| schema:text
| - నిజ నిర్ధారణ: భారతీయ జాతీయ జెండాతో ఫర్నిచర్ను తుడిచే వ్యక్తి వైరల్ వీడియో ఆంధ్ర ప్రదేశ్ కు చెందినది కాదు
వీడియోలో ఉన్న వ్యక్తి ఆంధ్రప్రదేశ్లోని అనంతపురం జిల్లా డిప్యూటీ రిజిస్ట్రార్ అంటూ భారత జాతీయ జెండాను టేబుల్ తుడవడానికి ఉపయోగిస్తున్న ఒక వ్యక్తి వీడియో ఒకటి ప్రచారంలో ఉంది.
వీడియోలో ఉన్న వ్యక్తి ఆంధ్రప్రదేశ్లోని అనంతపురం జిల్లా డిప్యూటీ రిజిస్ట్రార్ అంటూ భారత జాతీయ జెండాను టేబుల్ తుడవడానికి ఉపయోగిస్తున్న ఒక వ్యక్తి వీడియో ఒకటి ప్రచారంలో ఉంది. వీడియోలో, అతను ఫర్నిచర్ తుడవడమే కాకుండా, తన డెస్క్ కింద ఉన్న డస్ట్బిన్లో పడవేసే ముందు తన మొబైల్ ఫోన్ను జెండాతో తుడవడం కూడా చూడవచ్చు.
“వయ్ సిపి మద్దతుతో ఒళ్ళు పొగరుతో అనంతపూర్ డెప్యూటీ రిజిష్ట్రార్.. వీడి పొగరు దిగేదాకా షేర్లు కొట్టండి.. వయ్ సి పి మద్దతుతో మదమెక్కిన ప్రభుత్వ ఉద్యోగి.. భారతీయుడై ఉండి చదువుకున్నోడై ఉండీ జాతీయజండాని ఎలా అగౌరవముతో అవమానిస్తున్నాడో చూడండి..” అనే దావాతో వీడియో షేర్ అవుతోంది.
“రౌడీ రాజ్యంలో జాతీయ జెండాకు.... ప్రభుత్వ అధికారులు ఇచ్చే గౌరవం ఇలాగే ఉంటుంది.” అంటూ మరో యూజర్ అదే వీడియో ను షేర్ చేసారు.
నిజ నిర్ధారణ:
వాదన తప్పుదారి పట్టించేది. వీడియోలో కనిపిస్తున్న వ్యక్తి ఆంధ్రప్రదేశ్కి చెందినవాడు కాదు. అతను ఒడిశాకు చెందిన ప్రభుత్వ అధికారి.
వీడియో నుండి సంగ్రహించిన కీలక ఫ్రేమ్లను శోధించినప్పుడు, వీడియోలో కనిపిస్తున్న వ్యక్తి సిమిలి గ్రామ పంచాయతీలో పంచాయితీ విస్తరణ అధికారి (ఫేఓ) ప్రశాంత్ కుమార్ స్వైన్ అని నిర్ధారిస్తూ కొన్ని ఫలితాలు కనుగొన్నాము.
నివేదికల ప్రకారం, జాతీయ జెండాను అగౌరవపరిచినందుకు అతను క్షమాపణలు తెలిపాడు. ఈ వీడియోను ఎవరు రికార్డ్ చేశారో స్పష్టంగా తెలియనప్పటికీ, క్లిప్ దావానలంలా వైరల్ అయ్యింది మరియు తీవ్ర విమర్శలకు దారితీసింది.
ఆగ్రహం వ్యక్తం చేయడంతో, "ఇది పొరపాటు, ఇకపై జరగదు" అంటూ స్వైన్ మీడియా ముందు క్షమాపణలు చెప్పాడు."ఇది పొరపాటు, అయితే అనుకోకుండా జరిగింది. నేను ఆఫీసులో చాలా విషయాలతో నిమగ్నమై ఉన్నాను. ఇది ఖండించదగినది, దానికి నేను చాలా చింతిస్తున్నాను. ఇది నా మొదటి తప్పు భవిష్యత్తులో ఇది పునరావృతం కాకుండా చూసుకుంటాను, ”అని స్వైన్ చెప్పాడు.
https://odishatv.in/news/
https://www.odisharay.com/
టైమ్స్ ఆఫ్ ఇండియా ప్రకారం, పంచాయతీ సమితి సభ్యుడు మినాతి సాహు చేసిన ఫిర్యాదు మేరకు ప్రశాంత్ కుమార్ స్వైన్పై పోలీసులు ప్రివెన్షన్ ఆఫ్ ఇన్సల్ట్ టు నేషనల్ హానర్ యాక్ట్ 1971 సెక్షన్ 2 కింద కేసు నమోదు చేశారు.
జాతీయ జెండాను అవమానిస్తే 3 సంవత్సరాల వరకు జైలు శిక్ష విధిస్తారు.
అక్టోబర్ 2022లో కోణార్క్ పోలీస్ ఏరియా పరిధిలోని సిమిలి గ్రామ పంచాయతీ కార్యాలయంలో ఈ సంఘటన జరిగిందని పోలీసు వర్గాలు తెలిపాయి. “పంచాయతీ కార్యాలయంలో సమావేశం జరగాల్సి ఉంది. సభ ప్రారంభానికి ముందు పీఈవో కుర్చీలు, బల్లలపై దుమ్ము దులిపారు. పంచాయతీ కార్యాలయం నుంచి జాతీయ జెండాను తీసుకొచ్చి దానితో ఫర్నీచర్ తుడవడం ప్రారంభించారు. ఓ వార్డు సభ్యుడు ఈ వీడియోను చిత్రీకరించారని పోలీసు అధికారి ఒకరు తెలిపారు.
కనుక, భారత జాతీయ జెండాతో టేబుల్లు, కుర్చీలు తుడుచుకుంటున్న వ్యక్తి ఆంధ్రప్రదేశ్కి చెందిన అధికారి కాదు. ఆయన ఒడిశాలో పీఈవోగా పనిచేస్తున్నారు. వాదన తప్పుదారి పట్టించేది.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)