| schema:text
| - Deklarata e rreme që i mveshet Sami Lushtakut
Deklarata
“Premtim para-zgjedhor. Sami Lushtaku premton Bedriut se do te kujdesem për parat e shtetit si me qen te miat!”
Vlerësimi
Rrenë
Postimi “Premtim para-zgjedhor. Sami Lushtaku premton Bedriut se do te kujdesem për parat e shtetit si me qen te miat!”- është i rremë. Lushtaku nuk e ka bërë një deklaratë të tillë. Partia Demokratike e Kosovës (PDK) ka thënë se Lushtaku nuk e ka bërë një deklarim të tillë.
Artikulli
Më 24.01.2025, llogaria në Facebook (arkiva dhe arkiva) ka publikuar një material në të cilin shihet kandidati për Kryeministër nga Partia Demokratike e Kosovës, Bedri Hamza dhe nënkryetari i Komunës së Skenderajt, Sami Lushtaku.
Materiali mban mbishkrimin “Premtim para-zgjedhor. Sami Lushtaku premton Bedriut se do te kujdesem për parat e shtetit si me qen te miat!”.
Krypometër ka kërkuar fillimisht në Google nëse Lushtaku ka bërë një deklaratë të tillë, mirëpo nuk është gjetur diçka e ngjashme.
Më tej, Krypometër ka kontaktuar me Zyrën për Komunikim me Publikun në PDK për të sqaruar vërtetësinë e deklaratës. Teuta Berisha nga PDK ka konfirmuar se deklarata është e rreme dhe se diçka e tillë nuk është thënë nga Lushtaku.
“Lajm i rremë është propagandë”- ka thënë Berisha në përgjigje për Krypometër.
Bedri Hamza është kandidat për Kryeministër nga radhët e Partisë Demokratike të Kosovës. Hamza është Kryetar i Komunës së Mitrovicës së Jugut. Ai ka mbajtur në të kaluarën poste të larta shtetërore, si Deputet, Ministër e Guvernator i Bankës Qendrore të Republikës së Kosovës.
Ndërsa, Sami Lushtaku, ish- Komandant i Ushtrisë Çlirimtare të Kosovës, është Nënkryetar në Komunën e Skenderajt, nga radhët e PDK. Ai ka qenë Kryetar i kësaj Komune për tri mandate (2007-2009, 2009-2013, 2013-2017). Kurse, në vitin 2020-2021 ka qenë Nënkryetar i PDK.
Ndërkohë, me Vendim të presidentes Vjosa Osmani Zgjedhjet parlamentare janë caktuar të mbahen më 09.02.2025.
Albin Kurti është duke garuar si kandidat i Lëvizjes Vetëvendosje për një mandat të ri si Kryeministër. Kurti është duke u sfiduar nga Bedri Hamza i Partisë Demokratike të Kosovës, Lumir Abdixhiku nga Lidhja Demokratike e Kosovës dhe Ramush Haradinaj nga Aleanca për Ardhmërinë e Kosovës.
Të dhënat e regjistrimit të popullsisë të vitit 2024, nga Agjencia e Statistikave të Kosovës, vënë në pah se në diasporë jetojnë rreth 550 mijë kosovarë. Gjithsej 2 milionë e 75 mijë e 868 votues do të kenë të drejtë vote këto Zgjedhje– sipas të dhënave të KQZ. Numri i qytetarëve me të drejtë vote në vendvotime vetëm në Kosovë është 1 milion e 970 mijë e 944 votues. Në Zgjedhjet parlamentare do të garojnë 28 subjekte politike.
Prej tyre, 19 janë parti politike, pesë koalicione, dy nisma qytetare dhe një kandidat i pavarur. Ky është procesi i parë i rregullt zgjedhor në Kosovë, që nga shpallja e Pavarësisë më 2008.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)