About: http://data.cimple.eu/claim-review/4cd5ab9851417684b963b9dd1f20c763c43a17976d6b6f703c9b2c76     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഇസ്രയേലില് കഴിഞ്ഞയാഴ്ചയുണ്ടായ കാട്ടുതീയെ തുടര്ന്ന് രാജ്യത്ത് ദേശീയ അടിയന്തിരാവസ്ഥ പ്രഖ്യാപിച്ചിരിക്കുകയാണ്. കനത്ത നാശനഷ്ടങ്ങളുണ്ടാക്കിയ കാട്ടുതീ നിയന്ത്രണ വിധേയമായിട്ടുണ്ട്. അതിനിടെ ഇസ്രയേലിലെ കാട്ടുതീയുടെ ദൃശ്യം എന്ന രീതിയില് ഒരു വീഡിയോ ഇപ്പോള് സമൂഹ മാധ്യമങ്ങളില് പ്രചരിക്കുന്നുണ്ട്. തീ കത്തുന്ന ഒരു കെട്ടിടത്തിന്റെ ദൃശ്യമാണിത്. സമീപത്തുള്ള റോഡിലൂടെ വാഹനങ്ങള് പോകുന്നതും നിരവധി വാഹനങ്ങള് നിര്ത്തിയിട്ടിരിക്കുന്നതും ദൃശ്യങ്ങളില് കാണാം. "ഇസ്രായില് നരഗമായി കൊണ്ടിരിക്കുന്നു അക്രമികള് പ്രവര്ത്തിക്കുന്നതിന് കുറിച്ച് അല്ലാഹു അശ്രദ്ധനല്ല. വിശുദ്ധ ഖൂര്ആന് ഇതിലും ഭയാനകമായിരുന്നു ഇസ്റായില് ബോംബിട്ട് തീതുപ്പിയപ്പോള് പലസിതീനിലെ പിഞ്ചുമക്കളുടെയും സിത്രീകളുടെയും കരച്ചില്" എന്നെഴുതിയ ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന വീഡിയോ ഇസ്രയേലിലെ കാട്ടുതീ അല്ലെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. 2025 ജനുവരിയില് മെക്സിക്കോയിലെ റോയല് യാക്ക് കാസിനോയ്ക്ക് തീപിടിക്കുന്ന ദൃശ്യമാണിത്. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് വീഡിയോ സൂക്ഷ്മമായി നിരീക്ഷിച്ചപ്പോള് ദൃശ്യത്തിലുള്ള റോയല് യാക്ക് എന്ന ബോര്ഡ് വച്ച കെട്ടിടം മാത്രമാണ് കത്തുന്നതെന്ന് കാണാം. തുടര്ന്ന് ഞങ്ങള് വീഡിയോയുടെ കീ ഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് സമാനമായ ദൃശ്യം ഉള്പ്പെടുന്ന നിരവധി മാധ്യമ റിപ്പോര്ട്ടുകള് ലഭ്യമായി. 2025 ജനുവരി 17ന് ടൈംസ് നൗ നല്കിയ വാര്ത്തയില് വൈറല് വീഡിയോ ഉള്പ്പെടുത്തിയിട്ടുണ്ട്. ഈ റിപ്പോര്ട്ട് പ്രകാരം മെക്സിക്കോയിലെ എയര് ജമ്പ് ട്രാംപോളിന്സ് പാര്ക്കിലുണ്ടായ വന് തീപിടിത്തത്തില് കത്തി നശിക്കുന്ന റോയല് യാക്ക് കാസിനോയുടെ ദൃശ്യമാണിത്. തീപിടിത്തത്തില് കാസിനോ മുഴുവനായും കത്തി നശിച്ചതായി റിപ്പോര്ട്ടില് വ്യക്തമാക്കുന്നുണ്ട്. പ്രാദേശിക മാധ്യമങ്ങളെ ഉദ്ധരിച്ച് നല്കിയ റിപ്പോര്ട്ടില് പറയുന്നത് ആദ്യം ട്രാംപോളിന് പാര്ക്കിലുണ്ടായ തീപിടിത്തം ക്രമേണ സമീപത്തെ സിനിപോളിസ് ഷോപ്പിംഗ് പ്ലാസയിലേക്ക് പടരുകയും കാസിനോ കത്തിനശിക്കുകയുമായിരുന്നു എന്നാണ്. വാര്ത്തയുടെ സ്ക്രീന്ഷോട്ട് ചുവടെ കാണാം. യുകെ ഡെയിലി മെയില് ഉള്പ്പെടെയുള്ള മറ്റ് മാധ്യമങ്ങളും സമാനമായ വാര്ത്ത നല്കിയിട്ടുണ്ട്. തീപിടിത്തത്തില് ആളപായമുണ്ടായിട്ടില്ലെന്ന് യുകെ മിറര് നല്കിയ റിപ്പോര്ട്ടില് വ്യക്തമാക്കിയിട്ടുണ്ട്. കാസിനോയിലെയും സമീപത്തെ ഒരു നഴ്സറി സ്കൂള് ഉള്പ്പെടെയുള്ള മറ്റ് കെട്ടിടങ്ങളിലെയും ആളുകളെ അടിയന്തരമായി ഒഴിപ്പിച്ചു. എന്നാല് മൂന്ന് പേര്ക്ക് പരിക്കേറ്റിട്ടുണ്ട്. ഇവരെ ആശുപത്രിയിലേക്ക് മാറ്റിയതായും മറ്റ് അത്യാഹിതങ്ങള് ഉണ്ടായിട്ടില്ലെന്നും റിപ്പോര്ട്ടില് വ്യക്തമാക്കുന്നുണ്ട്. മെക്സിക്കന് മാധ്യമമായ മിലേനിയോ പങ്കുവച്ച തീപിടുത്തത്തിന്റെ ദൃശ്യം ചുവടെ കാണാം. മെക്സിക്കോയിലെ സിനലോവയിലുള്ള ട്രാംപോളിന് പാര്ക്ക്, റോയല് യാക്ക് കാസിനോ എന്നിവയുടെ ലൊക്കേഷനും ഞങ്ങള് പരിശോധിച്ചു. ഗൂഗിള്മാപ്പ് ലൊക്കേഷന് ചുവടെ കാണാം. ലഭ്യമായ വിവരങ്ങളില് നിന്ന് ഇസ്രയേലിലെ കാട്ടുതീയുടെ ദൃശ്യം എന്ന രീതിയില് പ്രചരിക്കുന്നത് 2025 ജനുവരി 17ന് മെക്സിക്കോയിലെ സിനലോവയിലുള്ള റോയല് യാക് കാസിനോയ്ക്ക് തീപിടിച്ച ദൃശ്യമാണെന്ന് വ്യക്തമായി. ഇസ്രയേലില് ഉണ്ടായ കാട്ടുതീയില് കത്തിയമരുന്ന കെട്ടിടത്തിന്റെ ദൃശ്യം. വൈറല് വീഡിയോ ഇസ്രയേലില് നിന്നുള്ളതല്ല. 2025 ജനുവരി 17ന് മെക്സിക്കോയിലെ സിനലോവയിലെ റോയല് യാക് എന്ന കാസിനോയിലുണ്ടായ തീപിടുത്തമാണിത്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software