| schema:text
| - Publikimi i rremë që “minatorët e Trepçës kanë protestu për Jugosllavinë e Isa Mustafes”
Deklarata
20 shkurt 1989, 1300 minator grevist qe ja dridhen themelet Jugosllavise Isa Mustafes
Vlerësimi
Me kos
Titulli i postimit “20 shkurt 1989, 1300 minator grevist qe ja dridhen themelet Jugosllavise Isa Mustafes” është i rremë. Minatorët e Trepcës nuk kanë hyrë në grevë kundër Jugosllavisë, por kanë hyrë në grevë të urisë kundër regjimit fashist të Sllobodan Millosheviqit, pas propozimeve për revokimin e autonomisë së Kosovës si krahinë e Jugosllavisë. Isa Mustafa ka mbajtur poste publike në ish-Jugosllavi para vitit 1990, por nuk ka qenë aq i pushtetshëm sa të identifikohet si Jugosllavia e Isa Mustafës.
Artikulli
Më 20 shkurt 2023 në faqen e Facebook-ut, ‘Diaspora me Albinin’, është publikuar një informacion lidhur me grevën e minatorëve të Trepçës në përvjetorin e grevave të vitit 1989.
Në përshkrim thuhet: “20 shkurt 1989, 1300 minator grevist qe ja dridhen themelet Jugosllavise Isa Mustafes”.
Ky informacion është i rremë. Minatorët nuk kanë protestuar për Jugosllavinë e ish kryeministrit të Kosovës, Isa Mustafa.
Minatorët e Trepçës, para 34 viteve kanë hyrë në grevë të urisë kundër regjimit fashist të Sllobodan Millosheviqit, pas propozimeve për revokimin e autonomisë së Kosovës si krahinë e Jugosllavisë.
Kjo grevë urie ishte tetë-ditore e cila u mbajt nga rreth 1 mijë e 200 minatorëve kosovarë në minierat e plumbit dhe zinkut të Trepçës në 1989, duke shënuar kështu fillimin e zhbërjes së Republikës Socialiste Federative të Jugosllavisë.
Greva e urisë ishte një moment vendimtar që frymëzoi rezistencën politike dhe caktoi rrugën drejt konfliktit të armatosur midis forcave të Millosheviçit dhe Ushtrisë Çlirimtare të Kosovës në vitet 1990.
Ish-Kryeministri i Kosovës, Isa Mustafa ka mbajtur pozita udhëheqëse para viteve të 90-ta. Ai kishte treguar se për katër vite ka qenë kryetar i këshillit ekzekutiv të Prishtinës, 2 herë nga 2 vite. Përveç kësaj, Mustafa ka thënë se ka qenë drejtor i entit për zhvillim të Kosovës i cili është marrë me planifikim të zhvillimit vjetor apo 5 vjecar. I njëjti Entitet ka pasë kompetenca ekonomike e zhvillimore, sepse kemi përgatitë planin zhvillimor 5 vjeçar të Kosovës. Drejtori prej pozitës së tij me automatizëm ka qenë pjesë e Qeverisë së Kosovës, për çështje ekonomike.
Pas vitit 1990, në kohën e LDK-së, Mustafa e ka udhëhequr Qeverinë e Kosovës që ka operuar kryesisht në ekzil.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)