About: http://data.cimple.eu/claim-review/3e0a93f17081b3ac000e94447a31d4c4d0358fa0e1f792e274014536     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • അറബിക്കടലില് രൂപം കൊണ്ട ന്യൂനമര്ദ്ദവും ടൗട്ടോ ചുഴലിക്കാറ്റും കാരണം കഴിഞ്ഞ ഒരാഴ്ചയായി കേരളത്തില് അനുഭവപ്പെടുന്ന കനത്ത മഴയും കാറ്റും ഒട്ടേറെ നാശനഷ്ടങ്ങള്ക്ക് ഇടയാക്കിയിട്ടുണ്ട്. മഴയോടൊപ്പം അനുഭവപ്പെട്ട ശക്തമായ ഇടിമിന്നലും ഏറെ നാശം വിതച്ചിരുന്നു. ഇടുക്കി ജില്ലയിലെ അടിമാലിയില് ഇടിമിന്നലില് തകര്ന്ന മൊബൈല് ടവര് കത്തുന്ന ദൃശ്യങ്ങള് എന്ന പേരില് ഒരു ഫേസ്ബുക്ക് പോസ്റ്റ് സജീവമാണ്. നിരവധിപ്പേരാണ് ഈ വീഡിയോ സമൂഹമാധ്യമങ്ങളില് പങ്കിട്ടിട്ടുള്ളത്. ' അടിമാലി പത്താംമൈല് മേഖലയില് കനത്ത ഇടിമിന്നലില് Mobil ടവറിന് തീപിടിച്ചപ്പോള്.' എന്ന അടിക്കുറുപ്പോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂര്ണ രൂപം. എന്നാല് പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടൈത്തി. ഇടിമിന്നലേറ്റ് കത്തുന്ന അടിമാലി പത്താം മൈലിലെ മൊബൈല് ടവറല്ല ഇത്. സമാനമായ പോസ്റ്റുകളുടെ ആര്ക്കൈവ് ചെയ്ത ലിങ്കുകള്: Archive 1, Archive 2 , Archive 3 AFWA അന്വേഷണം പോസ്റ്റിനൊപ്പം പ്രചരിക്കുന്ന വീഡിയോ ഇന്വിഡ് ടൂള്കിറ്റിന്റെ സഹായത്തോടെ വിഭജിച്ച് റിവേഴ്സ് ഇമേജില് സെര്ച്ച് ചെയ്തപ്പോള് യഥാര്ഥ വീഡിയോ ഞങ്ങള്ക്ക് കണ്ടെത്താനായി. 2018ല് ഗോവയിലെ പനാജിയിലുള്ള ഒരു മൊബൈല് ടവര് കത്തുന്ന ദൃശ്യങ്ങളാണിത്. കോര്പ്പറേഷന് ജീവനക്കാര് മാലിന്യത്തിന് തീയിട്ടപ്പോള് സമീപം സ്ഥിതി ചെയ്തിരുന്ന മൊബൈല് ടവര് കത്തിയ സംഭവത്തിന്റെ വാര്ത്ത നിരവധി മാധ്യമങ്ങള് നല്കിയിരുന്നു. 2018 ജനുവരി 20ന് ഇന്ത്യാ ടിവിയില് വന്ന വാര്ത്തയില് ഇക്കാര്യം വ്യക്തമാക്കുന്നു. ഹെറാള്ഡ് ഗോവ എന്ന ഓണ്ലൈന് മാധ്യമത്തില് വന്ന വാര്ത്തയിലും ഇത് 2018ല് ഗോവയില് നടന്ന സംഭവമാണെന്ന് വ്യക്തമാക്കുന്നുണ്ട്. ഇതേ വീഡിയോ മുന്പ് നൈജീരിയയിലെ 5ജി മൊബൈല് ടവര് കത്തുന്നു എന്ന പേരിലും ഫേസ്ബുക്കില് പ്രചരിച്ചിരുന്നതായി കണ്ടെത്താനായി. അതേസമയം, അടിമാലി പത്താം മൈലില് ഇത്തരത്തിലൊരു സംഭവം നടന്നതായി റിപ്പോര്ട്ടുകളൊന്നുമില്ല. കഴിഞ്ഞ ഒരാഴ്ചയായി അനുഭവപ്പെടുന്ന കനത്തമഴയുടെ വിവരങ്ങള് ജില്ലാ കലക്റ്ററുടെ ഔദ്യോഗിക ഫേസ്ബുക്ക് പേജിലും ഇന്ഫര്മേഷന് ഓഫിസിന്റെ പേജിലും യഥാസമയം പങ്കുവയ്ക്കുന്നുണ്ട്. അടിമാലിയില് ഇത്തരമൊരു തീപിടുത്തം നടന്ന വിവരം ഈ പേജുകളില് പങ്കുവച്ചിട്ടില്ല. മാത്രമല്ല ഇതു സംബന്ധിച്ച് മാധ്യമ വാര്ത്തകളും വന്നിട്ടില്ല. 'അടിമാലിയില് മൊബൈല് ടവറിന് തീപിടിച്ചിട്ടില്ല. അത്തരത്തിലൊരു വാര്ത്ത നല്കിയിട്ടില്ലെന്നും' ഇടുക്കി ജില്ലാ ഇന്ഫര്മേഷന് ഓഫിസില് നിന്ന് ഇന്ത്യാ ടുഡേയെ അറിയിച്ചു. ലഭ്യമായ വിവരങ്ങളില് നിന്ന് അടിമാലിയിലെ പത്താം മൈലില് നടന്ന മൊബൈല് ടവര് തീപിടുത്തം എന്ന രീതിയില് പ്രചരിക്കുന്ന ഫേസ്ബുക്ക് പോസ്റ്റുകള് വ്യാജമാണെന്ന് വ്യക്തം. അടിമാലിയിലെ പത്താം മൈലില് ഇടിമിന്നലേറ്റ് കത്തുന്ന മൊബൈല് ടവറിന്റെ ദൃശ്യം പ്രചരിക്കുന്ന വീഡിയോ 2018ല് ഗോവയില് പനാജിയില് നടന്ന തീപിടുത്തത്തിന്റേതാണ്. മാലിന്യത്തിന് തീയിട്ടപ്പോള് സമീപമുണ്ടായിരുന്ന മൊബൈല് ടവറിലേക്ക് തീ പിടിക്കുകയായിരുന്നു. കേരളത്തില് അനുഭവപ്പൈട്ടുകൊണ്ടിരിക്കുന്ന കനത്ത മഴയുമായി ഈ സംഭവത്തിന് യാതൊരു ബന്ധവുമില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 8 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software