| schema:text
| - Rrena se Hashim Thaçi ka pësuar sulm në zemër
Deklarata
“Sulm në zemër Presidenti Thaqi dje Zot ndihmoj shërim te shpejt”
Vlerësimi
Rrenë
Informacioni i shpërndarë në rrjetin social “Tiktok” se Hashim Thaqi ka pësuar sulm në zemër është i rremë. KALLXO.com ka kontaktuar me Hajredin Kuçin nga ekipi i tij mbrojtës dhe ka demantuar këtë informacion. Ai ka thënë se dje (27.04.2023) është takuar me Thaçin dhe ai është mirë me shëndet e nuk ka pësuar sulm në zemër.
Artikulli
Më 26 prill 2023, faqja me emrin “UÇK ma thojnë emrin” në TikTok, ka publikuar një fotografi të ish-presidentit të Kosovës, Hashim Thaçi dhe me përshkrimin se ai ka pësuar sulm në zemër.
KALLXO.com ka kontaktuar me Hajredin Kuçin, pjesë e ekipit mbrojtës të Thaçit. Ai ka demantuar këtë deklaratë duke thënë se dje (27.04.2023) ka takuar Thaçin, i cili është mirë me shëndet dhe nuk ka pësuar sulm në zemër.
Ish-krerët e Ushtrisë Çlirimtare të Kosovës: Hashim Thaçi, Kadri Veseli, Rexhep Selimi dhe Jakup Krasniqi po akuzohen për krime të pretenduara lufte dhe krime kundër njerëzimit.
Aktakuza fillestare kundër katër të akuzuarve u konfirmua më 26 tetor 2020 dhe u bë publike më 5 nëntor 2020.
Më 22 korrik 2021, gjyqtari i procedurës paraprake pranoi pjesërisht mocionet e mbrojtjes dhe urdhëroi prokurorinë të korrigjojë dhe ndryshojë aktakuzën, ndër të tjera, duke përjashtuar përgjegjësinë e ndërmarrjes së përbashkët kriminale III për krimet me dashje të veçantë. Prokuroria e ngriti aktakuzën e ndryshuar më 3 shtator 2021.
Më 23 dhjetor 2021, gjyqtari i procedurës paraprake i dha leje prokurorisë për të ndryshuar aktakuzën në mënyrë që të përfshijë një sërë pretendimesh të reja. Më 22 korrik 2022, gjyqtari i procedurës paraprake pranoi, pjesërisht, kërkesën e mbrojtjes së Thaçit që pretendonte për defekte në aktakuzën e fundit dhe urdhëroi prokurorinë që të paraqesë një aktakuzë të ndryshuar më tutje, me informacion shtesë për akuzat aktuale.
Më 29 shtator 2022, gjyqtari i procedurës paraprake pranoi kërkesën e prokurorinë për tërheqjen e pretendimeve për krime në komunën e Ferizajt nga aktakuza e cila u ngrit më 30 shtator. 2022. Një version më pak i redaktuar i aktakuzës është ngritur më 27 shkurt 2023.
Të katër akuzuarit janë deklaruar të pafajshëm në lidhur me pretendimet e prokurorisë së Speciales.
Të gjitha raportimet e KALLXO.com lidhur me këtë proces gjyqësor në Hagë mund t`i lexoni duke klikuar në LINK
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)