About: http://data.cimple.eu/claim-review/4db41ca7dcf9fb6e4d9eae92acaee591528852408026b197cef656b6     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • തൃക്കാക്കര ഉപതെരഞ്ഞെടുപ്പ് അടുത്തതോടെ സമൂഹമാധ്യമങ്ങളിൽ പ്രചരണം കൊഴുക്കുകയാണ്. സ്വന്തം സ്ഥാനാർഥികളുടെ പ്രചരണത്തോടൊപ്പം പരസ്പരമുള്ള കടന്നാക്രമങ്ങളും പഴിചാരലുകളും സജീവമായി നടക്കുന്നുണ്ട്. ഇത്തരത്തിൽ തൃക്കാക്കരയിൽ സിപിഎമ്മിൽ കൂട്ടരാജി എന്നവകാശപ്പെട്ടുകൊണ്ട് ചില ചിത്രങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. "തൃക്കാക്കരയിൽ CPMൽ നിന്ന് കൂട്ടരാജി....രാജി വെച്ചവർ ഉമ തോമസിൻ്റെ വിജയത്തിന് വേണ്ടി പ്രവർത്തിക്കാനും തീരുമാനിച്ചു....." എന്ന കുറിപ്പിനൊപ്പം പ്രചരിക്കുന്ന ചിത്രം താഴെ കാണാം. ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) നടത്തിയ അന്വേഷണത്തിൽ വാദം തെറ്റിദ്ധരിപ്പിക്കുന്നതാണെന്ന് കണ്ടെത്തി. ഈ ചിത്രം മലപ്പുറം ജില്ലയിലെ കൊണ്ടോട്ടിയിലുള്ള ചീക്കോട് പഞ്ചായത്തിൽ ഡിവൈഎഫ്ഐ ബന്ധം ഉപേക്ഷിച്ച് കോൺഗ്രസിൽ ചേർന്ന ചെറുപ്പക്കാരുടേതാണ്. AFWA അന്വേഷണം തൃക്കാക്കരയിൽ സിപിഎമ്മിൽനിന്നോ പോഷക സംഘടനകളിൽനിന്നോ അടുത്തിടെ ആളുകൾ രാജിവെച്ചതിന്റെ വാർത്താ റിപ്പോർട്ടുകൾ ലഭ്യമായിരുന്നില്ല. പ്രചരിക്കുന്ന ചിത്രം ഞങ്ങൾ ഗൂഗിൾ റിവേഴ്സ് സെർച്ച് ചെയ്ത് പരിശോധിച്ചെങ്കിലും വിവരങ്ങളൊന്നും ശേഖരിക്കാനായില്ല. തുടർന്ന് ഈ ചിത്രം പങ്കുവെച്ചുകൊണ്ടുള്ള പോസ്റ്റുകൾ ഓരോന്നായി പരിശോധിച്ചു. ഈ അന്വേഷണത്തിൽ ഇവർ സിപിഎം ബന്ധം അവസാനിപ്പിച്ച തൃക്കാക്കരയിലെ പ്രവർത്തകരുടെ ചിത്രമാണ് എന്ന വാദം നിരാകരിച്ചുകൊണ്ടുള്ള പല കമൻറുകളും ഞങ്ങൾക്ക് കണ്ടെത്താനായി. ഇത് മലപ്പുറത്തെ ചീക്കോട് പഞ്ചായത്തിൽ ഡിവൈഎഫ്ഐ ബന്ധം ഉപേക്ഷിച്ച് കോൺഗ്രസിൽ ചേർന്ന് പ്രവർത്തിക്കാൻ തീരുമാനിച്ച ചെറുപ്പക്കാരുടെ ചിത്രമാണെന്നാണ് ഈ കമന്റുകൾ പറഞ്ഞത്. തുടർന്ന്, "മലപ്പുറം" "ചീക്കോട്" മുതലായ കീവേർഡുകൾ ഉപയോഗിച്ച് ഫേസ്ബുക്കിൽ തെരഞ്ഞപ്പോൾ പ്രചരിക്കുന്ന ഫോട്ടോ ഉപയോഗിച്ചിരിക്കുന്ന പോസ്റ്റുകൾ കണ്ടെത്താനായി. ഇത്തരം പോസ്റ്റുകൾ ഷെയർ ചെയ്ത ചിലരെ ഞങ്ങൾ ബന്ധപ്പെട്ടപ്പോൾ ചീക്കോട് യൂത്ത് കോൺഗ്രസ് മണ്ഡലം പ്രസിഡന്റായ ഷംസു സികെയുടെ ഫോൺ നമ്പർ ലഭിച്ചു. ഈ ചിത്രത്തിലുള്ളവർ ചീക്കോട് പഞ്ചായത്തിലുള്ളവർ ആണെന്നും, മെയ് 13 വെള്ളിയാഴ്ച ചീക്കോടുള്ള കോൺഗ്രസ്സ് ഓഫീസിൽ വെച്ചു പകർത്തിയതാണെന്നും ഷംസു പറഞ്ഞു. "കൃത്യമായി പറഞ്ഞാൽ ടിവി ഇബ്രാഹിം എംഎൽഎ ആയിട്ടുള്ള കൊണ്ടോട്ടി മണ്ഡത്തിൽപ്പെട്ട ചീക്കോട് പഞ്ചായത്തിലെ പതിനാറാം വാർഡിലാണ് ഇത് നടന്നത്. എന്റെ സ്വന്തം ബൂത്താണിത്. കെ വി തോമസിനെപോലെയുള്ള ആളുകൾക്കുവേണ്ടി കാലങ്ങളായി പാർട്ടിക്കുവേണ്ടി പ്രവർത്തിക്കുന്നവരെ പരിഗണിക്കാതെയിരിക്കുന്നതിൽ പ്രതിഷേധിച്ചാണ് അവർ സിപിഎം വിട്ടത്. യൂണിറ്റ് സെക്രട്ടറി ആയിട്ടുള്ള പ്രവീൺ കുമാറാണ് ഞങ്ങളുമായി ചേർന്ന് പ്രവർത്തിക്കാൻ തീരുമാനിച്ചവരില് പ്രമുഖൻ. തൃക്കാക്കര തിരഞ്ഞെടുപ്പിന് ശേഷം പ്രവീണിനെയും ബാക്കിയുള്ളവരെയും ഒരു പൊതുപരിപാടിയിൽ വെച്ച് പാർട്ടിയിലേക്ക് ഔദ്യോഗികമായി സ്വാഗതം ചെയ്യും. ഞായറാഴ്ച (മെയ് 22) ഇവരെയുംകൂട്ടി തൃക്കാക്കരയിൽ പ്രചരണത്തിന് പോകാനും ഉദ്ദേശിക്കുന്നുണ്ട്," ഷംസു പറഞ്ഞു. തുടർന്ന് DYFI ബന്ധം ഉപേക്ഷിച്ച പ്രവർത്തകരുടെ കൂടുതൽ വിവരങ്ങളും ചിത്രങ്ങളും ലഭിച്ചു. ഇതുപ്രകാരം DYFI പൊന്നാട് യൂണിറ്റ് സെക്രട്ടറി പ്രവീൺ കുമാർ, ജംഷീർ, സുജിത്, മുഹ്സിൻ തുടങ്ങിയ പ്രവർത്തകർക്കാണ് ചീക്കോട് സ്വീകരണം നൽകിയത്. സംഭവുമായി ബന്ധപ്പെട്ട് മലപ്പുറം DCC പ്രസിഡന്റ് വി എസ് ജോയുടെ പേജിൽ വന്ന പോസ്റ്റ് ചുവടെ കാണാം. ചില പ്രാദേശിക കോൺഗ്രസ് പേജുകളിലും സമാനമായ പോസ്റ്റുകൾ വന്നിട്ടുള്ളതും ഞങ്ങൾ കണ്ടെത്തി. ഇതിൽനിന്ന് ഉപതിരഞ്ഞെടുപ്പ് നടക്കാനിരിക്കുന്ന തൃക്കാക്കരയിൽ സിപിഎമ്മിൽ നിന്ന് രാജിവച്ച് കോൺഗ്രസിൽ ചേർന്ന് പ്രവർത്തിക്കാൻ തീരുമാനിച്ച ചെറുപ്പക്കാരുടേത് എന്നനിലയിൽ പ്രചരിക്കുന്നത് മലപ്പുറം ജില്ലയിലെ ചീക്കോട് ഗ്രാമപ്പഞ്ചായത്തിൽ ഡിവൈഎഫ്ഐ ബന്ധം ഉപേക്ഷിച്ച് കോൺഗ്രസിൽ എത്തിയവരെ പ്രദേശത്തെ പാർട്ടി പ്രവർത്തകർ ചേർന്ന് സ്വീകരിക്കുന്ന ചിത്രമാണ് എന്ന് ഉറപ്പിക്കാനായി. ഉപതിരഞ്ഞെടുപ്പ് നടക്കാനിരിക്കുന്ന തൃക്കാക്കരയിൽ സിപിഎം ബന്ധം ഉപേക്ഷിച്ച് കോൺഗ്രസിൽ ചേർന്ന പ്രവർത്തകരുടെ ചിത്രം. ഈ ചിത്രം മലപ്പുറം ജില്ലയിലെ ചീക്കോട് ഗ്രാമപഞ്ചായത്തിൽ DYFIൽ നിന്ന് യൂത്ത് കോൺഗ്രസിൽ എത്തിയ പ്രവർത്തകരുടേതാണ്. ഇവരാരും തൃക്കാക്കര സ്വദേശികളല്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software