About: http://data.cimple.eu/claim-review/3849e7b61ee270fc01d40c66c48952df927775a0c4eec76232f341d1     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കഠിന പ്രയത്നത്തിലൂടെ ജീവിത വിജയം കൈവരിച്ച ഒരു സ്ത്രീയുടെ കഥ ഇപ്പോള് സമൂഹമാധ്യമങ്ങളില് പ്രചരിക്കുന്നുണ്ട്. മുന്പ് അമ്മിക്കല്ലും ആട്ടുകല്ലും തലയില് ചുമന്ന് വില്പന നടത്തിയിരുന്ന യുവതി പൊലീസ് ഓഫിസറായി മാറിയെന്ന രീതിയിലാണ് പ്രചാരണം. ഒരു പിഞ്ചു കുഞ്ഞിനെയും എടുത്ത് അമ്മിക്കല്ല് വില്പന നടത്തുന്ന ഒരു സ്ത്രീയുടെ ചിത്രവും യൂണിഫോമിലുള്ള ഒരു പൊലീസുകാരിയുടെ ചിത്രവും താരതമ്യം ചെയ്യുന്നതാണ് പോസ്റ്റ്. "അമ്മിക്കല്ലും ആട്ടുകല്ലുകളും ഉണ്ടാക്കി വില്ക്കുന്നതിനോടപ്പം പോലീസ് ടെസ്റ്റ് എഴുതി പാസായി ഈ മിടുക്കിക്ക് ഒരു big salute" എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം ചുവടെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ചിത്രത്തിലെ യുവതികള് തമ്മില് യാതൊരു ബന്ധവുമില്ല. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് ചിത്രം ഞങ്ങള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് 2017ല് പങ്കുവച്ച സമാനമായ ഒരു ഫേസ്ബുക്ക് പോസ്റ്റ് ലഭ്യമായി. ഈ പോസ്റ്റില് പൊലീസുകാരിയോടൊപ്പം മറ്റൊരു കുട്ടിയെയും കാണാം. മഹാരാഷ്ട്ര പൊലീസിലെ ഉദ്യോഗസ്ഥയായ പദ്മശിലാ തിര്പുടെയാണ് ഇതെന്ന് പോസ്റ്റില് പറയുന്നു. 'വൈറല് മഹാരാഷ്ട്ര' എന്ന ഫേസ്ബുക്ക് പേജില് 2017 ജനുവരിയില് ഈ പൊലീസുകാരുടെ കുടുംബചിത്രം പങ്കുവച്ചുകൊണ്ട് നല്കിയ വിവരണവും ഞങ്ങള് കണ്ടെത്തി. ഈ പോസ്റ്റില് പറയുന്നത് മഹാരാഷ്ട്ര പൊലീസിലെ 108-ാം ബാച്ചില് പാസ് ഔട്ടായ പദ്മശിലാ തിര്പുടെ ഒരു സാധാരണ തൊഴിലാളിയുടെ ഭാര്യയാണെന്നും കഠിനാധ്വാനം കൊണ്ടാണ് പൊലീസ് ജോലി നേടിയെടുത്തതെന്നുമാണ്. പോസ്റ്റിന്റെ പൂര്ണ്ണരൂപം ചുവടെ കാണാം. ഫേസ്ബുക്ക് പോസ്റ്റുകളില് നിന്നുള്ള സൂചന ഉപയോഗിച്ച് കീവേര്ഡ് സെര്ച്ച് നടത്തിയപ്പോള് ഇതു സംബന്ധിച്ച നിരവധി റിപ്പോര്ട്ടുകള് ലഭ്യമായി. 2020 ഒക്ടോബര് 23ന് 'മഹാരാഷ്ട്ര ടൈംസ്' പ്രസിദ്ധീകരിച്ച വാര്ത്ത പ്രകാരം വൈറല് പോസ്റ്റിലുള്ള പൊലീസുകാരി മഹാരാഷ്ട്ര പൊലീസിലെ ഉദ്യോഗസ്ഥ പദ്മശിലാ തിര്പുടെ തന്നെയാണ്. എന്നാല് അമ്മിക്കല്ല് വില്പന നടത്തുന്ന സ്ത്രീയുമായി പൊലീസുകാരിയ്ക്ക് യാതൊരു ബന്ധവുമില്ല. ഇക്കാര്യം പദ്മശിലാ തിര്പുടെ തന്നെ മഹാരാഷ്ട്രാ ടൈംസിനോട് സ്ഥിരീകരിച്ചതായി റിപ്പോര്ട്ടില് വ്യക്തമാക്കുന്നുണ്ട്. തങ്ങളുടേത് പ്രണയ വിവാഹമായിരുന്നുവെന്നും ജോലി നേടുന്നതിന് നിരവധി പ്രതിസന്ധികള് നേരിട്ടിരുന്നുവെന്നു പദ്മശില പറഞ്ഞു. 2013ലാണ് സബ് ഇന്സ്പെക്ടര് ട്രെയിനിംഗ് പൂര്ത്തിയാക്കി പുറത്തിറങ്ങിയത്. ഈ സമയത്ത് ഭര്ത്താവും ഭര്തൃമാതാവും മക്കളുമൊത്ത് പകര്ത്തിയ ചിത്രമാണ് ക്രോപ്പ് ചെയ്ത് തെറ്റായി പങ്കിടുന്നതെന്നും സാരി ധരിച്ച സ്ത്രീയുമായി യാതൊരു ബന്ധവുമില്ലെന്നും പദ്മശിലാ തിര്പുടെ 2020ല് മാധ്യമങ്ങളോട് വ്യക്തമാക്കി. മഹാരാഷ്ട്ര ടൈംസ് നല്കിയ വാര്ത്തയുടെ സ്ക്രീന്ഷോട്ട് ചുവടെ കാണാം. സമാനമായ വാര്ത്ത മറ്റ് മാധ്യമങ്ങളും നല്കിയിട്ടുണ്ട്. വൈറല് പോസ്റ്റിലെ തൊഴിലാളി സ്ത്രീയുടെ ചിത്രമാണ് പിന്നീട് ഞങ്ങള് പരിശോധിച്ചത്. റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് 'സിന്ദഗി ഇമേജസ്' എന്ന ഫേസ്ബുക്ക് പേജില് 2017 ജൂലൈ മാസത്തില് ഈ ചിത്രം പങ്കുവച്ചിട്ടുള്ളതായി കണാനായി. സുരേഷ് ഗുണ്ടേട്ടി (Suresh Gundeti) എന്ന തെലുങ്കാന ഫോട്ടോഗ്രാഫറാണ് ഈ ചിത്രം പങ്കുവച്ചിട്ടുള്ളത്. പോസ്റ്റുകളിലെ പ്രതികരണങ്ങളില് നിന്ന് സുരേഷ് പകര്ത്തിയ ചിത്രമാണിതെന്ന് വ്യക്തമായി. തുടര്ന്ന് ഞങ്ങള് സുരേഷ് ഗുണ്ടേട്ടിയുടെ സമൂഹമാധ്യമ അക്കൗണ്ടുകള് പരിശോധിച്ചപ്പോള് വൈറല് ചിത്രത്തിന്റെ ഒരു പെന്സില് സ്കെച്ച് അദ്ദേഹം പങ്കിട്ടിട്ടുള്ളതായി കണ്ടെത്തി. "എന്റെ ഫോട്ടോ ... എന്റെ ഹാന്ഡ് പെന്സില് ആര്ട്ട്...." എന്ന തലക്കെട്ടിലാണ് സുരേഷ് ഈ ചിത്രം പങ്കുവച്ചിട്ടുള്ളത്. ഈ ചിത്രമെടുത്ത പശ്ചാത്തലത്തെപ്പറ്റി വിശദമായി അറിയുന്നതിന് ഞങ്ങള് സുരേഷ് ഗുണ്ടേട്ടിയുമായി ഫോണില് സംസാരിച്ചു. " ഇത് ബൊമ്മനയിലുള്ള എന്റെ വീടിനു മുന്നില് നിന്ന് 2017ല് ഞാനെടുത്ത ചിത്രമാണ്. എന്റെ വീട്ടില് അമ്മിക്കല്ല് വില്പന നടത്താന് ഈ സ്ത്രീ വന്നപ്പോഴാണ് ഫോട്ടോയെടുത്തത്. തെലങ്കാനയിലെ തന്നെ കൊരട്ടല സ്വദേശിയാണെന്ന് സ്ത്രീ പറഞ്ഞിരുന്നു. മാതൃദിനത്തോട് അനുബന്ധിച്ചാണ് ഞാന് ഈ ചിത്രം ഫേസ്ബുക്ക് ഗ്രൂപ്പുകളില് പങ്കുവച്ചത്. ഇതോടൊപ്പം മറ്റ് മൂന്ന് പശ്ചാത്തലത്തിലുള്ള ചിത്രങ്ങളും ഞാന് പകര്ത്തിയിരുന്നു. ഞങ്ങളുടെ നാട്ടില് കുറച്ചുനാള് ക്യാമ്പ് ചെയ്താണ് ഈ സ്ത്രീയും മറ്റുള്ളവും കല്ല് വില്പന നടത്തിയത്. ഞാന് ഈ ചിത്രമെടുത്ത് 10 ദിവസങ്ങള്ക്ക് ശേഷം അവരുടെ കൈയ്യിലിരിക്കുന്ന കുഞ്ഞ് മരിച്ചുവെന്നാണ് അറിയാന് കഴിഞ്ഞത്. ഇത് ഏറെ നാള് എന്ന വേദനിപ്പിച്ചു. പിന്നീട് ഞാന് ഈ ചിത്രം എവിടെയും പോസ്റ്റ് ചെയ്തിട്ടില്ല. എന്നാല് ഞങ്ങളുടെ ജില്ലാ കളക്ടര് ഉള്പ്പെടെ പലരും ഇത് എനിക്ക് ക്രെഡിറ്റ് നല്കി പങ്കുവച്ചിരുന്നു. ഇതൊരു പൊലീസുകാരിയാണെന്ന രീതിയില് പ്രചരിച്ചതും അറിഞ്ഞിരുന്നു. അത് വ്യാജ വിവരമാണ്, " സുരേഷ് ഗുണ്ടേട്ടി ഇന്ത്യാ ടുഡേയോട് പറഞ്ഞു. ലഭ്യമായ വിവരങ്ങളില് നിന്ന് വൈറല് ചിത്രത്തിലെ അമ്മിക്കല്ല് വില്പനക്കാരിയല്ല പൊലീസ് ഓഫിസറായി മാറിയ വനിതയെന്ന് വ്യക്തമായി. അമ്മിക്കല്ല് വില്പ്പനക്കാരിയായ യുവതി പൊലീസ് ഓഫിസറായി മാറി. മഹാരാഷ്ട്ര പൊലീസിലെ സബ് ഇന്സ്പെക്ടര് പദ്മശിലാ തിര്പുടെയാണ് വൈറല് ചിത്രത്തിലെ പൊലീസുകാരി. ചിത്രത്തിലുള്ള അമ്മിക്കല്ല് വില്പനക്കാരിയുമായി ബന്ധമില്ലെന്ന് പദ്മശില സ്ഥിരീകരിച്ചിരുന്നു. കല്ല് വില്പനക്കാരിയുടെ ചിത്രം 2017ല് തെലങ്കാന ഫോട്ടോഗ്രാഫര് സുരേഷ് ഗുണ്ടേട്ടി പകര്ത്തിയതാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 8 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software