| schema:text
| - Fact Check : పవన్ కల్యాణ్ కు చెందిన ఈ వీడియో జనసేన పార్టీ ముస్లిం అభ్యర్ధి ఇంట్లో భోజనం చేసినప్పటిది, ఇఫ్తార్ విందుకు సంబంధించినది కాదు
జనసేన పార్టీ వ్యవస్థాపకుడు మరియు ఆంధ్రప్రదేశ్ ఉపముఖ్యమంత్రి పవన్ కల్యాణ్ కు చెందిన వీడియో ఒకటి సోషల్ మీడియా పై చాలా వేగంగా వైరల్ అవుతోంది.
By: Pragya Shukla
-
Published: Mar 15, 2025 at 01:43 PM
-
Updated: Mar 15, 2025 at 01:48 PM
-
కొత్త ఢిల్లీ (విశ్వాస్ న్యూస్)। జనసేన పార్టీ వ్యవస్థాపకుడు మరియు ఆంధ్రప్రదేశ్ ఉపముఖ్యమంత్రి పవన్ కల్యాణ్ కు చెందిన వీడియో ఒకటి సోషల్ మీడియా పై చాలా వేగంగా వైరల్ అవుతోంది. వీడియోలో పవన్ కల్యాణ్ ఇస్లాంకు సంబంధించిన తెల్లని రంగు టోపీ ధరించి కొంతమందితో కలిసి భోజనం చేస్తూ కనిపిస్తారు. ఈ వీడియో ఇఫ్తార్ పార్టీలో పాల్గొన్నదిగా పేర్కొంటూ ఇటీవల తీసినది అని క్లెయిమ్ చేస్తూ షేర్ చేయబడుతోంది.
విశ్వాస్ న్యూస్ తన దర్యాప్తులో వైరల్ వీడియో తప్పుదోవపట్టించేది అని కనుగొనింది. వైరల్ వీడియో ఇప్పటిది కాదు, 2019 సంవత్సరములో తీసినది. అప్ప్డు ఆయన ఎన్నికల-ప్రచారము సందర్భములో గుంటూరు (తూర్పు) జనసేన ఎమ్మెల్యే అభ్యర్ధి షేక్ జియావుర్ రెహమాన్ ఇంట్లో మధ్యాహ్న భోజనం చేయటానికి వచ్చారు.
ఏది వైరల్ అవుతోంది?
ఫేస్బుక్ యూజర్ “జితేంద్ర కుమార్ యాదవ్” వైరల్ వీడియోను షేర్ చేస్తూ శీర్షికలో ఇలా వ్రాశారు, “ఇఫ్తార్ విందులో ఉత్సాహంగా పాల్గొంటున్న జోసఫ్ విజయ్ చంద్రశేఖర్, అసూయాపరులైన కొంతమంది బిజేపి నాయకులు హిందూధర్మ రక్షకులు ఎవరు అని అంటున్నారు. రాజేష్ యదువంశీ”
ఈ పోస్ట్ యొక్క ఆర్కైవ్ లింక్ కొరకు ఇక్కడ చూడండి.
దర్యాప్తు
వైరల్ వీడియోలోని వాస్తవాలను కనుగొనుటకు, మేము ఇన్విడ్ టూల్ సహాయముతో వీడియో నుండి కీఫ్రేమ్స్ తీసుకున్నాము మరియు వాటిని గూగుల్ రివర్స్ ఇమేజ్ సహకారముతో సెర్చ్ చేశాము. క్లెయిమ్ తో సంబంధం ఉన్న ఒక రిపోర్ట్ మాకు ది హన్స్ ఇండియా వారి వెబ్సైట్ పై లభించింది. మార్చ్ 25, 2019 నాడు ప్రచురించబడినఈ రిపోర్ట్ ప్రకారము, 2019 ఎన్నికల ప్రచారము సందర్భంగా పవన్ కల్యాణ్ గుంటూరులో జనసేన ఎమ్మెల్యే అభ్యర్ధి ఇంటికి వెళ్ళి బిర్యానీ తిన్నారు.
లభింఛిన సమాచారము ఆధారంగా మేము గూగుల్ పై సంబంధిత కీవర్డ్స్ సహాయముతో సెర్చ్ చేశాము. క్లెయిమ్ కు సంబంధించిన ఒక వీడియో మాకు ఫిల్మీ ఫోకస్ అనే ఒక యూట్యూబ్ ఛానల్ పై లభించింది. ఈ వీడియో మార్చ్ 26, 2019 నాడు షేర్ చేయబడింది. అందుబాటులో ఉన్న సమాచారము ప్రకారము, వైరల్ వీడియో 2019 లో జరిగిన ఎన్నికల ప్రచారానికి సంబంధించినది. ప్రచారములో భాగంగా పవర్ కల్యాణ్ గుంటూరు (తూర్పు) జనసేన ఎమ్మెల్యే అభ్యర్ధి ఇంటికి భోజనానికి వెళ్ళారు.
దర్యాప్తు సమయములో వైరల్ వీడియోకు సంబంధించిన ఒన్ని ఫోటోలు జనసేన పార్టీ అధికారిక ఫేస్బుక్ పేజ్ పై లభించాయి. ఈ ఫోటోలను మార్చ్ 25, 2019 నాడు షేర్ చేశారు. శీర్షికలో, ఫోటోలు జనసేన ఎమ్మెల్యే అభ్యర్ధి షేక్ జియావుర్ రెహమాన్ ఇంటికి భోజనం చేయటానికి వెళ్ళినప్పుడు తీసినవి అని పేర్కొనబడింది.
మరింత సమాచారము కొరకు మేము గుంటూరు స్థానిక విలేఖరి మల్లిఖార్జున్ గారిని సంప్రదించాము. ఈ వీడియో 2019లో జరిగిన ఎన్నికల ప్రచారానికి సంబంధించినది అని ఆయన తెలిపారు.
ఆజ్తక్ వెబ్సైట్ పైన జూన్ 12, 2024 నాడు ప్రచురించబడిన ఒక రిపోర్ట్ ప్రకారం, ఆంధ్రప్రదేశ్ లో టిడిపి, జనసేన మరియు బిజేపి పార్టీల సంకీర్ణ ప్రభుత్వం ఉంటుంది. అసెంబ్లీ ఎన్నికలలో టిడిపి 135 సీట్లు, జనసేన 21 సీట్లు మరియు బిజేపి 8 సీట్లు గెలుచుకున్నాయి.
చివరిగా మేము తప్పుదోవపట్టించే క్లెయిమ్ తో వీడియోను షేర్ చేసిన యూజర్ అకౌంట్ ను స్కాన్ చేశాము. యూజర్ ఒక భావజాలానికి సంబంధించిన పోస్ట్ లు షేర్ చేస్తారని మేము కనుగొన్నాము. యూజర్ కు వెయ్యిమందికి పైగా ఫాలోయర్స్ ఉన్నారు.
ముగింపు: పవన్ కల్యాణ్ ఇఫ్తార్ విందుకు వెళ్ళారని క్లెయిమ్ చేస్తూ వైరల్ అవుతున్న వీడియో తప్పుదోవపట్టించేది అని విశ్వాస్ న్యూస్ తన దర్యాప్తులో కనుగొనింది. వైరల్ వీడియో ఇప్పటిది కాదు, అది 2019 సంవత్సరం నాటిది. ఆయన ఎన్నికల-ప్రచారం సందర్భంగా గుంటూరు (తూర్పు)లో జనసేన ఎమ్మెల్యే అభ్యర్ధి షేక్ జియావుర్ రెహమాన్ ఇంటికి భోజనానికి వెళ్ళారు.
Claim Review : పవన్ కల్యాణ్ ప్రస్తుత ఇఫ్తార్ విందులో పాల్గొన్నారు.
-
Claimed By : ఎఫ్బి యూజర్ జితేంద్ర కుమార్ యాదవ్
-
Fact Check : Misleading
-
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)