About: http://data.cimple.eu/claim-review/8356b9fea734c715751484ed2abd7c1c77fb39b39a0e94cb4e4f8f93     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പത്തിനും പതിനഞ്ചിനും ഇടയില് പ്രായം തോന്നുന്ന ഒരു ആണ്കുട്ടിയെ ഒരാള് ക്രൂരമായി മര്ദ്ദിക്കുന്ന വീഡിയോ സമൂഹമാധ്യമങ്ങളില് വൈറലാണ്. വടി ഉപയോഗിച്ചും കൈകള് കൊണ്ടും മര്ദ്ദിക്കുന്നതിനൊപ്പം കുട്ടിയെ എടുത്തുയര്ത്തി താഴേയ്ക്ക് ഇടുന്നതും കാണാനാകും. ചുറ്റിലും കുറെ കുട്ടികള് കൂട്ടമായി നില്ക്കുന്നുണ്ട്. ആര്എസ്എസ് പരിശീലന ക്യാംപില് നിന്നുള്ള ദൃശ്യം എന്ന് അവകാശപ്പെട്ടാണ് വീഡിയോ പ്രചരിപ്പിക്കുന്നത്. "ആര്എസ്എസ് പരിശീലന ക്യാമ്പില് കുട്ടികള് അതി ദാരുണമായി പീഡിപ്പിക്കപ്പെടുന്ന ദൃശ്യം പുറത്ത്.." എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ഉത്തര്പ്രദേശിലെ സീതാപുര് കിഷോരി സംസ്കൃത ഗുരുകുലത്തിലെ അധ്യാപകനാണ് കുട്ടിയെ മര്ദ്ദിക്കുന്നത്. അന്വേഷണം വൈറല് വീഡിയോയുടെ കീഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് സമാനമായ ചിത്രങ്ങള് ഉള്പ്പെടുന്ന ചില വാര്ത്തകള് കണ്ടെത്താനായി. ഒക്ടോബര് 9ന് 'ദൈനിക് ഭാസ്കര്' നല്കിയിട്ടുള്ള വാര്ത്ത പ്രകാരം സംഭവം നടന്നത് ഉത്തര്പ്രദേശിലെ സീതാപുരിലാണ്. കിഷോരി സംസ്കൃത ഗുരുകുലം( Kishori Sanskrit Residential School) അധ്യാപകനായ സതീഷ് ജോഷിയാണ് വിദ്യാര്ഥിയെ മര്ദ്ദിച്ചത്. ഗുരുകുല സമ്പ്രദായത്തില് സംസ്കൃതവും വേദവും പഠിപ്പിക്കുന്ന സ്കൂളാണിത്. അടിയേല്ക്കുന്ന കുട്ടി സ്കൂളില് നിന്ന് ആരോടും പറയാതെ ഇറങ്ങിപ്പോയെന്നും മണിക്കൂറുകള്ക്ക് ശേഷമാണ് കണ്ടുകിട്ടിയതെന്നും റിപ്പോര്ട്ടില് പറയുന്നുണ്ട്. ഇതിനെത്തുടര്ന്നാണ് അധ്യാപകന് കുട്ടിയെ അടിക്കുന്നത്. രണ്ട് മാസം മുന്പ് നടന്ന സംഭവമാണെങ്കിലും കഴിഞ്ഞ ദിവസമാണ് വീഡിയോ പുറത്തു വന്നത്. ഇതോടെ അധ്യാപകനെ സിദ്ധൗലി പൊലീസ് അറസ്റ്റ് ചെയ്തു. 'ദൈനിക് ഭാസ്കര്' റിപ്പോര്ട്ടിന്റെ സ്ക്രീന്ഷോട്ട് താഴെ കാണാം. വൈറല് വീഡിയോയെപ്പറ്റി മറ്റ് മാധ്യമങ്ങളും റിപ്പോര്ട്ട് നല്കിയിട്ടുണ്ട്. സംഭവത്തെ കുറിച്ചുള്ള ഔദ്യോഗിക വിശദീകരണത്തിനായി ഞങ്ങള് സിദ്ധൗലി പൊലീസ് ഇന്സ്പെക്ടറെ ബന്ധപ്പെട്ടു. "കിഷോരി സംസ്കൃത സ്കൂളിലെ അധ്യാപകനായ സതീഷ് ജോഷിയാണ് കുട്ടിയെ ക്രൂരമായി മര്ദ്ദിച്ചത്. വീഡിയോ പുറത്തുവന്നതിനു പിന്നാലെ തന്നെ സതീഷിനെ പൊലീസ് അറസ്റ്റ് ചെയ്തു. ഇയാളിപ്പോള് റിമാന്ഡിലാണ്. ഇതൊരു ആര്എസ്എസ് ക്യാംപ് അല്ല. സംസ്കൃതവും വേദവും മറ്റും പഠിപ്പിക്കുന്ന ഗുരുകുലമാണ് " സിദ്ധൗലി ഇന്സ്പെക്ടര് ഇന്ത്യാ ടുഡേയോട് സ്ഥിരീകരിച്ചു. ഇന്ത്യാ ടുഡേയ്ക്കു വേണ്ടി ഈ സംഭവം റിപ്പോര്ട്ട് ചെയ്ത സീതാപുര് കറസ്പോണ്ടന്റ് അരവിന്ദ് മോഹനുമായും ഞങ്ങള് സംസാരിച്ചു. "ഈ സംഭവം നടന്നത് രണ്ട് മാസങ്ങള്ക്ക് മുന്പാണ്. കുട്ടിയുടെ ബന്ധുക്കളുടെ പരാതിയില് അധ്യാപകന് സതീഷ് ജോഷിയെ ഗുരുകുലം അധികൃതര് സസ്പെന്റ് ചെയ്തിരുന്നു. എന്നാല് അടുത്തിടെ മാത്രമാണ് വീഡിയോ പുറത്ത് വന്നത്. അതിനുശേഷം സതീഷിനെതിരെ പൊലീസ് കേസെടുക്കുകയും അറസ്റ്റിലാവുകയും ചെയ്തു. ശിക്ഷാ നടപടിയുടെ ഭാഗമായാണ് അധ്യാപകന് ഇത്തരത്തില് ക്രൂരമായി മര്ദ്ദിച്ചത്. പ്രദേശത്ത് വലിയ രീതിയിലുള്ള പ്രതിഷേധങ്ങളൊക്കെ നടന്നിരുന്നു. സമൂഹമാധ്യമങ്ങളില് പ്രചരിക്കുന്നതുപോലെ ഇതൊരു ആര്എസ്എസ് ക്യാംപ് അല്ല. വേദവും, താന്ത്രിക വിദ്യയും അഭ്യസിക്കുന്നതിനായി ഇവിടെ താമസിച്ച് പഠിക്കുന്ന വിദ്യാര്ഥികളാണിവര്. ഒരുപക്ഷേ അവരുടെ വസ്ത്രധാരണം കൊണ്ടാകാം ആര്എസ്എസ് ക്യാംപ് എന്ന് പ്രചരിക്കുന്നത്. സാധാരണയായി സംസ്കൃത പാഠശാലകളില് ഇത്തരത്തില് വെള്ളയോ, കാവിയോ നിറത്തിലുള്ള വസ്ത്രങ്ങളാണ് വിദ്യാര്ഥികള് ഉപയോഗിക്കുന്നത് , " അരവിന്ദ് മോഹന് പറഞ്ഞു. സംഭവത്തെപ്പറ്റി ആജ് തക് നല്കിയ റിപ്പോര്ട്ട് ഇവിടെ കാണാം. ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോ ആര്എസ്എസ് ക്യാംപില് നിന്നുള്ളതല്ലെന്നും ഉത്തര്പ്രദേശിലെ ഒരു സംസ്കൃത ഗുരുകുലത്തില് നിന്നുള്ളതാണെന്നും വ്യക്തമായി. ആര്എസ്എസ് ക്യാംപില് പങ്കെടുക്കുന്ന കുട്ടിയെ ക്രൂരമായി മര്ദ്ദിക്കുന്ന ദൃശ്യം. പ്രചരിക്കുന്ന വീഡിയോ ഉത്തര്പ്രദേശിലെ സീതാപുരിലുള്ള കിഷോരി സംസ്കൃത ഗുരുകുലത്തില് നിന്നുള്ളതാണ്. പാഠശാലയില് നിന്ന് അനുവാദമില്ലാതെ പുറത്ത് പോയതിന് അധ്യാപകനായ സതീഷ് ജോഷിയാണ് വിദ്യാര്ഥിയെ ക്രൂരമായി മര്ദ്ദിച്ചത്. അധ്യാപകനെ പൊലീസ് അറസ്റ്റ് ചെയ്തു.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 8 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software