| schema:text
| - Fotografia e rreme për festën e koalicionit me Listën Serbe
Deklarata
Duke festuar koalicionin me Listën Serbe
Vlerësimi
Rrenë
Postimi i fotografisë me mbishkrimin “Duke festuar koalicionin me Listën Serbe” është i rremë. Fotografia është e vjetër dhe ajo ishte realizuar në vitin 2018, në 18 vjetorin e themelimit të Partisë Aleanca për Ardhmërinë e Kosovës dhe aty nuk ishte festuar koalicioni si pretendohet në këtë postim. Fotografia është pjesërisht e rreme, sepse është edituar duke u shtuar edhe ish-deputeti Daut Haradinaj e ish-kryeministri Isa Mustafa.
Artikulli
Më 07.06.2024 një profil në Facebook ka publikuar (arkiva 1 dhe 2) një fotografi me mbishkrimin “Qe vlerat e tyre, hajnat bashkë”.
Në fotografi shihej ish-kryetari i LDK-së dhe ish-Kryeministri Isa Mustafa, kryetari i partisë Nisma Socialdemokrate Fatmir Limaj, deputeti i Aleancës për Ardhmërinë e Kosovës, Daut Haradinaj, ish-kryetari i Listës Serbe Goran Rakiq me ish-deputetin e kësaj partie, Slavko Simiq e zyrtarë të tjerë.
Fotografia kishte edhe një përshkrim që thotë “Duke festuar koalicionin me Listën Serbe”.
Krypometër, përmes kërimeve në Youtube ka gjetur se fotografia është bërë në përvjetorin e 18 të partisë Aleanca për Ardhmërinë e Kosovës, e cila ishte mbajtur në vitin 2018. Në këtë përvjetor ishin ftuar edhe anëtarët e partisë Lista Serbe, që në atë kohë ishin pjesë e Qeverisë së Republikës së Kosovës të udhëhequr nga Kryeministri Ramush Haradinaj.
Krypometër më 24.06.2024 ka pyetur zyrën për media të Alencës për Ardhmërinë e Kosovës, për të verifikuar nëse fotografia është akuale dhe nëse është bërë ndonjë festim apo koalicion e në të cilën ka marrë pjesë zyrtari i kësaj partie, Daut Haradinaj.
“Fotografia është e montuar dhe nuk është e vërtetë përshkrimi i saj”– ka thënë për Krypometër Lulëzim Blaka, drejtor i informimit në AAK.
Fotografinë dhe përmbajtjen e saj e ka mohuar edhe ish-kryeministri dhe kryetari i LDK-së, Isa Mustafa.
“Koalicion nuk kemi festuar asnjëherë. Kjo foto nuk e di ku është kapur, ndoshta në ndonjë pritje. Do të isha falënderues ta raportoni e të bllokohet”– ka thënë Mustafa për Krypometër më 24.06.2024.
Lista Serbe, partia më e madhe e serbeve në Kosovë, është larguar nga institucionet e Kosovës më 05.11.2022, duke përfshirë institucionet qendrore, qeverinë dhe Kuvendin, pas një mbledhjeje që u mbajt nga kjo parti në Mitrovicën e Veriut. Para se të largohej nga institucionet shtetrore, Lista Serbe ishte pjesë e Qeverisë së Kosovës, por pa ndonjë marrëveshje politike.
Më pastaj, në Qeverinë e Kosovës u zëvëndësuan me ministra të komunitetit serb por që nuk vijnë nga partia Lista Serbe.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)