About: http://data.cimple.eu/claim-review/604f0f98b9155a3a2b26b0ec86144e144a2a05c2b51c5576285d786d     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഹനുമാൻ ജയന്തി ഘോഷയാത്രക്കിടെ ഡൽഹിയിലെ ജഹാംഗീർപുരിയിൽ വർഗീയ കലാപമുണ്ടായിരുന്നു. എട്ട് പോലീസുകാരടക്കം അനവധിപേർക്ക് സംഘർഷത്തിൽ പരിക്കേറ്റിരുന്നു. സംഭവത്തെ തുടർന്ന് ജഹാംഗീർപുരിയിലെ സംഘർഷ പ്രദേശത്തെ വിദ്യാർത്ഥികളുടെ പഠന ചെലവ് ഏറ്റെടുക്കുമെന്ന് എസ്എഫ്ഐ അറിയിച്ചിരുന്നു. തുടർന്ന്, ഈ തീരുമാനത്തെ വിമർശിച്ചുകൊണ്ടും പരിഹസിച്ചുകൊണ്ടും പലവിധ പോസ്റ്റുകൾ സമൂഹമാധ്യമങ്ങൾ പ്രത്യക്ഷപ്പെട്ടിരുന്നു. എല്ലാ കുട്ടികൾക്കും വിദ്യാഭ്യാസം സൗജന്യമായ ഡൽഹിയിൽ പഠന ചെലവുകൾ ഏറ്റെടുക്കുന്നു എന്നത് പിരിവ് നടത്താനുള്ള വിദ്യാർത്ഥി സംഘടനയുടെ അടവാണ് എന്നാണ് പലരും ആരോപിച്ചത്. "പിരിവിൽ വഞ്ചിതരാകാരുത്..!! ഡൽഹിയിൽ വിദ്യാഭ്യാസം പൂർണമായും സൗജന്യമാണ്....!!!!!!!!", എന്ന കുറുപ്പിനൊപ്പം പ്രചരിക്കുന്ന പോസ്റ്റ് താഴെ കാണാം ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) നടത്തിയ അന്വേഷണത്തിൽ പോസ്റ്റിലെ വാദം തെറ്റിദ്ധരിപ്പിക്കുന്നതാണെന്ന് കണ്ടെത്തി. ഡൽഹിയിലെ സർക്കാർ സ്കൂളുകൾ നാമമാത്ര ഫീസ് മാത്രമാണ് വാങ്ങുന്നത്. എന്നാലിത് സ്വകാര്യ സ്കൂളുകൾക്കും ഉന്നത വിദ്യാഭ്യാസ സ്ഥാപനങ്ങൾക്കും ബാധകമല്ല. AFWA അന്വേഷണം ഡൽഹിയിൽ വിദ്യാഭ്യാസം സൗജന്യമോ? കേരള മോഡൽ ഗുജറാത്ത് മോഡൽ എന്നിവ പോലെ പലപ്പോഴും മാധ്യമങ്ങളിൽ ചർച്ച ആവാറുള്ളതാണ് ഡൽഹി മോഡൽ സ്കൂൾ സമ്പ്രദായം. ഡൽഹിയിലെ സ്കൂളുകളെപ്പറ്റി പഠിക്കാൻ കേരള വിദ്യാഭ്യാസ വകുപ്പ് സംഘത്തെ അയച്ചു എന്ന് എഎപി എംഎൽഎ അദിഷിയുടെ ട്വീറ്റിനോട് വിദ്യാഭ്യാസമന്ത്രി ശിവൻകുട്ടി പ്രതികരിച്ചതും അടുത്തിടെ വാർത്തയായിരുന്നു. ഡൽഹിയിൽ സ്കൂൾ വിദ്യാഭ്യാസം സൗജന്യം ആണോ എന്നറിയാൻ ഞങ്ങൾ നടത്തിയ ഗൂഗിൾ കീവെർഡ് സെർച്ചിൽ 2018ൽ പ്രസിദ്ധീകരിച്ച ഒരു ഇന്ത്യാ ടുഡേ റിപ്പോർട്ട് കണ്ടെത്താനായി. ഡൽഹി വിദ്യാഭ്യാസ വകുപ്പ് കൈകാര്യം ചെയ്യുന്ന ഉപമുഖ്യമന്ത്രി മനീഷ് സിസോഡിയ സർക്കാർ സ്കൂളുകളിൽ പന്ത്രണ്ടാം ക്ലാസ് വരെ വിദ്യാഭ്യാസം സൗജന്യമാക്കും എന്ന് പ്രഖ്യാപിക്കുന്നതായിരുന്നു വാർത്തയുടെ ഉള്ളടക്കം. പദ്ധതിപ്രകാരം ഡൽഹിയിലെ സർക്കാർ സ്കൂളുകളിൽ എട്ടാംക്ലാസ് വരെ ഫീസ് വാങ്ങുന്നില്ല എന്നും, ഒമ്പത് മുതൽ പന്ത്രണ്ടാം ക്ലാസ് വരെയുള്ള കുട്ടികൾ 20 രൂപ ഓരോമാസവും ഫീസ് അടയ്ക്കണം എന്നും മനസ്സിലാക്കാനായി. ഈ റിപ്പോർട്ട് താഴെ കാണാം. പൊതുവിദ്യാലയങ്ങളിൽ നാമമാത്ര ഫീസ് മാത്രമാണ് കുട്ടികൾ നൽകേണ്ടതെന്ന് ഇതിൽനിന്ന് കണ്ടെത്താനായി. എന്നാൽ ഡൽഹിയിൽ പ്രവർത്തിക്കുന്ന സ്വകാര്യ സ്കൂളുകൾ ഫീസ് വാങ്ങുന്നുണ്ട്. സ്വകാര്യ വിദ്യാഭ്യാസ സ്ഥാപനങ്ങൾ ഫീസ് ഉയർത്തുന്നതുമായി ബന്ധപ്പെട്ട് 2022 ഏപ്രിലിൽ പോലും ഡൽഹിയിൽ വിവാദങ്ങൾ ഉണ്ടായിരുന്നു. ഇതുമായി ബന്ധപ്പെട്ട റിപ്പോർട്ടുകൾ താഴെ കാണാം. ഇക്കാരണത്താൽ ഡൽഹിയിൽ വിദ്യാഭ്യാസം സമ്പൂർണ്ണമായും സൗജന്യമാണ് എന്ന് പറയാനാകില്ല എന്ന് മനസ്സിലായി. SFI പറഞ്ഞതെന്ത്? SFIക്കെതിരെ ആരോപണവുമായി പ്രചരിക്കുന്ന പോസ്റ്റുകളിൽ കാണുന്ന പോസ്റ്റർ വിദ്യാർത്ഥി സംഘടനയുടെ കേരള ഘടകത്തിന്റെ ഔദ്യോഗിക ഫേസ്ബുക്ക് പേജിൽ ഞങ്ങൾക്ക് കണ്ടെത്താനായി. ജഹാംഗീർപുരി സന്ദർശിച്ച സംഘടനയുടെ പ്രതിനിധികളിൽ ഉൾപ്പെട്ട കേന്ദ്ര സെക്രട്ടറിയേറ്റ് അംഗം നിതീഷ് നാരായണനുമായി ഞങ്ങൾ സംസാരിച്ചു. "പാർട്ടിയുമായി ചേർന്ന് ജഹാൻഗീർപുരിയിൽ ഒരു സർവേ നടന്നുകൊണ്ടിരിക്കുകയാണ്. ഇക്കൂട്ടത്തിൽ എത്ര വിദ്യാർത്ഥികൾ ഈ കുടുംബങ്ങളിലുണ്ട് , എവിടെ പഠിക്കുന്നു, പഠനോപകരണങ്ങൾ നഷ്ടപ്പെട്ടിട്ടുണ്ടോ, അവരുടെ വിദ്യാഭ്യാസത്തെ സംഘർഷം എങ്ങനെ ബാധിച്ചിരിക്കുന്നു എന്നൊക്കെ പരിശോധിക്കുന്നുണ്ട്. സർവേ പൂർത്തിയായശേഷം വേണ്ട സഹായങ്ങൾ മറ്റ് സംഘടനകളെക്കൂടി ഉൾപ്പെടുത്തിക്കൊണ്ട് വേണ്ട കാര്യങ്ങൾ ചെയ്യുക എന്നതാണ് SFI ഉദ്ദേശിക്കുന്നത്." "ഡൽഹിയിൽ വിദ്യാഭ്യാസം മുഴുവനായി സൗജന്യമാണ് എന്നത് നുണയാണ്. ഡൽഹി യൂണിവേഴ്സിറ്റിയിലെ അംബേദ്കർ യൂണിവേഴ്സിറ്റിയിലുമൊക്കെ ഒരു സെമസ്റ്റർ ഫീസ് എത്രയാണെന്ന് ഈ പറയുന്നവർക്ക് അറിയുമോ? പ്രീ പ്രൈമറി വിദ്യാഭ്യാസംപോലും ലക്ഷങ്ങളുടെ കച്ചവടമാണ് ഇവിടെ... ഡൽഹയിലെ പബ്ലിക് സ്കൂളുകൾ എന്ന് വിളിക്കുന്നവ പോലും ഫീസ് വാങ്ങുന്ന പ്രൈവറ്റ് സ്കൂളുകളാണ്. ഇതാണ് യഥാർത്ഥ ചിത്രം." സർവേയുടെ ഭാഗമായുള്ള കണ്ടെത്തലുകളും കണക്കെടുപ്പും പൂർത്തിയായിട്ടില്ലെന്നും, പൂർത്തിയാകുന്ന മുറക്ക് വിവരങ്ങൾ പരസ്യപ്പെടുത്തുമെന്നും ഫണ്ട് പിരിവ് ഉണ്ടാകുമെങ്കിൽ അതിന്റെ വിവരങ്ങളും ഇക്കൂട്ടത്തിൽ പുറത്തുവിടുമെന്നും നിതീഷ് കൂട്ടിച്ചേർത്തു. ഇതിൽനിന്ന് ഡൽഹിയിലെ കുട്ടികൾക്ക് വിദ്യാഭ്യാസം പരിപൂർണ്ണമായും സൗജന്യമാണ് എന്ന വാദം ശരിയല്ല എന്ന് ഉറപ്പിക്കാനായി. ഡൽഹിയിൽ വിദ്യാഭ്യാസം പൂർണമായും സൗജന്യമാണ്. ഡല്ഹിയില് വിദ്യാഭ്യസം പൂര്ണ്ണമായി സൗജന്യമല്ല. സര്ക്കാര് സ്കൂളുകളില് നാമമാത്ര ഫീസ് മാത്രമാണ് വാങ്ങുന്നത്. എന്നാല് സ്വകാര്യ സ്കൂളുകള്ക്കും ഉന്നത വിദ്യാഭ്യാസ സ്ഥാപനങ്ങള്ക്കും ഇത് ബാധകമല്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software