About: http://data.cimple.eu/claim-review/52b1854867d4764a81f6c77dd213f1b13ae748b9e885efda8537d2be     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • സിപിഎം വർക്കല ഏരിയ സമ്മേളനത്തിനിടയിൽ പ്രവർത്തകർ തമ്മിൽ സംഘർഷമുണ്ടായത് വാർത്തയായിരുന്നു. ഇതിനെത്തുടർന്ന് സമ്മേളന സ്ഥലത്തിന് പുറത്ത് ഏറ്റുമുട്ടുന്ന സിപിഎം പ്രവർത്തകരുടേത് എന്നപേരിൽ ഒരു വിഡീയോ സമൂഹ മാധ്യമങ്ങളിൽ പ്രചരിക്കുന്നുണ്ട്. "CPIM ഏരിയ സമ്മേളനത്തിൽ സംഘർഷം സമ്മേളനം പൊലിപ്പിച്ച എല്ലാ ക്രിമിനൽ സഖാക്കൾക്കും അഭിനന്ദനങ്ങൾ" എന്ന തലക്കെട്ടോട്ടെ പ്രചരിക്കുന്ന പോസ്റ്റിന്റെ പൂർണ്ണരൂപം താഴെ കാണാം. എന്നാൽ പ്രചരിക്കുന്ന വാദം തെറ്റിദ്ധരി പ്പിക്കുന്നതാണെന്ന് ഇന്ത്യാ ടുഡേ ആന്റി ഫേക്ന്യൂസ് വാർ റൂം (AFWA) നടത്തിയ അന്വേഷണത്തിൽ കണ്ടെത്തി. വീഡിയോയിലുള്ളത് സിപിഎം പ്രവർത്തകരല്ല, മറിച്ച് കൊല്ലം കുളത്തുപ്പുഴയിലെ NCP പ്രവർത്തകരാണ്. അഭിപ്രായഭിന്നതയെത്തുടർന്ന് പാർട്ടി പ്രവർത്തകർ നവംബർ 20ന് ഏറ്റുമുട്ടിയതിന്റെ ദൃശ്യങ്ങളാണിവ. പ്രചരിക്കുന്ന വീഡിയോ പരിശോധിച്ചപ്പോൾ പ്രദേശവാസികളുടെ സംഭാഷണത്തിൽ "NCP", "വൈസ് പ്രസിഡന്റ്", "റഹീം" എന്നെല്ലാം കടന്നുവരുന്നതായി മനസ്സിലായി. സിപിഎം സമ്മേളനവുമായി ബന്ധപ്പെട്ട സംഘർഷത്തിൽ മറ്റൊരു പ്രസ്ഥാനത്തിന്റെ പേര് കടന്നുവരുന്നത് സംശയമുണ്ടാക്കി. സിപിഎംന്റെ സംഘടനാ ചട്ടക്കൂടിൽ ഒരു ഘടകത്തിലും വൈസ് പ്രസിഡന്റ് സ്ഥാനം ഇല്ല എന്നതും സംശയം ബലപ്പെടുത്തി. തുടർന്ന് വീഡിയോയുടെ കീ ഫ്രെയ്മുകള് റിവേഴ്സ് ഇമേജ് സെര്ച്ച് ചെയ്തപ്പോള് സമാനമായ വേറെയും ചിത്രങ്ങള് ലഭിക്കുകയുണ്ടായി. ഇതിൽ പലതിലും NCPക്കുപുറമേ കൊല്ലം ജില്ലയിലെ കുളത്തുപ്പുഴയേപ്പറ്റിയും പരാമർശമുള്ളതായി കണ്ടു. ഇവ ഗൂഗിൾ കീവേർഡ് സെർച്ച് ചെയ്തപ്പോൾ നവംബർ 21ന് ഇൻഡ്യാ ടുഡേ മലയാളം ഉള്പ്പെടെ പല മാധ്യമങ്ങളും വാർത്തയോടൊപ്പം ഈ വീഡിയൊ കൊടുത്തിട്ടുള്ളതായി കണ്ടെത്തി. കുളത്തുപ്പുഴ സെന്ട്രല് ജംഗ്ഷനില് NCP പ്രാദേശിക നേതാക്കള് തമ്മിലടിക്കുകയായിരുന്നു. ഒരു വിഭാഗം പ്രവര്ത്തകർ കേന്ദ്ര സര്ക്കാരിനെതിരെ പാർട്ടി പതാകയേന്തി പ്രകടനം നടത്തുന്നതിനിടെയാണ് സംഘര്ഷം ഉണ്ടായത്. പ്രകടനം പട്ടണത്തില് എത്തിയപ്പോള് മണ്ഡലം കമ്മിറ്റി അറിയാതെയുള്ള പരിപാടിയെന്ന് ആരോപിച്ച് മണ്ഡലം വൈസ് പ്രസിഡന്റ് റഹീമിന്റെ നേതൃത്വത്തിലെത്തിയവര് തടഞ്ഞതോടെയാണ് സംഘർഷമായത്. ഇൻഡ്യാ ടുഡേ മലയാളം നൽകിയ റിപ്പോർട്ട് ഇവിടെ വായിക്കാം. ഇതിൽനിന്നും വീഡിയോയുമായി സിപിഎംന് ബന്ധമില്ല എന്ന് മനസ്സിലായി. തുടർന്ന്, വ്യാജ ആരോപണത്തോടൊപ്പം പ്രചരിക്കുന്ന വീഡിയോയുടെ മുകളിൽ കാണുന്ന ലോഗോ ഞങ്ങൾ ഫേസ്ബുക്കിൽ തിരഞ്ഞു. V4 News എന്ന പ്രാദേശിക വാർത്താ ചാനലിന്റെ ആണ് വ്യാജപ്രചാരണത്തിന് ചിലർ ഉപയോഗിക്കുന്നത് എന്ന് മനസ്സിലായി. V4 News നവംബർ 21ന് "NCPപ്രവർത്തകർ തമ്മിൽ കൂട്ടത്തല്ലും അസഭ്യവർഷവും കുളത്തൂപ്പുഴ ജംഗ്ഷനിലാണ് സംഭവം" എന്ന തലക്കെട്ടോടെ യഥാർത്ഥ സംഭവം റിപ്പോർട്ട് ചെയ്തിരിക്കുന്നത് കണ്ടെത്തി. ഇത് താഴെ കാണാം. സംഭവത്തെക്കുറിച്ചുള്ള കൂടുതല് വിവരങ്ങള്ക്ക് ഞങ്ങള് V4 ന്യൂസില് ബന്ധപ്പെട്ടു. ഈ സംഭവം പകര്ത്തിയ റിപ്പോര്ട്ടര് റോയ് ഞങ്ങളുമായി സംസാരിച്ചു. 'ഇത് എന്സിപി പ്രവര്ത്തകര്ക്കിടയിലുണ്ടായ സംഘര്ഷമാണ്. സംഭവം ആദ്യ പകുതി ഞാന് പകര്ത്തിയതാണ്. പിന്നീടുള്ളത് മറ്റു ചില മീഡിയകളില് നിന്നു ശേഖരിച്ചു. ഈ വിഷ്വലുകള് ക്രോഡീകരിച്ചാണ് ഞങ്ങള് റിപ്പോര്ട്ട് തയാറാക്കിയത്. ഞങ്ങളുടെ സോഷ്യല് മീഡിയ പേജുകളില് ഇത് ലഭ്യമാണ്.' റോയി ഇന്ത്യാ ടുഡേയോട് പറഞ്ഞു. നവംബർ 20ന് വന്ന റിപ്പോർട്ടുകൾ പ്രകാരം സി പി എം വർക്കല ഏരിയ സമ്മേളനത്തിൽ അംഗങ്ങളുടെ തെരഞ്ഞെടുപ്പുമായി ബന്ധപ്പെട്ട തർക്കമാണ് തമ്മിലടിയിൽ കലാശിച്ചത്. എന്നാൽ ഇപ്പോൾ പ്രചരിക്കുന്ന വീഡിയോയ്ക്ക് ഈ വിഷയവുമായി ബന്ധമില്ലെന്നും, ഇതിൽ ഉള്ളവരെല്ലാം കൊല്ലം ജില്ലയിലെ NCP പ്രവർത്തകരാണ് എന്നും വ്യക്തമാണ്. ഇന്പുട്ട് നല്കിയത് ബെച്ചു.എസ്, കൊച്ചി ഏരിയ സമ്മേളനത്തെത്തുടർന്നുണ്ടായ തർക്കത്തെ തുടർന്ന് സിപിഎം പ്രവർത്തകർ തമ്മിലടിച്ചു. പ്രചരിക്കുന്ന ഈ വീഡിയോ കൊല്ലം ജില്ലയിലെ കുളത്തുപ്പുഴയില് NCP പ്രവര്ത്തകര് തമ്മിലുണ്ടായ സംഘര്ഷത്തിന്റേതാണ്. ഇതിന് സിപിഎം പ്രവര്ത്തകരുമായി യാതൊരു ബന്ധവുമില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software