About: http://data.cimple.eu/claim-review/3e1e5bb5868a599d5589228f40e18c1dcb289f6c03e90028f7d567cb     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • തിരുവനന്തപുരത്ത് നടന്ന റിപ്പബ്ലിക് ദിന പരിപാടിയില് ഗവര്ണര് സംസാരിച്ചുകൊണ്ടിരിക്കെ വേദിയില് നിന്ന സിറ്റി പൊലീസ് കമ്മിഷണര് തോംസണ് ജോസ് കുഴഞ്ഞു വീണ വീഡിയോ സമൂഹമാധ്യമങ്ങളില് വൈറലാണ്. ഇതിനിടെ കമ്മിഷണര് മരിച്ചുവെന് തലക്കെട്ടോടെയും വീഡിയോ പ്രചരിക്കുന്നുണ്ട്. ഗവര്ണര് സംസാരിക്കാന് ആരംഭിക്കുമ്പോള് അദ്ദേഹത്തിന് ഇടതുവശമായി നില്ക്കുന്ന കമ്മിഷണര് വീഴുന്ന 45 സെക്കന്റ് ദൈര്ഘ്യമുള്ള വീഡിയോയാണ് പ്രചരിക്കുന്നത്. "തിരുവനന്തപുരം സിറ്റി പോലീസ് കമ്മീഷണര് തോംസണ് ജോസ് കുഴഞ്ഞുവീണു മരിച്ചു" എന്നെഴുതിയ കുറിപ്പിനൊപ്പമുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. കുഴഞ്ഞു വീണ കമ്മിഷണര് സുഖം പ്രാപിച്ചു. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് വീഡിയോയില് മനോരമ ന്യൂസിന്റെ ലോഗോ കാണാം. ഈ സൂചന ഉപയോഗിച്ച് കീവേര്ഡ് സെര്ച്ച് നടത്തിയപ്പോള് മനോരമ ന്യൂസിന്റെ ഫേസ്ബുക്ക് പേജില് ഇതേ വീഡിയോ പങ്കുവച്ചിട്ടുള്ളതായി കണ്ടെത്തി. ' റിപ്പബ്ലിക് ദിനാഘോഷ ചടങ്ങിനിടെ തിരുവനന്തപുരം സിറ്റി പൊലീസ് കമ്മിഷണര് തോംസണ് ജോസ് കുഴഞ്ഞുവീണു.' എന്നുള്ള കുറിപ്പിനൊപ്പമാണ് മനോരമ വീഡിയോ പങ്കുവച്ചിട്ടുള്ളത്. ഇത് ചുവടെ കാണാം. തിരുവനന്തപുരം സെന്ട്രല് സ്റ്റേഡിയത്തില് നടന്ന 76-ാമത് റിപ്പബ്ലിക് ദിനാഘോഷ പരിപാടിയ്ക്കിടെയാണ് സിറ്റി പൊലീസ് കമ്മിഷണര് കുഴഞ്ഞു വീണത്. ഗവര്ണര് രാജേന്ദ്ര വിശ്വനാഥ് അര്ലേക്കര്, മുഖ്യമന്ത്രി പിണറായി വിജയന് എന്നിവര് ഉള്പ്പെടെ പങ്കെടുത്ത ചടങ്ങാണിത്. പിന്നീട് ഞങ്ങള് റിപ്പബ്ലിക് ദിനാഘോഷം സംബന്ധിച്ച മറ്റ് റിപ്പോര്ട്ടുകള് പരിശോധിച്ചു. ഏഷ്യാനെറ്റ് നല്കിയ റിപ്പോര്ട്ടില് പറയുന്നത് വേദിയില് കുഴഞ്ഞു വീണ കമ്മിഷണര്ക്ക് പ്രാഥമിക ചികിത്സ നല്കിയെന്നാണ്. വേദിയുടെ സമീപമുണ്ടായിരുന്ന ആംബുലന്സില് എത്തിച്ചാണ് കമ്മിഷണര്ക്ക് ഫസ്റ്റ് എയ്ഡ് നല്കിയത്. അല്പ സമയം വിശ്രമിച്ച ശേഷം കമ്മിഷ്ണര് തോംസണ് ജോസ് ഇതേ വേദിയിലേക്ക് തിരിച്ച വന്നതായും റിപ്പോര്ട്ടില് വ്യക്തമാക്കുന്നുണ്ട്. ഏഷ്യാനെറ്റ് നല്കിയ റിപ്പോര്ട്ട് ചുവടെ കാണാം. വിശദമായ വിവരങ്ങള്ക്കായി ഞങ്ങള് തിരുവനന്തപുരം സിറ്റി പൊലീസ് കമ്മിഷണറുടെ ഓഫിസില് ബന്ധപ്പെട്ടു. സോഷ്യല് മീഡിയ പ്രചാരണം വ്യാജമാണെന്ന് കമ്മിഷണറുടെ പിഎ ഇന്ത്യാ ടുഡേയോട് സ്ഥിരീകരിച്ചു. " രക്തസമ്മര്ദ്ദം കുറഞ്ഞതുമൂലമാണ് കമ്മിഷണര് കുഴഞ്ഞു വീണത്. അവിടെയുണ്ടായിരുന്ന ആംബുലന്സില് അല്പ സമയം വിശ്രമിച്ച ശേഷം റിപ്പബ്ലിക് ദിന പരിപാടി നടന്ന അതേ വേദിയില് അദ്ദേഹം തിരിച്ചെത്തിയിരുന്നു. അന്നു തന്നെ വിവിധ പരിപാടികളിലും കമ്മിഷണര് പങ്കെടുത്തു. ഇന്ന് (30.01.2025)പാളയത്ത് നടന്ന രക്തസാക്ഷി ദിന പരിപാടിയില് കമ്മിഷണര് പങ്കെടുത്തിട്ടുണ്ട്. അദ്ദേഹം ആരോഗ്യവാനായി ഇരിക്കുന്നു," കമ്മിഷണറുടെ പിഎ വ്യക്തമാക്കി. 77-ാ മത് രക്തസാക്ഷി ദിനത്തോടനുബന്ധിച്ച് തിരുവനന്തപുരം പാളയം രക്തസാക്ഷി മണ്ഡപത്തില് നടന്ന ചടങ്ങിന്റെ ദൃശ്യങ്ങള് തിരുവനന്തപുരം സിറ്റി പൊലീസ് കമ്മിഷണറുടെ ഫേസ്ബുക്ക് പേജില് പങ്കുവച്ചിട്ടുണ്ട്. മന്ത്രി വി ശിവന്കുട്ടിയോടൊപ്പം നടന്നു വരുന്നതും സല്യൂട്ട് നല്കുന്നതുമായ തോംസണ് ജോസിന്റെ ചിത്രം ഈ പോസ്റ്റിലുണ്ട്. ഇത് ചുവടെ കാണാം. ലഭ്യമായ വിവരങ്ങളില് നിന്ന് റിപ്പബ്ലിക് ദിനാഘോഷ വേദിയില് കുഴഞ്ഞുവീണ തിരുവനന്തപുരം സിറ്റി പൊലീസ് കമ്മിഷണര് ഇപ്പോള് പൂര്ണ്ണ ആരോഗ്യവാനായി ജോലിയിലുണ്ടെന്ന് വ്യക്തമായി. തിരുവനന്തപുരം സിറ്റി പൊലീസ് കമ്മിഷണര് കുഴഞ്ഞുവീണ് മരിച്ചു. രക്ത സമ്മര്ദ്ദം കുറഞ്ഞതിനെ തുടര്ന്നാണ് റിപ്പബ്ലിക് ദിനാഘോഷ വേദിയില് തിരുവനന്തപുരം സിറ്റി പൊലീസ് കമ്മിഷണര് തോംസണ് ജോസ് കുഴഞ്ഞുവീണത്. അല്പം സമയം വിശ്രമിച്ച ശേഷം കമ്മിഷണര് ഇതേ വേദിയിലേക്ക് തന്നെ തിരിച്ചെത്തിയിരുന്നു.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 8 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software