About: http://data.cimple.eu/claim-review/7de371900c590d097f60d9f75aeab045113ad87364415f124805c34e     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • സമൂഹമാധ്യമങ്ങളിൽ വർഗീയമായ ആരോപണങ്ങൾ ഉന്നയിക്കുന്ന പോസ്റ്റുകളിൽ പൊതുവേ കാണുന്ന വാക്കാണ് ജിഹാദ്. മതതീവ്രവാദവുമായി ബന്ധപ്പെട്ട ആരോപണങ്ങൾ ഉണ്ടാകുമ്പോഴാണ് 'ജിഹാദി', 'ജിഹാദ്' പരാമർശങ്ങൾ കൂടുതലായി കാണുന്നത്. ഇത്തരം ആരോപണങ്ങൾ മിക്കതും അടിസ്ഥാനരഹിതമാണെന്ന് പിന്നീട് തെളിയാറുണ്ട്. മലയാള സമൂഹമാധ്യമങ്ങളിൽ ബെൽറ്റ് ബോംബ് ഉപയോഗിച്ച് സൈനികരെ വധിക്കാൻ ശ്രമിച്ച വൃദ്ധന്റെ ചിത്രം ഇങ്ങനെ പ്രചരിക്കുന്നുണ്ട്. "ഇയാൾ ശരീരത്തിൽ ഭദ്രമായി കെട്ടിവച്ച് കൊണ്ട് വന്നിരിയ്ക്കുന്നത് സർക്കാർ നൽകിയ ദുരിതാശ്വാസ ഭക്ഷ്യധാന്യം അല്ല നൂറു ജവാന്മാരെ വധിയ്ക്കാനുള്ള ബെൽറ്റ് ബോംബ് ആണ്. ചാകാൻ കിടക്കുന്ന കിളവനും ജിഹാദി....72 ഹൂറികളുടെ മഹത്വം പറഞ്ഞാൽ മനസിലാകില്ല..."എന്ന തലക്കെട്ടോടെയാണ് ചിത്രം ഫേസ്ബുക്കിൽ പ്രചരിക്കുന്നത്. ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) നടത്തിയ അന്വേഷണത്തിൽ വാദം തെറ്റിദ്ധരിപ്പിക്കുന്നതാണെന്ന് കണ്ടെത്തി. ഈ ചിത്രം ഇന്ത്യയിൽ നിന്ന് പകർത്തിയതല്ല. 2014ൽ പാകിസ്ഥാൻ-അഫ്ഗാനിസ്ഥാൻ അതിർത്തി വഴി ഹാഷിഷ് കടത്താൻ ശ്രമിക്കവേ പിടിയിലായ ആളുടെ ചിത്രമാണിത്. AFWA അന്വേഷണം പോസ്റ്റിൽ ആരോപിക്കുന്നതുപോലെ 100 സൈനികരെ വധിക്കാൻ ശേഷിയുള്ള സ്ഫോടകവസ്തുക്കളുമായി ഒരു ചാവേർ പോരാളി പിടിയിലായിരുന്നെങ്കിൽ തീർച്ചയായും അത് വലിയ മാധ്യമ വാർത്തയാകും. എന്നാൽ ഇത്തരത്തിലുള്ള വാർത്തകളൊന്നും സമീപകാലത്ത് നിന്ന് കണ്ടെത്താനായില്ല. ചിത്രം റിവേഴ്സ് ഇമേജ് സെർച്ച് ചെയ്തു പരിശോധിച്ചപ്പോൾ ചില പഴയ ഫാക്ട് ചെക്ക് റിപ്പോർട്ടുകൾ ലഭ്യമായി. 2019ൽ പ്രസ്തുത ചിത്രം സമാനമായ ആരോപണവുമായി വൈറലായപ്പോൾ 'ദ് പ്രിന്റ്', 'ആൾട്ട് ന്യൂസ്' എന്നീ മാധ്യമങ്ങൾ നൽകിയ റിപ്പോർട്ടുകളായിരുന്നു ഇവ. ഈ രണ്ടു റിപ്പോർട്ടുകളും ചിത്രത്തിന്റെ സത്യാവസ്ഥ മുമ്പുതന്നെ പുറത്തുവിട്ട മലേഷ്യൻ മാധ്യമത്തിന്റെ ലിങ്കും നൽകിയിരുന്നു. ഈ റിപ്പോർട്ടുകൾ പ്രകാരം പ്രചരിക്കുന്ന വാർത്ത തെറ്റാണ്. ചിത്രത്തിലുള്ള ആൾ സൈനികരെ ലക്ഷ്യംവെച്ചെത്തിയ ചാവേർ ബോംബറല്ല. വൃദ്ധൻ ശരീരത്തിൽ വെച്ച് കെട്ടിയിരിക്കുന്നത് ഹാഷിഷ് എന്ന ലഹരി പദാർത്ഥമാണ്. സൈനികരുടെ ശ്രദ്ധയിൽപ്പെടാതെ അന്താരാഷ്ട്ര അതിർത്തി വഴി ഇത് കടത്തുന്നതിനായി ശരീരത്തിൽ വച്ച് കെട്ടിയിരുന്നതാണ് സ്ഫോടകവസ്തുവായി സമൂഹമാധ്യമങ്ങളിൽ പലരും ചിത്രീകരിക്കുന്നത്. 2014ൽ പാകിസ്താനി മാധ്യമപ്രവർത്തകനായ സഫ്ദർ ദാവറും ഈ ചിത്രം ട്വീറ്റ് ചെയ്തിരുന്നതും കണ്ടെത്താനായി. Man with hashish jacket on turkhum border. pic.twitter.com/f04yuy0T9a— Safdar Dawar (@DawarSafdar) December 27, 2014 പാകിസ്ഥാനും അഫ്ഗാനിസ്ഥാനും ഇടയിലുള്ള തോർഖം അതിർത്തി വഴി ലഹരിവസ്തു കടത്താൻ ശ്രമിക്കവെയാണ് പാകിസ്ഥാൻ സൈനിക ഉദ്യോഗസ്ഥർ വൃദ്ധനെ അറസ്റ്റ് ചെയ്തതെന്നാണ് റിപ്പോർട്ടുകൾ സൂചിപ്പിക്കുന്നത്. ഇന്ത്യൻ സമൂഹമാധ്യമങ്ങളിൽ സൈനികരെ ലക്ഷ്യംവെച്ച ചാവേർ ബോംബറുടെ ചിത്രം എന്ന നിലയിൽ പ്രചരിക്കപ്പെട്ടപ്പോൾ ISIS തീവ്രവാദി പിടിക്കപ്പെട്ടു എന്ന നിലയിലാണ് മറ്റുചില ദേശങ്ങളിൽ ചിത്രം പ്രചരിച്ചിരുന്നതെന്ന് മലേഷ്യൻ മാധ്യമ റിപ്പോർട്ട് പരിശോധിച്ചപ്പോൾ കണ്ടെത്താനായി. അതുകൊണ്ട് പിടിക്കപ്പെട്ട ചാവേർ ജിഹാദിയുടെ ചിത്രം എന്ന നിലയിൽ പ്രചരിക്കുന്നത് 2014ൽ കള്ളക്കടത്തിനിടയിൽ പാകിസ്ഥാൻ സൈന്യത്തിന്റെ കൈയ്യിൽ അകപ്പെട്ട ആളുടെ ചിത്രമാണെന്ന് ഉറപ്പിക്കാനായി. സൈനികരെ ലക്ഷ്യമിട്ട് ചാവേർ സ്ഫോടനം നടത്താനെത്തിയ വൃദ്ധനെ പിടികൂടിയ ചിത്രം. ചിത്രത്തിലെ വൃദ്ധൻ ശരീരത്തിൽ വച്ച് കെട്ടിയിരിക്കുന്നത് സ്ഫോടകവസ്തുവല്ല. 2014ൽ അഫ്ഗാൻ-പാകിസ്ഥാൻ അതിർത്തിവഴി ലഹരിവസ്തു കടത്തവെ പിടിയിലായ ആളുടെ ചിത്രമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software