் என்று ஹெச்.ராஜா கூறியதாகப் பரவும் நியூஸ்கார்ட் குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் நியூஸ்கார்ட் புதியதலைமுறை பெயரில் பரவிய நிலையில் அவர்களுடைய அதிகாரப்பூர்வ சமூக வலைத்தளப்பக்கத்தை ஆராய்ந்தோம். அப்போது, கடந்த 2024ஆம் ஆண்டு, “ஹெச்.ராஜா குற்றவாளி என கோர்ட் தீர்ப்பு” என்கிற நியூஸ்கார்ட் வெளியாகியிருந்தது. அந்த நியூஸ்கார்டும், வைரல் நியூஸ்கார்டும் ஒரே போல இருந்த நிலையில் அதனை எடுத்தே தற்போது எடிட் செய்துள்ளனர் என்பது தெளிவாகியது.
தொடர்ந்து, இதை உறுதி செய்ய புதியதலைமுறை டிஜிட்டல் பிரிவு பொறுப்பாளர் இவானியைத் தொடர்பு கொண்டு கேட்டபோது, “வைரலாகும் நியூஸ்கார்ட் போலியானது” என்று விளக்கமளித்தார்.
மேலும், பாஜகவைச் சேர்ந்த எஸ்.ஜி.சூர்யா மற்றும் பாஜக தகவல் தொடர்பு பிரிவு தலைவர் பாலாஜி ஆகியோரை தொடர்பு கொண்டு கேட்டபோது, “வைரலாகும் செய்தி போலியாக பரவி வருகிறது” என்று விளக்கமளித்தனர்.
Also Read: பட்ஜெட் தொடங்கும் முன்பே எதிர்க்கட்சி எம்.பி.க்கள் கேண்டீன் சென்றதாக பரவும் தகவல் உண்மையானதா?
Conclusion
இந்துக்கள் அசைவம் உண்பதை மத்திய அரசு தடை செய்யவேண்டும் என்று ஹெச்.ராஜா கூறியதாகப் பரவும் நியூஸ்கார்ட் போலியானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: Altered Image
Our Sources
Facebook post by Puthiyathalaimurai, Dated December 02, 2024
Phone Conversation with, Balaji BJP, S.G.Surya BJP, Ivani Puthiyathalaimurai Digital, Dated February 05, 2025
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)