| schema:text
| - Fotografia e manipuluar e Ramush Haradinajt
Deklarata
O mos qo aq ron se tani nuk mundesh meu ba kurr Fresident
Vlerësimi
Rrenë
Fotografia në të cilën shihet ish-Kryeministri, Ramush Haradinaj me përshkrimin “O mos qo aq ron se tani nuk mundesh meu ba kurr Fresident”, teksa në të ka mbishkrime “Kamt e arushës ti lash në dorë” janë të rreme. Fotografia është e fabrikuar, pasi në fotografin reale nuk është Haradinaj. Përveç kësaj, Haradinaj nuk e ka thënë asnjëherë një citat të tillë.
Artikulli
Më 19 qershor 2023, faqja e Facebook-ut “Diaspora Vetëvendosje” ka publikuar një fotografi në të cilën shihet ish-kryeministri i Kosovës, Ramush Haradinaj dhe ish-Presidenti, Hashim Thaçi.
Fotografia ka përshkrimin “O mos qo aq ron se tani nuk mundesh meu ba kurr Fresident”, teksa në të ka mbishkrime “Kamt e arushës ti lash në dorë”.
Fotoja e publikuar nuk është reale, por është e manipuluar.
Krypometri përmes aplikacionit TinEye ka gjetur fotografinë reale, e cilia është bërë më 16 gusht të vitit 2017, në të cilën nuk është Ramush Haradinaj.
KALLXO.com ka kontaktuar me zëdhënësin e Aleancës për Ardhmërinë e Kosovës, Kushtrim Xhemaili i cili ka thënë se në fotografi nuk është Haradinaj, teksa shton se postime të ngjashme janë të shpeshta dhe kanë qëllim dëmtimin e figurës së kreut të AAK-së.
Analisti Imer Mushkolaj, thotë se qëllimi kryesor i publikimit të fotografive të tillë ëshë denigrimi i figurave publike.
Mushkolaj për KALLXO.com ka thënë se zakonisht këto manipulime bëhen nga përkrahës të partive të ndryshme.
“Qëllimi kryesor është me i denigru figurat e ndryshme publike për arsye të ndryshme. Zakonisht aq sa kam mujtë me e vërejtë këto bëhen nga përkrahës të partive të ndryshme politike me logjikën që me e denigru tjetrin apo rivalin”- thotë Mushkolaj.
Ai thekson se qarkullimi i këtyre fotografive është i rrezikshëm, pasi sipas Mushkolajt përdorues të Facebook-ut nuk e kanë edukimin e duhur medial dhe u besojnë publikimeve të tilla.
“Në anën tjetër janë jashtëzakonisht të rrezikshme, sepse për fat të keq një pjesë e njerëzve që përdorin rrjetet sociale po ju besojnë këtyre fotove dhe kjo është e rrezikshme sepse nuk e kanë edukimin e duhur medial që të vlerësojnë se një fotografi e tillë është apo nuk është e vërtetë, por e marrin si të mirëqenë. Kështu ndodhë shpresh edhe kur me metoda të deepfake u vendosen në gojë personazheve politikë deklarata që nuk i kanë thënë, njerëzit që i shohin mendojnë që janë të vërteta”- është shprehur Mushkolaj.
TinEye është një aplikacion që mundëson kërkimin e shpejtë të imazheve. TinEye është veçanërisht i dobishëm të ndihmojë që të kuptohet nëse fotografitë ose imazhet janë prerë, ndryshuar përmasat, shtrembëruar ose manipuluar.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)