About: http://data.cimple.eu/claim-review/53b9925231fc59dbf3d297fa38daf15b4021957edc5795f677c44d54     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പാലക്കാട് നിയമസഭാ മണ്ഡലത്തിലെ ഉപതിരഞ്ഞെടുപ്പ് പ്രചാരണം രണ്ടാം ഘട്ടത്തിലേക്ക് കടന്നിരിക്കുകയാണ്. പ്രധാന സ്ഥാനര്ഥികളെല്ലാം വോട്ടര്മാരെ നേരില് കാണുന്ന തിരക്കിലാണ്. അതിനിടെ കോണ്ഗ്രസ് സ്ഥാനാര്ഥിക്ക് വേണ്ടി കമ്മ്യൂണിസ്റ്റുകാര് പരസ്യമായി പ്രകടനം നടത്തിയെന്ന രീതിയില് ഒരു വീഡിയോ സമൂഹമാധ്യമങ്ങളില് പ്രചരിക്കുന്നുണ്ട്. കോണ്ഗ്രസ് സ്ഥാനാര്ഥി രാഹുല് മാങ്കൂട്ടത്തിലിന്റെ ചിത്രമുള്ള ടീ ഷേര്ട്ട് ധരിച്ച് ചുവന്ന നിറത്തിലുള്ള കൊടികളുമായി പ്രചാരണം നടത്തുന്ന ഒരുകൂട്ടം ആളുകളെ വീഡിയോയില് കാണാം. "പാലക്കാട് യുഡിഎഫ് സ്ഥാനാര്ത്ഥി രാഹുല് മാങ്കൂട്ടത്തിന് കമ്മ്യൂണിസ്റ്റ് പാര്ട്ടിയുടെ പിന്തുണയും പരസ്യമായി വോട്ട് അഭ്യര്ത്ഥനയും..... ഇതിപ്പോ എന്താ കഥ " എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. വൈറല് വീഡിയോയിലുള്ളത് യുഡിഎഫിന്റെ സഖ്യകക്ഷി ആര്എസ്പിയുടെ യൂത്ത് വിങ് ആയ ആര്വൈഎഫ് പ്രവര്ത്തകരാണ്. അന്വേഷണം വൈറല് വീഡിയോ സൂക്ഷ്മമായി നിരീക്ഷിച്ചപ്പോള് മുദ്രാവാക്യം വിളിക്കുന്നവരുടെ കൈകളിലുള്ള ചുവന്ന കൊടിയില് 'RYF'എന്ന് എഴുതിയിരിക്കുന്നത് അവ്യക്തമായി കാണാന് സാധിക്കുന്നുണ്ട്. 14 സെക്കന്റ് ദൈര്ഘ്യമുള്ള വീഡിയോയുടെ എട്ടാമത്തെ സെക്കന്റില് കൊടിയിലെ അക്ഷരങ്ങള് കാണാന് സാധിക്കും. പ്രസക്ത ഭാഗത്തിന്റെ സ്ക്രീന്ഷോട്ട് ചുവടെ കാണാം. യുഡിഎഫിന്റെ സഖ്യകക്ഷിയായ റെവല്യൂഷണറി സോഷ്യലിസ്റ്റ് പാര്ട്ടി(RSP)യുടെ യുവജന സംഘടനയാണ് റെവല്യൂഷണറി യൂത്ത് ഫ്രണ്ട് (RYF). ഈ സൂചന ഉപയോഗിച്ച് കീവേര്ഡ് സെര്ച്ച് നടത്തിയപ്പോള് രാഹുല് മാങ്കൂട്ടത്തിലിനു വേണ്ടി പാലക്കാട് മണ്ഡലത്തില് ആര്വൈഎഫ് പ്രചാരണം നടത്തിയതായി മാധ്യമ വാര്ത്തകള് ലഭ്യമായി. നവംബര് നാലിന് മാതൃഭൂമി നല്കിയ റിപ്പോര്ട്ടിന്റെ സ്ക്രീന്ഷോട്ട് ചുവടെ കാണാം. ഉപതിരഞ്ഞെടുപ്പില് യുഡിഎഫ് സ്ഥാനാര്ഥികള്ക്ക് വേണ്ടി ആര്വൈഎഫ് സംഘടിപ്പിക്കുന്ന പ്രചാരണ പരിപാടികള് സംബന്ധിച്ച വിവരങ്ങള് പാര്ട്ടിയുടെ ഔദ്യോഗിക സോഷ്യല് മീഡിയ പേജില് ലഭ്യമാണ്. 'റെഡ് സ്ക്വാഡ് ഫോര് രാഹുല് ' എന്ന മുദ്രാവാക്യം ഉയര്ത്തിയാണ് പാലക്കാട് ഉപതിരഞ്ഞെടുപ്പ് പ്രചാരണം ആര്വൈഎഫ് നടത്തുന്നത്. ഇന്നലെ പാലക്കാട് മണ്ഡലത്തില് നടത്തിയ പ്രകടനത്തിന്റെ വീഡിയോകളും ചിത്രങ്ങളും ആര്വൈഎഫ് പങ്കുവച്ചിട്ടുണ്ട്. ആര്വൈഎഫ് സംസ്ഥാന സെക്രട്ടറി ഉല്ലാസ് കോവൂര് ഉള്പ്പെടെയുള്ള നേതാക്കളാണ് മാര്ച്ചിന് നേതൃത്വം നല്കിയത്. വൈറല് വീഡിയോയിലും ഉല്ലാസ് കോവൂരിനെ കാണാം. ആര്വൈഎഫ് 'റെഡ് സ്ക്വാഡ് പ്രകടനം' സംബന്ധിച്ച് ജയ്ഹിന്ദ് ടിവി പങ്കുവച്ച റിപ്പോര്ട്ടിന്റെ വീഡിയോ (13.48 മിനിട്ട് മുതലുള്ള ഭാഗം) ഇവിടെ കാണാം. ലഭ്യമായ വിവരങ്ങളില് നിന്ന് വൈറല് വീഡിയോയിലുള്ളത് രാഹുല് മാങ്കൂട്ടത്തിലിനു വേണ്ടി പ്രചാരണം നടത്തുന്ന കമ്മ്യൂണിസ്റ്റ് പ്രവര്ത്തകരല്ലെന്നും കോണ്ഗ്രസിന്റെ സഖ്യകക്ഷിയായ ആര്എസ്പിയുടെ യുവജന സംഘടനാ പ്രവര്ത്തകരാണെന്നും വ്യക്തമായി. പാലക്കാട്ടെ കോണ്ഗ്രസ് സ്ഥാനാര്ഥി രാഹുല് മാങ്കൂട്ടത്തിലിനു വേണ്ടി പ്രചാരണം നടത്തുന്ന കമ്മ്യൂണിസ്റ്റ് പ്രവര്ത്തകര്. വൈറല് വീഡിയോയില് രാഹുല് മാങ്കൂട്ടത്തിലിന് വേണ്ടി പ്രചരണം നടത്തുന്നത് ഇടതുപക്ഷ പ്രവര്ത്തകരല്ല. യുഡിഎഫിന്റെ സഖ്യകക്ഷിയായ ആര്എസ്പിയുടെ യുവജന സംഘടനാ പ്രവര്ത്തകരാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software