About: http://data.cimple.eu/claim-review/9572322ea8e43a599010f610e1badfa80dad7b844b442b41b86bb396     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഇക്കഴിഞ്ഞ ജൂണ് 25 മുതലാണ് സംസ്ഥാനത്ത് വൈദ്യുതി നിരക്ക് വര്ധന പ്രാബല്യത്തില് വന്നത്. അതുവരെയുണ്ടായിരുന്ന നിരക്കില് നിന്ന് 6.6% വര്ധനവ് വരുത്താനാണ് വൈദ്യുതി റെഗുലേറ്ററി കമ്മിഷന് കെഎസ്ഇബിക്ക് അനുമതി നല്കിയത്. നിരക്ക് വര്ധനയുമായി ബന്ധപ്പെട്ട് നിരവധി പ്രചാരണങ്ങള് സമൂഹമാധ്യമങ്ങളില് ഉള്പ്പെടെ നടക്കുന്നുണ്ട്. വര്ഗീയ താല്പര്യം മുന്നിര്ത്തിയുള്ള അത്തരത്തിലൊരു പ്രചാരണം ഇപ്പോള് സജീവമാണ്. 'വിചിത്രമായ പരിഹാസം?? വൈദ്യുതി നിരക്ക് സാധാരണ പൗരന്മാര്ക്ക് യൂണിറ്റിന് 7.85 രൂപ. മസ്ജിദ് യൂണിറ്റിന് 1.85 രൂപ പള്ളി യൂണിറ്റിന് 1.85 രൂപ ക്ഷേത്രം യൂണിറ്റിന് 7.85 രൂപ. ഇതാണ് നമ്മുടെ മതേതര ഇന്ത്യ. ' എന്നു തുടങ്ങുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ആരാധനാലയങ്ങള്ക്കുള്ള വൈദ്യുതി നിരക്ക് മതാടിസ്ഥാനത്തിലല്ല കണക്കാക്കുന്നത്. AFWA അന്വേഷണം പ്രചാരത്തിലുള്ള പോസ്റ്റില് പറയുന്നത് ക്ഷേത്രങ്ങള്ക്ക് വൈദ്യുതി നിരക്ക് കൂടുതലും പള്ളികള്ക്കും മോസ്കുകള്ക്കും കുറവുമെന്നാണ്. ഇക്കാര്യം പരിശോധിക്കുന്നതിന് വൈദ്യുതി നിരക്ക് ഈടാക്കുന്നതു സംബന്ധിച്ച നിബന്ധനകളാണ് ഞങ്ങള് പരിശോധിച്ചത്. 2022 ജൂണ് 25നാണ് കെഎസ്ഇബിയുടെ ഏറ്റവും പുതിയ താരിഫ് നിരക്ക് പ്രാബല്യത്തില് വന്നിട്ടുള്ളത്. ഇതില് വിവിധ കെട്ടിടങ്ങള്ക്ക് ഈടാക്കുന്ന വൈദ്യുതി നിരക്കും അവ ഏത് കാറ്റഗറിയിലാണ് ഉള്പ്പെടുത്തിയിരിക്കുന്നതെന്നും വ്യക്തമാക്കുന്നുണ്ട്. ഗാര്ഹിക ഉപയോഗത്തിനുള്ള നിരക്കും മറ്റ് സ്ഥാപനങ്ങളുടെ നിരക്കും വ്യത്യാസപ്പെട്ടിരിക്കും. ഗാര്ഹിക ഉപയോഗത്തിന് Low Tension (LT-1) എന്ന കാറ്റഗറിയിലാണ് നിരക്ക് കണക്കാക്കുന്നത്. ബാക്കിയുള്ള കെട്ടിടങ്ങള്ക്ക് LT-4A, LT-4B .......LT-7C വരെ വിവിധ കാറ്റഗറിയിലാണ് വൈദ്യുതി നിരക്ക് കണക്കാക്കുക. ഇവയുടെ പട്ടിക താഴെ കാണാം. ഇതില് ക്ഷേത്രങ്ങളും പള്ളികളും ഏത് കാറ്റഗറിയില് വരും എന്നതാണ് ഞങ്ങള് പിന്നീട് പരിശോധിച്ചത്. LT-6A എന്ന കാറ്റഗറിയിലാണ് ആരാധനാലയങ്ങള് ഉള്പ്പെട്ടിട്ടുള്ളതെന്ന് ഈ ഗസറ്റ് വിജ്ഞാപനത്തില് തന്നെ പറയുന്നുണ്ട്. വിദ്യാഭ്യാസ സ്ഥാപനങ്ങള്, ക്ഷേത്രം, പള്ളി, മോസ്ക് തുടങ്ങിയ ആരാധനാലയങ്ങള്, ഇവയോടു ചേര്ന്നുള്ള മതപഠനശാലകള് എന്നിവയെല്ലാം LT-6A കാറ്റഗറിയിലാണ് ഉള്പ്പെട്ടിട്ടുള്ളത്. ഇവയ്ക്ക് 308 കിലോ വാട്ട് വൈദ്യുതി വരെ സാധാരണ നിരക്കില് ഉപയോഗിക്കാം എന്നതാണ് വ്യവസ്ഥ. ഇക്കാര്യങ്ങള് വ്യക്തമാക്കുന്ന ഉത്തരവിലെ പ്രസക്ത ഭാഗം താഴെ കാണാം. എന്നാല്, ഇതില് ഒരു പ്രത്യേക മത വിഭാഗത്തിന് കൂടുതല് നിരക്കെന്നോ കുറവ് നിരക്കെന്നോ സൂചിപ്പിച്ചിട്ടില്ലെന്നത് വ്യക്തമാണ്. എന്നിരുന്നാലും പണം അടയ്ക്കുമ്പോള് ഇത്തരമൊരു വിവേചനമുണ്ടോ എന്നതും ഞങ്ങള് പരിശോധിച്ചു. അതിനായി കെഎസ്ഇബിയുടെ ബില് കാല്ക്കുലേറ്റര് സംവിധാനമാണ് നോക്കിയത്. ഇതിലും പള്ളിയാണോ, മോസ്കാണോ അമ്പലമാണോ എന്ന ചോദ്യം ഇല്ല. പകരം വിദ്യാഭ്യാസ സ്ഥാപനമാണോ/ലൈബ്രറിയോ റീഡിംഗ് റൂമോ ആണോ/ അല്ലെങ്കില് അദേഴ്സ് എന്ന ഓപ്ഷന് മാത്രമാണ് നല്കിയിട്ടുള്ളത്. ബില് കാല്ക്കുലേറ്ററില് ഇത്തരത്തില് ബില് തുക കണക്കാക്കുന്നതിന്റെ സ്ക്രീന് ഷോട്ട് താഴെ കാണാം. പ്രചാരത്തിലുള്ള പോസ്റ്റുകളില് ആരോപിക്കുന്ന മറ്റൊരു കാര്യം മദ്രസകളിലെ പുരോഹിതന്മാര്ക്ക് സര്ക്കാര് ശമ്പളം നല്കുന്നുണ്ടെന്നും ക്ഷേത്രങ്ങളിലെ പൂജാരിമാര്ക്ക് പണമൊന്നും കിട്ടുന്നില്ലെന്നുമാണ്. മദ്രസാ അധ്യാപകര്ക്ക് അതത് മദ്രസാ കമ്മറ്റികളാണ് ശമ്പളം നല്കുന്നതെന്ന് വ്യക്തമാക്കുന്ന വിശദമായ ഫാക്ട് ചെക്ക് റിപ്പോര്ട്ട് ഇന്ത്യാ ടുഡേ മുന്പ് നല്കിയിട്ടുണ്ട്. അതോടൊപ്പം ദേവസ്വം ബോര്ഡ് ക്ഷേത്രങ്ങളില് ശമ്പളം നല്കുന്നത് ദേവസ്വം റിക്രൂട്ട്മെന്റ് ബോര്ഡുകളാണ്. ഇതു സംബന്ധിച്ച് ഇന്ത്യാ ടുഡേ നല്കിയ റിപ്പോര്ട്ട് ഇവിടെ വായിക്കാം. ലഭ്യമായ വിവരങ്ങളില് നിന്ന് പള്ളികളിലും മോസ്കുകളിലും ഈടാക്കുന്നതിലും അധികം വൈദ്യുതി ചാര്ജ് അമ്പലങ്ങളില് നിന്ന് നല്കേണ്ടി വരുന്നുണ്ട് എന്ന പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തം. ഇതിനോടൊപ്പമുള്ള മറ്റു വാദങ്ങളും വസ്തുതാപരമായി തെറ്റാണ്. ആരാധനാലയങ്ങളില് നിന്ന് വൈദ്യുതി നിരക്ക് ഈടാക്കുന്നതില് വേര്തിരിവ്. മോസ്കുകള്ക്കും ക്രിസത്യന് പള്ളികള്ക്കും നല്കേണ്ടി വരുന്ന തുകയേക്കാള് കൂടുതല് ക്ഷേത്രങ്ങള് വൈദ്യുതി ചാര്ജായി നല്കേണ്ടിവരുന്നു. മതാടിസ്ഥാനത്തില് അല്ല വൈദ്യുതി നിരക്ക് നിശ്ചയിക്കുന്നത്. വിദ്യാഭ്യാസ സ്ഥാപനങ്ങളില് നിന്ന് ഈടാക്കുന്നതിനു സമാനമായി LT-6A കാറ്റഗറിയിലാണ് ക്ഷേത്രങ്ങളിലും വൈദ്യുതി നിരക്ക് കണക്കാക്കുന്നത്. എല്ലാ ആരാധനാലയങ്ങള്ക്കും ഒരേ നിരക്കാണ് ഈടാക്കുന്നത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software