About: http://data.cimple.eu/claim-review/3ccb88e988178462b393900a75e7d9f613b3ab0f3129dfac9d4f5f9e     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മുസ്ലീം ലീഗ് സംസ്ഥാന സെക്രട്ടറി അബ്ദുറഹ്മാന് കല്ലായി കഴിഞ്ഞ ദിവസം പൊതുമരാമത്ത് മന്ത്രി മുഹമ്മദ് റിയാസിന്റെ വിവാഹത്തിനെതിരെ വിവാദ പരാമര്ശം നടത്തിയിരുന്നു. മുസ്ലീം ആചാര പ്രകാരമല്ലാതെ വിവാഹം ചെയ്ത മന്ത്രി വ്യഭിചാരിയാണെന്ന പരാമര്ശത്തിനെതിരെ നിരവധിപ്പേരാണ് രംഗത്തെത്തിയത്. അതിനിടെ മുസ്ലീം ലീഗിന്റെ മുതിര്ന്ന നേതാവും മുന് കേന്ദ്രമന്ത്രിയുമായിരുന്ന അന്തരിച്ച ഇ.അഹമ്മദിന്റെ മകന് ഫായിസ് അഹമ്മദിന്റെ വിവാഹചിത്രമാണെന്ന് അവകാശപ്പെട്ട് സമൂഹമാധ്യമങ്ങളില് പ്രചാരണം സജീവമാണ്. 'ഇത് മുസ്ലീംലീഗിന്റെ മുതിര്ന്ന നേതാവായിരുന്ന ഇ. അഹ്മദ് സാഹിബിന്റെ മകന് ഫായീസ് അഹ്മദ്...കുടെയുള്ളത് ഫായീസിന്റെ ഭാര്യയാണ് പേര് ആയിഷയോ ഫാത്തിമകുട്ടിയോ ഒന്നുമല്ലട്ടോ നല്ല ഒന്നാംതരം ജുതസ്ത്രിയാണ് പേര് റേച്ചല് ബെയിന്...ഇനി കുരു പൊട്ടുന്ന ലീഗേര് നേതാവിന്റെ പുത്രനെതിരെ പെട്ടിക്കുന്നത് നന്നാകും. ' എന്നുള്ള കുറിപ്പിനൊപ്പം പ്രചരിക്കുന്ന ഫേസ്ബുക്ക് പോസ്റ്റിന്റെ പൂര്ണരൂപം താഴെ കാണാം. എന്നാല്, പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റിഫേക്ക് ന്യൂസ് വാര്റൂം(AFWA) കണ്ടെത്തി. ഈ ചിത്രത്തില് കാണുന്നത് ഇ.അഹമ്മദിന്റെ മകനല്ല. AFWA അന്വേഷണം ഇ. അഹമ്മദിന്റെ കുടുംബത്തെക്കുറിച്ചാണ് ഞങ്ങള് ആദ്യം അന്വേഷിച്ചത്. ലോക്സഭാ വെബ്സൈറ്റില് ഇ.അഹമ്മദിന്റെ വിവരങ്ങള് ലഭ്യമാണ്. ഇതില് നിന്നും അദ്ദേഹത്തിനും ഭാര്യ സുഹ്റ അഹമ്മദിനും മൂന്ന് മക്കള് ഉണ്ടെന്ന് മനസിലാക്കാനായി. കീവേര്ഡ് സെര്ച്ച് ഉപയോഗിച്ച് തിരഞ്ഞപ്പോള് പ്രധാനമന്ത്രിയുടെ ഓഫിസ് ആര്ക്കൈവുകളില് ഇ.അഹമ്മദിന്റെ കുടുംബ വിവരം ലഭ്യമായി. കേന്ദ്ര വിദേശ കാര്യമന്ത്രിയായിരുന്നപ്പോള് 31.03.2011ന് ഇ.അഹമ്മദ് നല്കിയ ആസ്തി- ബാധ്യതാ സത്യവാങ്മൂലത്തിലാണ് മക്കളുടെ വിവരങ്ങളുള്ളത്. ഇതുപ്രകാരം ദുബായ് മെഡിക്കല് കോളെജില് ഡോക്ടറായ ഫൗസിയ ഷെര്സാദ്(മകള്), മസ്ക്കറ്റില് ബിസിനസ് ചെയ്യുന്ന അഹമ്മദ് റയീസ്, കാനഡിയിലെ ലോജിക് പോയിന്റ് എന്ന സ്ഥാപനത്തില് പ്രസിഡന്റായ നാസിര് അഹമ്മദ് എന്നിവരാണ് ഇ. അഹമ്മദിന്റെ മക്കള്. അതായത് ഫായിസ് അഹമ്മദ് എന്ന പേരില് അദ്ദേഹത്തിന് മക്കളാരുമില്ല. ഇ.അഹമ്മദിന്റെ മക്കളുടെ ചിത്രങ്ങളും ഞങ്ങള് പരിശോധിച്ചു. 2017ല് ഇ.അഹമ്മദിന്റെ മരണത്തെത്തുടര്ന്ന് മക്കള് മാധ്യമങ്ങളോട് സംസാരിച്ചിരുന്നു. ടൈംസ് ഓഫ് ഇന്ത്യ നല്കിയ റിപ്പോര്ട്ടില് അദ്ദേഹത്തിന്റെ മക്കള് മൂന്നു പേരെയും കാണാന് സാധിക്കും. ഇ അഹമ്മദിന്റെ മരണം മണിക്കൂറുകളോളം ആശുപത്രി അധികൃതരും കേന്ദ്ര സര്ക്കാരും മറച്ചുവച്ചെന്നും ഗുരുതരമായ വീഴ്ച വരുത്തിയെന്നും മക്കളും ലീഗ് നേതൃത്വവും ആരോപിച്ചിരുന്നു. ഇതേത്തുടര്ന്ന് മനുഷ്യാവകാശ കമ്മിഷന് ഇടപെട്ടു. ഇത്തരമൊരു വിവാദം ഉണ്ടായതിനാല് ഇ.അഹമ്മദിന്റെ മക്കളുടെ അഭിമുഖം അന്ന് മാധ്യമങ്ങള് നല്കിയിരുന്നു. ഈ സമയത്ത് മീഡിയ വണ് നല്കിയ അഭിമുഖം ചുവടെ കാണാം. അഹമ്മദ് റയീസിന്റെ ബിസിനസ് വിജയഗാഥയെക്കുറിച്ച് വന്ന ആര്ട്ടിക്കിളും ലഭ്യമായി. ഇ.അഹമ്മദിന്റെ മക്കള് ആരെങ്കിലും മിശ്രവിവാഹിതരാണോ എന്ന് ഞങ്ങള് അന്വേഷിച്ചു. ഇതിനായി ഇ അഹമ്മദിന്റെ പ്രൈവറ്റ് സെക്രട്ടറിയായിരുന്ന വി.പി. ഷഫീഖിനെ ഞങ്ങള് ബന്ധപ്പെട്ടു. ' പ്രചരിക്കുന്നത് വ്യാജവാര്ത്തയാണെന്ന് അദ്ദേഹം വ്യക്തമാക്കി. അദ്ദേഹത്തോടൊപ്പം 21 വര്ഷം ജോലി ചെയ്തിരുന്നു. അഹമ്മദ് സാഹിബിന്റെ ആണ്ട് ദിനത്തില് തന്നെയാണ് ഇത്തരമൊരു ആരോപണം ഉയര്ന്നത്. അതിനാല് ഞാന് ഫേസ്ബുക്കില് ഒരു കുറിപ്പ് എഴുതിയിട്ടുണ്ട്.' ഷഫീഖ് ഇന്ത്യാ ടുഡേയോട് പറഞ്ഞു. ഇ.അഹമ്മദിന്റെ ഇളയ മകന് നാസിര് അഹമ്മദ് സഹപാഠിയായ ഇതരമതസ്ഥയെയാണ് വിവാഹം ചെയ്തിരിക്കുന്നതെന്ന് ഈ കുറിപ്പില് അദ്ദേഹം വ്യക്തമാക്കുന്നുണ്ട്. എന്നാല് ഇവര് ഇസ്രയേല് സ്വദേശിയായ ജൂത സ്ത്രീയല്ല, ഹൈദരബാദ് സ്വദേശിനിയാണ്. മാത്രമല്ല മാതാപിതാക്കളുടെ സമ്മതത്തോടെ ഇസ്ലാം മതത്തിലേക്ക് മാറിയ ശേഷമാണ് നാസിറിനന്റെ പത്നിയായി അവര് എത്തിയതെന്നും ഷഫീഖ് വ്യക്തമാക്കുന്നുണ്ട്. ഷഫീഖിന്റെ ഫേസ്ബുക്ക് കുറിപ്പ് താഴെ കാണാം. അതേസമയം, ഇ അഹമ്മദിന്റെ മകന് എന്ന രീതിയില് പ്രചരിക്കുന്ന ചിത്രത്തെക്കുറിച്ച് അന്വേഷിച്ചപ്പോള് ഇതൊരു യുകെ സ്വദേശിയുടേതാണെന്ന് കണ്ടെത്താനായി. കീവേര്ഡ് സെര്ച്ച് ഉപയോഗിച്ച് തിരഞ്ഞപ്പോള് silive.com എന്ന വെബ്സൈറ്റില് ഫായിസ് അഹമ്മദിന്റെ ചിത്രം കണ്ടെത്താനായി. ഈ വിവരം അനുസരിച്ച് സല്മ- അഷ്ഫാഖ് അഹമ്മദ് എന്നിവരാണ് ഫായിസിന്റെ മാതാപിതാക്കള്. ഫായിസിന്റെ വിവാഹ നിശ്ചയത്തിന് വധു റെയ്ച്ചല് ബെയിനുമായി ചേര്ന്നു നില്ക്കുന്ന ചിത്രമാണിത്. ഇവരുടെ വിവാഹ ചിത്രങ്ങളും കണ്ടെത്താനായി. ഇതു താഴെ കാണാം സാമ്പത്തിക ഉപദേഷ്ടാവായി ന്യൂയോര്ക്കിലെ മാന്ഹട്ടാനില് ജോലി ചെയ്യുന്ന ഫായിസ് അഹമ്മദിന് ഇന്ത്യയുടെ മുന് കേന്ദ്രമന്ത്രി ഇ അഹമ്മദുമായി യാതൊരു ബന്ധവുമില്ലെന്ന് ഇതിനാല് വ്യക്തമാണ്. മുന് കേന്ദ്രമന്ത്രി ഇ.അഹമ്മദിന്റെ മകന് ഫായിസ് അഹമ്മദാണിത്. റെയ്ച്ചല് ബെയിന് എന്ന ജൂത പെണ്കുട്ടി വിവാഹം കഴിച്ച ഫായിസിന്റെ ചിത്രമാണിത്. ഇത് ഇ.അഹമ്മദിന്റെ മകനല്ല. ഫായിസ് അഹമ്മദ് എന്ന യുകെ സ്വദേശിയും ഭാര്യ റെയ്ച്ചല് ബെയിനുമാണ് ചിത്രത്തിലുള്ളത്. നാസിര് അഹമ്മദ്, റയീസ് അഹമ്മദ് എന്നിവരാണ് ഇ അഹമ്മദിന്റെ ആണ്മക്കള്. അവരുടെ ചിത്രങ്ങളും ലഭ്യമാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software