| schema:text
| - മന്ത്രി കെ.ടി ജലീലിന്റെ വർഷങ്ങൾ പഴക്കമുള്ള ഒരു വീഡിയോ ഇപ്പോൾ സാമൂഹ്യമാധ്യമങ്ങളിൽ വൈറലാണ്. മുസ്ലീങ്ങൾക്ക് കമ്മ്യൂണിസ്റ്റ് ആവാൻ സാധിക്കില്ല എന്ന് ജലീൽ പറഞ്ഞു എന്ന വാദത്തോടെയാണ് വീഡിയോ പ്രചരിക്കുന്നത്. വിഡിയോയിൽ ഒരു പൊതുവേദിയിൽ പ്രസംഗിക്കുന്ന ചെറുപ്പക്കാരനായ ജലീലിനെ കാണാം.
വീഡിയോയ്ക്കൊപ്പമുള്ള അടിക്കുറിപ്പ് ഇങ്ങനെ, "ഒരു മുസ്ലിമിന് കമ്മ്യൂണിസ്റ്റ് ആവാൻ സാധ്യമല്ല എന്ന് KT ജലീൽ മുമ്പ് പ്രസംഗിച്ചത് ആരോ കുത്തിപ്പൊക്കി കൊടുന്നിട്ടുണ്ട്... ഈ പ്രസംഗം കിട്ടാൻ 15 വർഷം കാത്തിരിക്കേണ്ടി വന്നു കുറേ അന്വേഷിച്ചതാണ് "
എന്നാൽ, വീഡിയോക്കൊപ്പമുള്ള വാദം തെറ്റാണെന്ന് ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) കണ്ടെത്തി. മുസ്ലീങ്ങൾക്ക് കമ്മ്യൂണലിസ്റ് (Communalist), അഥവാ വർഗീയവാദികൾ ആവാൻ സാധ്യമല്ല കാരണം ഇസ്ലാം വർഗീയവാദത്തിന് എതിരാണ് എന്നാണ് ജലീൽ ഈ വീഡിയോയിൽ പറയുന്നത്. അല്ലാതെ മുസ്ലീങ്ങൾക്ക് കമ്മ്യൂണിസ്റ്റ് ആവാൻ സാധിക്കില്ല എന്നല്ല.
സമാനമായ പോസ്റ്റുകളുടെ ആർക്കൈവ് ചെയ്ത ലിങ്കുകൾ : Archive 1, Archive 2, Archive 3.
AFWA അന്വേഷണം
ജലീൽ മുസ്ലീങ്ങൾക്ക് കമ്മ്യൂണിസ്റ്റാകാൻ സാധിക്കില്ല എന്ന് പറഞ്ഞതായി തെളിയിക്കുന്ന യാതൊരു മാധ്യമവാർത്തയും ഞങ്ങൾക്ക് കണ്ടെത്താൻ സാധിച്ചില്ല. പ്രചാരത്തിലുള്ള വീഡിയോ സൂക്ഷ്മമായി പരിശോധിച്ചപ്പോൾ ജലീൽ പ്രസംഗത്തിൽ ഉപയോഗിച്ച പദം വർഗീയവാദി എന്ന് ഇംഗ്ലീഷിൽ അർത്ഥം വരുന്ന 'കമ്മ്യൂണലിസ്റ്റ്' എന്നാണെന്നും മറിച്ച് കമ്മ്യൂണിസ്റ്റ് അല്ലെന്നും വ്യക്തമായി.
പ്രചാരത്തിലുള്ള വീഡിയോയിലെ ജലീലിന്റെ വാക്കുകൾ ഇങ്ങനെ, "നിങ്ങളൊരിക്കലും തന്നെ ഒരു കമ്മ്യൂണലിസ്റ്, അഥവാ വർഗീയവാദി ആവരുത്. ഒരു സാമൂദായികവാദിയും നിങ്ങൾക്ക് ഒരിക്കലും ആവുക സാധ്യമല്ല. കാരണം നിങ്ങൾ ഇസ്ലാമിന്റെ വക്താക്കളാണ്. ഇസ്ലാം എന്ന് പറയുന്നത് എല്ലാവരെയും അംഗീകരിക്കുന്ന എല്ലാ പ്രവാചകന്മാരെയും അംഗീകരിക്കുന്ന ആദരിക്കുന്ന ഇസ്ലാമിന്റെ വക്താക്കളായ നിങ്ങള്ക്ക് സമുദായികവാദി ആവുക സാധ്യമല്ല."
പ്രചാരത്തിലുള്ള വീഡിയോയുടെ പൂർണരൂപം എ.വി.എം. ഉണ്ണി ആർകൈവ്സ് എന്ന യൂട്യൂബ്ചാനലിൽ ഞങ്ങൾക്ക് കണ്ടെത്താൻ കഴിഞ്ഞു. ചലച്ചിത്ര-സാമൂഹിക പ്രവർത്തകരുടെ പഴയകാല വീഡിയോകൾ പോസ്റ്റ് ചെയ്യുന്ന ചാനലാണിത്. 38 മിനിറ്റ് ദൈർഖ്യമുള്ള വീഡിയോ താഴെ കാണാം.
ചാനലിൽ കൊടുത്ത വിശകലനം അനുസരിച്ച്, 1987ൽ മലപ്പുറത്ത് സംഘടിപ്പിച്ച ഈദ് സുഹൃദ് സമ്മേളനത്തിൽ ജലീൽ സംസാരിക്കുന്നതാണ് ഈ വീഡിയോ. ഇതേ വീഡിയോയെകുറിച്ച് News 18 മലയാളം മാർച്ച് 6, 2021ന് ഒരു വാർത്ത പ്രസ്ദ്ധീകരിച്ചിരുന്നു. ഈ റിപ്പോർട്ട് പ്രകാരം, സമൂഹത്തിന്റെ നാനാതുറകളിൽ നിന്നുമുള്ള പ്രശസ്ത വ്യക്തികൾ അണിനിരന്ന വേദിയിലാണ് ജലീൽ പ്രസംഗം നടത്തിയത്.
"സാഹിത്യത്തിൽ പറയുന്ന ജീവിതത്തിന്റെ വ്യർത്ഥതയും അതിന്റെ പശ്ചാത്തലത്തിൽ മൂല്യങ്ങൾ ഉയർത്തിപ്പിടിക്കുന്ന മതങ്ങളുടെ പ്രസക്തിയെ ക്കുറിച്ചുമാണ് അരമണിക്കൂറിൽ കൂടുതലുള്ള വീഡിയോയിൽ ജലീൽ പ്രതിപാദിക്കുന്നത്, " News 18 റിപ്പോർട്ട് കൂട്ടിച്ചേർത്തു.
അതിനാൽ പ്രചാരത്തിലുള്ള വാദം തെറ്റാണെന്നും ജലീൽ മുസ്ലീങ്ങൾക്ക് കമ്മ്യൂണിസ്റ്റുകാർ ആവാൻ സാധിക്കില്ല എന്ന് പറഞ്ഞിട്ടില്ല എന്നും വ്യക്തമാണ്.
ഒരു മുസ്ലിമിന് കമ്മ്യൂണിസ്റ്റ് ആവാൻ സാധ്യമല്ല എന്ന് KT ജലീൽ 1987ൽ നടത്തിയ ഒരു പ്രസംഗത്തിൽ പറഞ്ഞു.
മുസ്ലീങ്ങൾക്ക് കമ്മ്യൂണലിസ്റ്റ് (Communalist ), അഥവാ വർഗീയവാദികൾ ആവാൻ സാധ്യമല്ല കാരണം ഇസ്ലാം വർഗീയവാദത്തിന് എതിരാണ് എന്നാണ് ജലീൽ ഈ വീഡിയോയിൽ പറയുന്നത്. അല്ലാതെ മുസ്ലീങ്ങൾക്ക് കമ്മ്യൂണിസ്റ്റ് ആവാൻ സാധിക്കില്ല എന്നല്ല.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)