| schema:text
| - Rrena se Kryeprokurori Blerim Isufaj e ka liruar Enver Sekiraqën
Deklarata
Blerim Isufaj prokurori i prokurorisë Speciale që e kishte anuluar fletarrestin për Radojçiçin. Poashtu ky e ka liruar Enver Sekiraqën në arrest shtëpiak, tashmë i arratisur dhe flitet që është në Kopaunik në hotelin e Radojçiçit
Vlerësimi
Rrenë
Mbishkrimi në Instagram “Blerim Isufaj prokurori i prokurorisë Speciale që e kishte anuluar fletarrestin për Radojçiçin. Poashtu ky e ka liruar Enver Sekiraqën në arrest shtëpiak, tashmë i arratisur dhe flitet që është në Kopaunik në hotelin e Radojçiçit” është i pavërtetë në tërësi. Pasi që Isufaj nuk është Prokuror i Prokurorisë Speciale, por është Kryeprokuror i kësaj Prokurorie dhe i njëjti nuk e ka liruar Sekiraqën nga masa e arrestit shtëpiak. Heqjen e masës së arrestit shtëpiak e kishte bërë gjyqtari Agim Kuçi në shpallje të aktgjykimit.
Artikulli
Më 25.05.2024 faqja në Instagram “albini.per.kryeminister” ka publikuar një fotografi të Blerim Isufajt, Kryeprokuror i Prokurorisë Speciale, me përshkrimin “Blerim Isufaj prokurori i prokurorisë Speciale që e kishte anuluar fletarrestin për Radojçiçin. Poashtu ky e ka liruar Enver Sekiraqën në arrest shtëpiak, tashmë i arratisur dhe flitet që është në Kopaunik në hotelin e Radojçiçit”.
Në këtë postim është thënë se Blerim Isufaj është Prokuror i Prokurorisë Speciale, por Krypometër në organogramin e Prokurorisë Speciale ka gjetur se Blerim Isufaj është Kryeprokuror i prokurorisë Speciale.
Krypometër ka kontaktuar me Kryeprokurorin e Prokurorisë Speciale, Blerim Isufaj, i cili ka thënë se Kryeprokurori nuk trajton raste, por këtë e bëjnë prokurorët që e kanë në trajtim rastin.
“Ky konstatim tendencioz dhe i pa bazuar, nuk qëndron, për faktin se siç është sqaruar edhe me parë, rastet nuk i trajton Kryeprokurori, por prokurorët konkretë të cilët sipas procedurave standarde ngarkohen me raste”- ka thënë Blerim Isufaj për Krypometër më 30.05.2024.
Tutje, Kryeprokurori Isufaj ka thënë se rasti në Gjykatë nuk përfaqësohet nga kryeprokurori, por nga Prokurorët e rasteve.
“Sa për dijeninë tuaj, rastin në Gjykatë nuk e përfaqëson Kryeprokurori, por prokurori i cili është i ngarkuar me atë rast, andaj në asnjë moment nuk vendosë Kryeprokurori që në fazën e shqyrtimit gjyqësor të ndikojë në ndryshim të cilësdo masë”- tha Isufaj.
Isufaj ka ka thënë që heqja e masës së arrestit shtëpiak është kompetencë e trupit Gjykues i cili e trajton rastin dhe nuk është në diskrecion të prokurorëve.
“Nga momenti i ngritjes se aktakuzës dhe dorëzimit të saj në Gjykatë, lidhur me masën e paraburgimit apo cilësdo masë tjetër, vendosë trupi gjykues, pra kjo nuk është më në diskrecion të Prokurorit të rastit”- tha tutje Isufaj.
Ai ka thënë se Sekiraqa nuk është në arrati për faj të Prokurorisë.
“Mirëpo, siç jeni në dijeni, i njëjti është në arrati, kjo jo për fajin e Prokurorisë Speciale si pretendohet, ngase kjo është në diskrecion të trupit gjykues”- tha Isufaj.
Kush ia ka ndërprerë masën e arrestit shtëpiak Enver Sekiraqës?
Më 03.05.2024, Enver Sekiraqa është shpallur fajtor nga gjykata e shkallës së parë dhe është dënuar me 25 vjet burg nga Gjykata e Prishtinës për shtytje në vrasje të policit Triumf Riza në vitin 2007.
Në shpallje të Aktgjykimit, gjyqtari Agim Kuqi e kishte liruar Enver Sekiraqën nga masa e arrestit shtëpiak.
“Të akuzuarit do t’i ndërpritet më aktvendim të vecantë do t’i ndërpritet masa e arrestit shtëpiakë”- kishte thënë gjyqtari Kuqi pasi e kishte lexuar vendimin për dënimin e Sekiraqës me 25 vjet burg, më 03.05.2024.
Prokuroria Speciale kishte apeluar vendimin e gjyqtarit, Agim Kuqi duke kërkuar caktimin e paraburgimit për Sekiraqën deri në plotfuqishmërinë e vendimit.
Dy javë më vonë (17.05.2024), Gjykata e Apelit kishte marrë vendim për të kthyer në paraburgim të akuzuarin Sekiraqa. Por, ky vendim i Gjykatës së Apelit nuk ka mundur të zbatohet, pasi Enver Sekiraqa ishte i paarritshëm për Policinë e Kosovës e cila kishte tentuar ta dërgojë atë në paraburgim sipas vendimit të Gjykatës së Apelit. Më pas Policia e Kosovës ka kërkuar edhe ndihmën e qytetarëve për të arrestuar Sekiraqën.
Pas publikimit të lajmit se Enver Sekiraqa nuk është i arritshëm për Policinë e Kosovës për të dërguar të njëjtin në paraburgim, Këshilli Gjyqësor i Kosovës (KGjK) kishte marrë vendim që të suspendojë gjyqtarin Agim Kuqi, i cili ia kishte hequr masën e arrestit shtëpiak Enver Sekiraqës, i akuzuar për shtytje në vrasjen e policit Triumf Riza në vitin 2007.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)