About: http://data.cimple.eu/claim-review/6a2d3430521d7a4c185980302df1e3d422151b060a41882d07c70f77     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഇസ്രയേല്-ഹമാസ് സംഘര്ഷം ആരംഭിച്ചിട്ട് 48 ദിവസം പിന്നിട്ടിരിക്കുകയാണ്. ഇതിനിടെ ഗാസയിലെ അല് ഷിഫ ആശുപത്രിക്കു സമീപം ഹമാസ് നിര്മിച്ച തുരങ്കമാണെന്ന് അവകാശപ്പെട്ട് ഒരു വീഡിയോ ഇസ്രയേല് സേന പുറത്തുവിട്ടിരുന്നു. ഇതേപ്പറ്റി നിരവധി വാദപ്രതിവാദങ്ങളും നടക്കുന്നുണ്ട്. അതിനിടെ ഗാസയില് ഹമാസ് നിര്മിച്ച തുരങ്കത്തിന്റെ വീഡിയോ ആണെന്ന് അവകാശപ്പെട്ട് മറ്റൊരു ദൃശ്യം സമൂഹമാധ്യമങ്ങളില് ഇപ്പോള് വൈറലാണ്. ഒരു തുരങ്ക പാതയിലൂടെ സഞ്ചരിച്ച് ഒപ്പമുള്ളവര്ക്ക് വിവരണം നല്കുന്ന ഒരു ഇസ്രയേലി സൈനികനും ഏതാനും പേരും ദൃശ്യങ്ങളിലുണ്ട്. "ഗാസയിലെ ഹമാസിന്റെ ഒരു ടണല് ആണ്. ഇപ്പൊള് ഇസ്രയേല് സൈന്യത്തിന്റെ നിയന്ത്രണത്തില്.. ലോക രാജ്യങ്ങള് അവിടെയുള്ള പാവപെട്ട ജനങ്ങള്ക്ക് അയച്ചു കൊടുക്കുന്ന ഫണ്ട് മൊത്തം ഇവന്മാര് ഇതൊക്കെ നിര്മ്മിക്കാനാണ് ഉപയോഗിച്ചത് ഇത് കണ്ടാല് തന്നെ അറിയാം" എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്താനായി. ഇത് ഹമാസ് ഗാസയില് നിര്മിച്ച തുരങ്കമല്ല, ലെബനനില് നിന്ന് ഇസ്രയേലിലേക്ക് ഹിസ്ബുള്ള നിര്മിച്ച തുരങ്കമാണ്. അന്വേഷണം വൈറല് വീഡിയോയുടെ കീ ഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് സമാനമായ തുരങ്കത്തിന്റെ ദൃശ്യങ്ങള് ഉള്പ്പെടുന്ന വീഡിയോ Estadao എന്ന ബ്രസീലിയന് മാധ്യമത്തിന്റെ വേരിഫൈഡ് യുട്യൂബ് പേജില് കണ്ടെത്താനായി. "ഒരു ഹിസ്ബുള്ള തുരങ്കത്തിനുള്ളില്: ഇവര് ഉപയോഗിക്കുന്ന തുരങ്കങ്ങള് എങ്ങനെയുണ്ടെന്ന് കാണൂ" എന്നാണ് 2023 മാര്ച്ച് 24ന് പോസ്റ്റ് ചെയ്ത വീഡിയോയ്ക്ക് പോര്ച്ചുഗീസ് ഭാഷയില് നല്കിയിരിക്കുന്ന അടിക്കുറിപ്പ്. വിദേശകാര്യ മന്ത്രാലയത്തിന്റെ പ്രത്യേക ക്ഷണപ്രകാരം ഇസ്രയേല് സന്ദര്ശനം നടത്തിയ ബ്രസീലിയന് മാധ്യമങ്ങളോടൊപ്പമാണ് Estadao തുരങ്കത്തില് എത്തിയതെന്ന് വിവരണത്തില് വ്യക്തമാക്കുന്നുണ്ട്. ലെബനന് അതിര്ത്തി പങ്കിടുന്ന ഗൊലാന് കുന്നുകളില് 2019ലാണ് ഇസ്രയേല് സേന ഈ തുരങ്കം കണ്ടെത്തിയത്. 70 മീറ്റര് ആഴവും ഒരു കിലോമീറ്റര് നീളവുമുള്ള നിര്മിതിയാണിതെന്നും Estadao റിപ്പോര്ട്ടില് പറയുന്നു. മാധ്യമപ്രവര്ത്തകര് തുരങ്കം സന്ദര്ശിക്കുന്ന വീഡിയോ മറ്റൊരു ബ്രസീലിയന് മാധ്യമമായ SBT ന്യൂസും പങ്കുവച്ചിട്ടുണ്ട്. ഈ സൂചനകള് ഉപയോഗിച്ചുള്ള കീവേര്ഡ് സെര്ച്ചില് റോയിട്ടേഴ്സ് 2019 ജൂണ് മൂന്നിന് നല്കിയ റിപ്പോര്ട്ട് ലഭ്യമായി. ലെബനനില് നിന്ന് വടക്കന് ഇസ്രായേലിലേക്ക് ഭൂഗര്ഭത്തിലൂടെ കടന്നുപോകുന്ന അത്യാധുനിക സംവിധാനങ്ങളുള്ള തുരങ്കത്തിന്റെ ഉള്വശം ഇസ്രായേല് സൈന്യം പുറത്തുവിട്ടു എന്നാണ് റിപ്പോര്ട്ട്. ഇക്കാര്യം ഇസ്രയേല് സൈനിക വക്താവ് വിശദീകരിക്കുന്ന ചിത്രങ്ങളും വാര്ത്തയിലുണ്ട്. ലെബനന് അതിര്ത്തിയില് ഏകദേശം ഒരു കിലോമീറ്റര് ദൂരെ നിന്ന് ആരംഭിച്ച് ഇസ്രയേലിലെ സാരിറ്റ്(ZARIT) പട്ടണത്തിന് സമീപം വരെയാണ് തുരങ്കത്തിന്റെ ദൈര്ഘ്യം. ഏകദേശം 80 മീറ്റര് (265 അടി) ആഴത്തിലാണ് തുരങ്കപാത നിര്മിച്ചിട്ടുള്ളതെന്നും റിപ്പോര്ട്ടിലുണ്ട്. റോയിട്ടേഴ്സ് വാര്ത്തയുടെ സ്ക്രീന് ഷോട്ട് താഴെ കാണാം. ഹിസ്ബുള്ള തുരങ്കപാത കണ്ടെത്തിയ സൈനിക ദൗത്യം സംബന്ധിച്ച് 2019 മെയ് 30ന് 'ടൈംസ് ഓഫ് ഇസ്രയേല്' നല്കിയ വാര്ത്ത ഇവിടെ വായിക്കാം. പ്രസ്തുത ദൗത്യം സംബന്ധിച്ച് ഇസ്രയേല് ഡിഫന്സ് ഫോഴ്സ് (IDF) നല്കിയ വിശദീകരണം താഴെ കാണാം. ഇപ്പോള് പ്രചരിക്കുന്ന ദൃശ്യത്തിലുള്ളത് ഹമാസ് ഗാസയില് നിര്മിച്ച തുരങ്കം അല്ലെന്നും ഹിസ്ബുള്ള ലെബനനില് നിന്ന് ഇസ്രയേലിലേക്ക് നിര്മിച്ച തുരങ്കമാണെന്നും റോയിട്ടേഴ്സിനോട് IDF സ്ഥിരീകരിച്ചിട്ടുണ്ട്. ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് വ്യക്തം. ഹമാസ് ഗാസയില് നിര്മിച്ച തുരങ്കം ഇസ്രയേല് സേന പിടിച്ചെടുക്കുന്നു. ഇത് ലെബനനില് നിന്ന് ഇസ്രയേലിലേക്ക് ഹിസ്ബുള്ള നിര്മിച്ച ഭൂഗര്ഭ പാതയാണെന്ന് വ്യക്തമാക്കി ഇസ്രയേല് സേന 2019ല് പുറത്തുവിട്ട തുരങ്കത്തിന്റെ വീഡിയോ ആണ്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 8 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software