| schema:text
| - Fri Jul 19 2024 13:45:45 GMT+0000 (Coordinated Universal Time)
ఫ్యాక్ట్ చెక్: సోనియా గాంధీ సిగరెట్ పట్టుకున్నట్లుగా అనిపించే ఫోటోను ఏఐ ద్వారా మార్ఫింగ్ చేశారు
కాంగ్రెస్ అధినేత్రి సోనియా గాంధీ సిగరెట్ పట్టుకుని ఉన్న పాత ఫోటో
Claim :కాంగ్రెస్ అధినేత్రి సోనియా గాంధీ సిగరెట్ పట్టుకుని ఉన్న పాత ఫోటో
Fact :వైరల్ చిత్రాన్ని మార్ఫింగ్ చేశారు. అసలు చిత్రంలో సోనియా గాంధీ లేరు
ఈ రోజుల్లో AI ద్వారా రూపొందించిన చిత్రాలు సోషల్ మీడియాలో ట్రెండ్ అవుతున్నాయి. వినియోగదారులు తమ సొంత చిత్రాలను మరింత ఆకర్షణీయంగా, సెలబ్రిటీలను పోలి ఉండేలా మార్ఫ్ చేయడానికి AI సాధనాలను ఉపయోగిస్తున్నారు. గ్రాఫిక్ డిజైనర్లు కూడా AI ప్రపంచంలోకి అడుగుపెట్టారు, ఇది వారి పనిని సులభతరం, వేగవంతం చేస్తుంది. అయితే.. కొందరు వ్యక్తులు చిత్రాలను మార్ఫింగ్ చేయడానికి ఈ AI సాధనాలను దుర్వినియోగం చేస్తున్నారు. గతంలో రష్మిక మందన్న, కాజోల్, కత్రినా కైఫ్ లాంటి సెలబ్రిటీలు ఇలాంటి సమస్యలను ఎదుర్కొన్నారు.
కాంగ్రెస్ పార్టీ అధినేత్రి సోనియా గాంధీ సిగరెట్ పట్టుకుని ఉన్న బ్లాక్ అండ్ వైట్ ఫోటో సోషల్ మీడియాలో వైరల్ అవుతోంది. ఈ చిత్రం మార్ఫింగ్ చేశారని అంటున్నారు.
"ଆଜିକୁ ପ୍ରାୟ ଛ ସାତ ଦଶକ ତଳର ଫଟୋ, କହିଲ ଦେଖି ଏ କିଏ ?" అనే ఒడియా టెక్స్ట్ తో ఈ ఫోటోను వైరల్ చేస్తున్నారు. "ఈ ఫోటో దాదాపు ఆరు లేదా ఏడు దశాబ్దాల క్రితం నాటిది. ఆమె ఎవరో ఎవరైనా చెప్పగలరా?" అంటూ పోస్టులు పెడుతున్నారు.
ఫ్యాక్ట్ చెకింగ్:
వైరల్ అవుతున్న వాదనలో ఎలాంటి నిజం లేదు. ఈ ఫోటోను డిజిటల్ గా ఎడిట్ చేశారు.
వైరల్ అవుతున్న వాదనలో ఎలాంటి నిజం లేదని మేము కనుగొన్నాము. అసలు చిత్రంలో సిగరెట్ పట్టుకున్న మహిళ కాంగ్రెస్ అధినేత్రి సోనియా గాంధీ కాదు.
రివర్స్ ఇమేజ్ సెర్చ్ చేయగా.. ఈ ఫోటో కాసా లిబియా అనే ఫేస్బుక్ పేజీ ద్వారా షేర్ చేశారని మేము కనుగొన్నాము. “ఇరానియన్ మహిళ సిగరెట్ తాగుతోంది. ఇరాన్, 2012. ఫోటో: ఫర్జాద్ సర్ఫరాజీ.”(“Iranian woman smoking a cigarette. Iran, 2012. Photo: Farzad Sarfarazi.”) అనే క్యాప్షన్ తో ఫోటోను పోస్టు చేశారు.
మేము Googleలో “Farzad Sarfarazi photography” అనే కీవర్డ్ని సెర్చ్ చేసినప్పుడు, dasculturas.com అనే వెబ్సైట్ని మేము కనుగొన్నాము. అదే ఫోటోగ్రాఫ్ను “పర్షియన్ | ఇరాన్ | 2012లో ఫర్జాద్ సర్ఫరాజీ ఫోటో తీశారని వివరణ ఉండడం గమనించవచ్చు.
అనేక మంది వినియోగదారులు ఒకే ఫోటోగ్రాఫ్ను షేర్ చేశారని కూడా మేము కనుగొన్నాము
మీరు నిశితంగా గమనిస్తే, చిత్రం కుడి దిగువన “రిమార్క్” అని చూపే వాటర్మార్క్ కనిపిస్తుంది. మేము దీని కోసం Googleలో శోధించినప్పుడు, Remark అనేది "AI ఫేస్ స్వాప్ ఆన్లైన్" సాధనం. అనేక ఫీచర్లను అందించే AI సాధనం అని మేము కనుగొన్నాము. ఈ ఉచిత ఆన్లైన్ ఫేస్ ఛేంజర్ ఫోటోలలో ఒకరి ముఖం ప్లేస్ లో మరొకరి ముఖాన్ని ఉంచవచ్చు.
కాబట్టి, వైరల్ అవుతున్న వాదనలో ఎలాంటి నిజం లేదని మేము కనుగొన్నాము. సిగరెట్ పట్టుకుని ఉన్న మహిళ ఫొటోను సోనియా గాంధీగా మార్ఫింగ్ చేశారు.
News Summary - Fact Check Viral image showing Sonia Gandhi holding a cigarette is AI-morphed
Claim : కాంగ్రెస్ అధినేత్రి సోనియా గాంధీ సిగరెట్ పట్టుకుని ఉన్న పాత ఫోటో
Claimed By : Social Media Users
Claim Reviewed By : Telugupost Fact Check
Claim Source : Social Media
Fact Check : False
Next Story
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)