About: http://data.cimple.eu/claim-review/7fba7631d5d09cb722262cf18d03c146120ea70dbc6d6f66794afbe4     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • രാഷ്ട്രീയ കേരളം ഉറ്റുനോക്കിയിരുന്ന തൃക്കാക്കര ഉപതിരഞ്ഞെടുപ്പ് ഫലം വന്നതോടെ ആവേശത്തിലായിരിക്കുകയാണ് കോണ്ഗ്രസുകാര്. ഏറെ നാളുകള്ക്ക് ശേഷം പര്ട്ടിക്ക് ലഭിച്ച അവസരം കോണ്ഗ്രസ് പ്രവര്ത്തകര് ആഘോഷിക്കുകയാണ്. അതിനിടെ കോണ്ഗ്രസ്-എസ്ഡിപിഐ രഹസ്യബന്ധം തൃക്കാക്കരയില് ഉണ്ടായിരുന്നു എന്ന് അവകാശപ്പെട്ട് സമൂഹമാധ്യമങ്ങളില് പ്രചാരണങ്ങളും സജീവമാണ്. അത്തരത്തിലൊരു വീഡിയോ ഇപ്പോള് വൈറലായിരിക്കുകയാണ്. ' തൃക്കാക്കരയില് കോണ്ഗ്രസിന് വോട്ട് കൊടുത്ത സുഡാപ്പികള്ക്ക് നന്ദി പറഞ്ഞു കൊണ്ട് കോണ്ഗ്രസ് നടത്തിയ പ്രകടനം' എന്നുള്ള കുറിപ്പിനൊപ്പം പ്രചരിക്കുന്ന വീഡിയോയുടെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഈ വീഡിയോ തൃക്കാക്കരയില് നിന്നുള്ളതല്ല. AFWA അന്വേഷണം പ്രചരിക്കുന്ന വീഡിയോ ക്ലാരിറ്റി ഇല്ലാത്തതാണ്. എന്നാല്, കോണ്ഗ്രസ് പ്രവര്ത്തകരുടെ പ്രകടനമാണെന്ന് കൊടികളില് നിന്ന് മനസിലാക്കാം. ഒരു ബാനര് പിടിച്ച് അതിനു പിന്നിലായാണ് രോഷാകുലരായ പ്രവര്ത്തകര് കടന്നുപോകുന്നത്. എസ്ഡിപിഐയ്ക്ക് എതിരായ മുദ്രാവാക്യം രൂക്ഷമായ ഭാഷയിലുമാണ്. തുടര്ന്ന് ഞങ്ങള് എറണാകുളത്ത്, എസ്ഡിപിഐയ്ക്ക് എതിരെ യൂത്ത് കോണ്ഗ്രസ് നടത്തിയ പ്രതിഷേധ റാലിയെപ്പറ്റി കീ വേര്ഡ് സെര്ച്ച് നടത്തിയെങ്കിലും ഫലം ലഭിച്ചില്ല. തുടര്ന്ന് നടത്തിയ പരിശോധനയില് ഈ റാലിയുടെ അല്പം കൂടി ക്ലാരിറ്റിയുള്ള വീഡിയോകള് ലഭിച്ചു. ഇതില് നിന്ന് പ്രവര്ത്തകരുടെ കൈകളിലുള്ള ബാനറിലെ അക്ഷരങ്ങളും ചിത്രങ്ങളും വ്യക്തമായി കാണാന് സാധിച്ചു. ഇതിന്റെ സ്ക്രീന് ഷോട്ട് താഴെ കാണാം. 'SDPI തീവ്രവാദികളെ നിങ്ങള്ക്ക് മാപ്പില്ല.... യൂത്ത് കോണ്ഗ്രസ് മലപ്പുറംപാര്ലമെന്റ് കമ്മറ്റി ' എന്നാണ് ബാനറില് എഴുതിയിട്ടുള്ളത്. ഇതിലുള്ള ചിത്രം റിവേഴ്സ് ഇമേജില് തിരഞ്ഞപ്പോള് തൃശൂര്, ചാവക്കാട് കൊല്ലപ്പെട്ട പുന്ന നൗഷാദ് എന്ന യൂത്ത് കോണ്ഗ്രസ് പ്രവര്ത്തകന്റേതാണെന്ന് മനസിലാക്കാനായി. ഇതേ ചിത്രം ഉപയോഗിച്ച് ദി ന്യൂസ് മിനിട്ട് നല്കിയ വാര്ത്ത ലഭ്യമായി. നൗഷാദ് കൊല്ലപ്പെട്ടതിനു പിന്നില് പോപ്പുലര്ഫ്രണ്ട് പ്രവര്ത്തകരാണെന്ന് വാര്ത്തയില് വ്യക്തമാക്കുന്നുണ്ട്. ബൈക്കിലെത്തിയ അക്രമികള് നൗഷാദിനെ പിന്നില് നിന്ന് വെട്ടിക്കൊലപ്പെടുത്തുകയായിരുന്നു. 2019 ജൂലായ് 30നാണ് നൗഷാദ് കൊല്ലപ്പെട്ടത്. ഒന്നാം പ്രതി കാരി ഷാജി എന്ന് അറിയപ്പെടുന്ന അറയ്ക്കല് ജമാലുദ്ദീന് എന്നയാളെ അറസ്റ്റ് ചെയ്ത വാര്ത്ത മനോരമ ഓണ്ലൈന് നല്കിയിരുന്നു. നൗഷാദിന്റെ കൊലപാതകത്തിനു ശേഷം യൂത്ത് കോണ്ഗ്രസ് പ്രവര്ത്തകര് നടത്തിയ പ്രതിഷേധ പ്രകടനമാകാം ഇതെന്ന നിഗമനത്തില് ഞങ്ങള് മലപ്പുറത്തെ യൂത്ത് കോണ്ഗ്രസ് നേതാക്കളെ ബന്ധപ്പെട്ടു. ഇത് പഴയ വീഡിയോ ആണെന്നും ചാവക്കാട് നൗഷാദ് കൊലപാതകത്തിനു ശേഷം പ്രവര്ത്തകരുടെ വൈകാരിക പ്രകടനമായിരുന്നുവെന്നും നേതാക്കള് പറഞ്ഞു. ' വാക്കുകള് രൂക്ഷമായിരുന്നു. എന്നാലത് ഞങ്ങളുടെ ഒരു കൂടപ്പിറപ്പിനെ നഷ്ടപ്പെട്ട വേദനയിലാണ് നടത്തിയത്. വൈകാരിക പ്രകടനം മനസിലാക്കുമല്ലോ.' ഒരു യൂത്ത് കോണ്ഗ്രസ് ഭാരവാഹി ഇന്ത്യാ ടുഡേയോട് പറഞ്ഞു. അദ്ദേഹം നല്കിയ പ്രധാന വിവരം ഇതാണ് ; ഇപ്പോള് യൂത്ത് കോണ്ഗ്രസിന് പാര്ലമെന്റ് കമ്മറ്റികളില്ല. രണ്ടു വര്ഷം മുന്പ് അതായത് 2019ഓടെ എല്ലാ പാര്ലമെന്റ് കമ്മറ്റികളെയും അതത് ജില്ലാകമ്മറ്റികളായി ഉയര്ത്തുകയുണ്ടായി. എന്നാല് ബാനറില് എഴുതിയിരിക്കുന്നത് 'മലപ്പുറം പാര്ലമെന്റ് കമ്മറ്റി' എന്നാണ്. അതുകൊണ്ടു തന്നെ ഇത് പഴയ വീഡിയോ ആണെന്ന് ഉറപ്പിക്കാനാകും. യൂത്ത് കോണ്ഗ്രസ് നേതാവ് നല്കിയ വിവരം അനുസരിച്ച് തിരഞ്ഞപ്പോള് ഇതേ പ്രതിഷേധത്തിന്റെ യഥാര്ഥ വീഡിയോ പുന്ന നൗഷാദ് കൊല്ലപ്പെട്ടതിന് തൊട്ടടുത്ത ദിവസമായ 2019 ജൂലായ് 31ന് (MR4)Media എന്ന യുട്യൂബ് പേജില് അപ് ലോഡ് ചെയ്തിരിക്കുന്നത് കണ്ടെത്താനായി. ഇത് താഴെ കാണാം. വീഡിയോ മലപ്പുറത്തേതാണെന്ന് ഉറപ്പിക്കാനായെങ്കിലും എറണാകുളത്ത് സമാനമായ പ്രകടനം അടുത്തിടെ നടന്നിരുന്നോ എന്നും ഞങ്ങള് അന്വേഷിച്ചു. എന്നാല് ഇത്തരമൊരു മാര്ച്ച് യൂത്ത് കോണ്ഗ്രസ് നടത്തിയിട്ടില്ലെന്ന് എറണാകുളം ജില്ലാ ഭാരവാഹികള് ഇന്ത്യാ ടുഡേയോട് വ്യക്തമാക്കി. ലഭ്യമായ വിവരങ്ങളില് നിന്ന് തൃക്കാക്കരയില് യൂത്ത് കോണ്ഗ്രസ് പ്രവര്ത്തകര് എസ്ഡിപിഐയ്ക്കെതിരെ നടത്തിയ പ്രതിഷേധം എന്ന രീതിയില് പ്രചരിക്കുന്ന വീഡിയോ 2019ല് മലപ്പുറത്ത് നിന്നുള്ളതാണെന്ന് വ്യക്തം. തൃക്കാക്കരയില് യൂത്ത് കോണ്ഗ്രസ് പ്രവര്ത്തകര് എസ്ഡിപിഐയ്ക്കെതിരെ നടത്തിയ പ്രതിഷേധം. ഇത് 2019ല് മലപ്പുറം ജില്ലയിലെ യൂത്ത് കോണ്ഗ്രസുകാര് നടത്തിയ പ്രതിഷേധമാണ്. ചാവക്കാട്, പുന്ന നൗഷാദിന്റെ കൊലപാതകത്തില് പ്രതിസ്ഥാനത്തുള്ള പോപ്പുലര് ഫ്രണ്ടിനെതിരെയായിരുന്നു പ്രകടനം. വൈകാരിക പ്രതിഷേധമായതിനാലാണ് രൂക്ഷമായ ഭാഷ ഉപയോഗിച്ചതെന്ന് പ്രവര്ത്തകര് വിശദീകരിക്കുന്നു.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software