| schema:text
| - Fotografia e fabrikuar e Albin Kurtit në prag të Zgjedhjeve
Deklarata
“Po bëhem sikur po falna, vetëm sa për t’ua marrë votat atyre që e quajnë veten myslimanë, pastaj e miratoj edhe ligjin për homoseksualët”
Vlerësimi
Rrenë
Është e fabrikuar fotografia e Albin Kurtit duke u falur në Xhami, e publikuar me mbishkrimin “Po bëhem sikur po falna, vetëm sa për t’ua marrë votat atyre që e quajnë veten myslimanë, pastaj e miratoj edhe ligjin për homoseksualët”. Në internet nuk figuron ndonjë deklarim i tillë nga kryeministri i Kosovës, Albin Kurti. Kjo fotografi është publikuar në kohë të fushatës elektorale, në të cilën temë e diskutimit në mes të partive politike ka qenë edhe Kodi Civil dhe të drejtat e komuniteteve LGBTQ+.
Artikulli
Më 13.01.2025, faqja në Facebook PDK Nëndega Fshati Oshlan (arkiva) ka publikuar një fotografi në të cilën shihet kandidati për Kryeministër nga Lëvizja Vetëvendosje, njëherit Kryeministrit aktual Albin Kurtit, i veshur si pelegrin.
“Po bëhem sikur po falna, vetëm sa për t’ua marrë votat atyre që e quajnë veten myslimanë, pastaj e miratoj edhe ligjin për homoseksualët”- është shkruar në fotografi.
Pas kërkimit me maqinën e kërkimit të imazheve Pim Eyes, Krypometër ka gjetur se fytyra e Kurtit është përdorë për të prodhuar këtë fotografi.
Tutje, përmes kërkimit në Google Lens, Krypometër ka gjetur se e njëjta fotografi është publikuar edhe në disa faqe të tjera, të cilat kishin treguar se fotografia është prodhuar nga Inteligjenca Artificiale.
“🔴Intelegjenca Artificiale imagjinon Albinin pas udhëzimit❗️”- thuhet në postimin e bërë në Instagram nga faqja gGazetaNeutral.
Tutje, Krypometër ka kërkuar në internet nëse është publikuar deklarata që pretendohet se e ka thënë Kurti, mirëpo nuk ka gjetur asnjë rezultat që Kryeministri është deklaruar ashtu.
Kjo fotografi është publikuar në kohën e fushatës elektorale, në të cilën një prej temave të diskutuara ka qenë edhe miratimi i Kodit Civil që parashihte bashkëjetesën në mes të personave të gjinisë së njëjtë.
Albin Kurti është Kryetar i Lëvizjes Vetëvendosje dhe Kryeministër i Kosovës, e njëkohësisht kandidat për Kryeministër për një mandat të ri në Zgjedhjet që pritet të mbahen më 09.02.2025.
Projektkodi Civil
Më 16 mars të vitit 2022, Projektkodi Civil nuk e mori mbështetjen në parim nga deputetët e Kuvendit të Kosovës. Mospajtime dhe debate të ashpra përcollën leximin e parë, përderisa të gjitha kritikat lidheshin me Nenin 1138 që do të mundësonte hartimin e një Ligji të posaçëm, përmes së cilit do të lejohej regjistrimi i “bashkësive civile” ndërmjet personave me gjini të njëjtë. Sipas Projektkodit Civil, në Kapitullin II, saktësisht Neni 1138 thuhet se martesa është bashkësi e regjistruar ligjërisht ndërmjet dy bashkëshortëve të sekseve të ndryshme, me anë të së cilës ata lirshëm vendosin që të jetojnë së bashku si burrë e grua.
“Martesa është bashkësi jetësore e vazhdueshme e burrit dhe e gruas, ligjërisht e rregulluar. Martesa lidhet me dhënien e pëlqimit të burrit dhe të gruas dhe nënshkrimin e tyre para zyrtarit të gjendjes civile.”- thuhet në Projektkod.
Ndërkaq, për personat me sekse të njëjta thuhet se bashkësitë e regjistruara civile mes tyre janë të lejuara.
Seancat e rregullta të Kuvendit zakonisht zhvillohen çdo të enjte, mirëpo në asnjë të enjte Projekt-kodi nuk u dërgua para ligjvënësve apo në Qeveri.
Kurti kishte premtuar se do të kalonte Kodi Civil.
“Ne do të bëjmë maksimumin që Kodi Civil herën e ardhshme të kalojë suksesshëm në Parlament.”- theksoi kryeministri Kurti.
Kundër këtij Projekt-kodi ishin shprehur edhe institucionet fetare në Kosovë. Kryesia e Bashkësisë Islame të Kosovës, Ipeshkvia e Kosovës, Kisha Protestante Ungjillore e Kosovës dhe Bashkësia Hebraike e Kosovës më anë të një deklarate të përbashkët patën kundërshtuar nismën e institucioneve të vendit për shqyRtimin e Projekt-kodit Civil të Kosovës, që ka të bëjë me rregullimin e martesës mes personave të gjinisë së njëjtë me një Ligj tjetër të veçantë.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)